সফনিয় 3:15 - Chakma Bible

¹⁵ লগেপ্রভু তঅ সাজাগান দূর্ গুরি দিয়্যে, তে তর্ শত্রুগুনোরে ধাবেই দিয়্যে। ইস্রায়েলর রাজা লগেপ্রভু তঅ ভিদিরে আঘে; তুই আর কনদিন্‌অ অমংগলত্তে ন-দোরেবে।

সফনিয় 3:15 Iomraidhean Croise

পত্থম 30:23

সেক্কে রাহেলে পিদিলী অলঅ আর তার্‌ এক্কো পুয়ো অলঅ। সেক্কে তে কলঅ, “গোজেনে মঅ অসর্মানান দূর্‌ গুরিলো।”

গীতসংহিতা 149:2

ইস্রায়েলে তার সিরিষ্টি গুরিয়্যেবোরে নিইনে ফুত্তি গোরোক্, সিয়োন মানুচ্চুনে তারার রাজাবোরে নিইনে হুজিয়্যে রাজিয়্যে থাদোক্।

গীতসংহিতা 19:9

লগেপ্রভু উগুরে যে ভোক্তিবলা দর্, সিয়েন্ সিজি আর জনমত্তে থিদেবর্ গোজ্যে। লগেপ্রভুর রীদি-সুদোমানি সত্য, সিয়েনত্ অন্যেয় কিজু নেই।

গীতসংহিতা 85:3

তর্ বেক রাগ্‌কান তুই দূর্ গুরি দুয়োচ্ আর তর্ অমকদ রাগত্তুন্ ফিজ্জোস্।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 51:22

তর্ প্রভু লগেপ্রভু, তর্ গোজেন, যিবে তা মানুচ্চুনোর তপ্পে থায় তে এ কধাগান কোইয়্যেদে, “চাহ্, যে গলচ্চোত্তুন্ হেইনে তুই মাত্তল্ অদে সিবে মুই তঅ আঢত্তুন্ নেযেয়োং; মর্ রাগর সেই গলচ্চোত্তুন্ তুই আর কনদিন্‌অ ন-হেবে।

যিশাইয় 52:9

ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 65:19

মুই যিরূশালেমানরে নিইনে ফুত্তি গুরিম আর মঅ মানুচ্চুনোরে নিইনে হুজি ওম্; সিয়েন ভিদিরে আর কনঅ কানাকুদির্ রঅ শুনো ন-যেবঅ।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

যিহিষ্কেল 35:10

“‘মুই লগেপ্রভু যুনিয়ো ইস্রায়েল আর যিহূদাত্ এলুং তো তুই কোইয়োচ্, এ দ্বি’দেজ মানুচ্চুন আর তারা দেজ্‌চান তমার্ অবঅ আর তুমি সিয়েন অধিকার গুর‌‌‌িবা।

যিহিষ্কেল 36:15

জাদ্‌‌‌‌‌‌তুনোর্ ঠাট্টা-মশ্‌‌‌‌‌‌কারী আর তরে শুনিবাত্তে ন-দিম্ আর তারার অগমান গরানা আর তত্তুন্ সোজ্য গরা ন-পুরিবো। তত্তে তঅ জাদর্ মানুচ্চুনে আর উজোত্ ন-হেবাক্। মুই প্রভু লগেপ্রভু এ কধাগান কঙর্।’ ”

যিহিষ্কেল 39:29

তারা ইত্তুন্ মুই মর্ মুয়োন আর্ ফিরেই ন-রাগেম, কিত্যে ইস্রায়েলীয়গুনো উগুরে মুই মর্ আত্মাগান ঢালি দিম। মুই প্রভু লগেপ্রভু এ কধাগান কঙর্।”

যিহিষ্কেল 48:35

শঅর চেরোকিত্তে দেবাল মাব্‌‌পান অবঅ আদার আজার্ মাবেদে কাদি। সে অক্তত্তুন্ ধুরি শঅরানর্ নাঙ্ অবঅ, ‘লগেপ্রভু ইয়েনত্ আঘে।’ ”

যোয়েল 3:17

লগেপ্রভু কত্তে, সেক্কে তুমি হবর্ পেবা যে, মুয়ই তমার্ গোজেন লগেপ্রভু; মুই সিয়োনত, মর্ সুদ্ধো-সাংগ মুড়োবোত্ বজত্তি গরং। যিরূশালেমান সুদ্ধো-সাংগ অবঅ; বিদেশীগুন আর কনদিন্‌অ সিদু ন-যেবাক্।

আমোষ 9:15

মুই ইস্রায়েলীয়গুনোরে তারার্ নিজো দেজত্ গাজ ধোক্ক্যেন লাগেই দিম; যে দেজ্‌‌‌‌চান মুই তারারে দুয়োং সিয়েনত্তুন্ আর তারারে কনদিন্‌অ উগুড়েই ফেলা ন-অবঅ।” এ কধাগান তমা গোজেন লগেপ্রভু কত্তে।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

হবক্‌‌‌‌কূক 2:17

লেবানন উগুরে তুই যে অত্যেচার গোজ্যস্ সেই অত্যেচারান্ পুরোপুরি গুরিনে তঅ উগুরে এবঅ আর সিদুগোর্ য়েমানুনোরে মারে ফেলেয়োচ্ বিলিনে ইক্কিনে য়েমানুনে তরে দর্ লাগেবাক্। তুই দঅ মান্‌‌‌‌‌জ্যর্ লো ঝোরেয়োচ্ আর দেজ্, শঅর্ আর সিদুগোর্ বেক মানুচ্চুনোরে অত্যেচার গোজ্যস্।

হবক্‌‌‌‌কূক 2:8

তুই ভালোক্ জাদর্ ধন-সোম্বোত্তিগানি লুদেয়োচ্ বিলি সেই বেক্ জাদর্ বাঁজি থেইয়্যে মানুচ্চুনে তর্ ধন-সোম্বোত্তিগানি লুদেবাক্। ইয়েনর্ কারনান্ অলঅ, তুই মান্‌জ্যর লো ঝোরেয়োচ্; তুই নানান্ দেজ্, শঅর্ আর সিয়েনি ভিদিরে বেক্ মানুচ্চুনোরে অত্যেচার গোজ্যস্।

সফনিয় 3:17

তর্ গোজেন লগেপ্রভু তঅ ভিদিরে আঘে, তার রোক্ষ্যে গুরিবার খেমতা আঘে। তে তঅ পৌইদ্যেনে অমকদ হুজি অবঅ, আর তার গভীন্ কোচ্‌‌পানালোই তে অলর্ অবঅ। তে তঅ বেপারানিলোই হুজির-গান গুরিবো।”

সফনিয় 3:5

সিয়েন সংমোধ্যে বজত্তি গুরিয়্যে লগেপ্রভু ন্যায়বলা; তে কনঅ অন্যেয় ন-গরে। পত্তিদিন বেন্যে মাদান্ তে ন্যায়বিচের্ গরে; সিয়েন গুরিবাত্তে তে ভুলি ন-যায়। মাত্তর্ অন্যেয়গুরিয়্যেগুনোর লাজ্ নেই।

সখরিয় 12:3

সেদিন্যে যেক্কে বেক্ জাদে যিরূশালেম বিরুদ্ধে এগত্তর্ অবাক্ সেক্কে মুই তারে বেক্ জাদ্‌‌‌‌‌তুনোত্তে এক্কো গুয়োর্ পাত্তর ধোক্ক্যেন্ গুরিম। যিগুনে সেই পাত্তর্‌‌‌‌‌বোরে তুলিবাত্তে চেট্ট্যা গুরিবাক্ তারা নিজে আঘাত্ পেবাক্।

সখরিয় 14:11

সিয়েনত্ মানুচ্ বজত্তি গুরিবাক্; যিরূশালেমান আর কনদিন্‌অ ভস্তর্ অভিশাবর্ তলে ন-অবঅ। তে গমেডালে থেবঅ।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

যোহন 1:49

ইয়েন্দোই নথনেল যীশুরে কলঅ, “মাষ্টরবাবু, তুয়ই গোজেনর্ পুয়ো, তুয়ই ইস্রায়েলীয়গুনোর্ রাজা।”

যোহন 12:15

ও সিয়োন-ঝিবো, ন-দোরেচ্। রিনি চাহ্, তর্ রাজাবো গাধা ছঅ উগুরে চরিনে এজের্।

যোহন 19:19

পীলাতে এক্কান্ দুষ্ গোজ্যে বিলি চিদি লিগিনে যীশুর ত্রুুশো উগুরে লাগেই দিলো। সিয়েনত্ লেগা এলঅ, “নাসরতর্ যীশু, যিহূদীগুনোর্ রাজা।”

যোহন 5:30

মুই নিজোত্তুন্ কিচ্চু গুরি ন-পারং; যেবাবোত্যে শুনোং সেবাবোত্যে বিচের্ গরং। মুই গমেডালে বিচের্ গরং, কিয়া মুই মঅ আওজ্ মজিম্ কাম্ গুরিবাত্তে ন-চাং মাত্তর্ যে মরে পাধেয়্যে তা আওজ্ মজিম্ কাম্ গুরিবাত্তে চাং।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”

ফগদাং পেইয়্যে 7:15

সেনত্যে ইগুনে গোজেনর্ সিংহাসন মুজুঙোত্ আঘন আর স্বর্গর্ উবোসনা-ঘরত্ ইগুনে দিন-রেত্ তারে সেবা গত্তন্। যিবে সিংহাসন উগুরে বুয়োই আঘে তেয়ই ইগুনো উগুরে তা তাম্বুলান খাদেব।