সফনিয় 3:13 - Chakma Bible

¹³ ইস্রায়েলর সেই বাদবাগি মানুচ্চুনে অন্যেয় ন-গুরিবাক্; তারা মিজে কধা ন-কবাক্ বা তারার্ মুয়োত্ ছলনা ন-থেবঅ। তারা হেইনে গমেডালে ঘুম যেবাক্, কনজনে তারারে দর্‌বুগ্ ন-লাগেবাক্।”

সফনিয় 3:13 Iomraidhean Croise

২ বংশধর 20:30

সেক্কে যিহোশাফটর রেজ্যগান সুগে-শান্দিয়্যে রলঅ, কিত্তে তা গোজেনে চেরোকিত্তেত্তুন্‌ তারে সুগ্‌ শান্দি দিয়্যে।

ইয়োব 11:19

তুই ঘুমোত্‌ পড়িলে কনজনে তরে দর্‌ ন-লাগেব। বোউত্‌ মান্‌জ্যে তইদু দোয়্যে চেবাক্‌।

গীতসংহিতা 119:3

তারা কনঅ ভুল্ ন-গরন; তারা লগেপ্রভুর পধেদি চলন্।

গীতসংহিতা 120:2

ও লগেপ্রভু, মিজেকধা কোইয়্যেগুনোত্তুন্ আর ছলনাগুরিয়্যে জিলানিত্তুন্ তুই মরে রোক্ক্যে গর্।

গীতসংহিতা 120:3

ও ছলনাগুরিয়্যে জিলান্, তে তরে কি দিবো? তে কি তরে আরঅ সাজা ন-দিবো?

গীতসংহিতা 23:2

তে মরে খলার্ য়েল্ ঘাস উগুরে পড়ায়, মড়ং পানি কুরেয়ো মরে নেযায়।

যিশাইয় 17:2

অরোয়েরর আদামানি মানুচ্চুনে ফেলেই যেবাক্; য়েমান পালে সিয়েনি গজক্ গুরিবাক্। তারা সিয়েনিত্ পড়ি থেবাক্; কনজনে তারারে দর্ বুগ্ ন-লাগেবাক্।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 63:8

তে কোইয়্যেদে, “ঘেচ্চেকগুরি তারা মঅ মানুচ্, তারা এবাবোত্যে পুয়ো যিগুনে অবিশ্বেজি ন-অবাক্,” আর সেনত্তে তে তারার উদ্ধোর্ গুরিয়্যে অলঅ।

যিশাইয় 65:10

মর্ যে মানুচ্চুনে মর্ আওজ্ মজিম চলদন্ তারাত্তে শারোণান অবঅ ভেড়া পাল চোড়েবার জাগা আর আখোর কলগ্‌কান অবঅ য়েমান পালর্ জিরেবার-জাগা। ‍‍‍

যিরমিয় 23:4

মুই তারা উগুরে এমন পালক্‌কুনোরে নেযেম যিগুনে তারারে দেগাশুনো গুরিবাক্; মর্ ভেড়াগুনে আর ন-দোরেবাক্ বা আগল্ পাগল্ ন-অবাক বা কনবো আযি ন-যেবাক্। মুই লগেপ্রভু এ কধাগান কঙর্‍।”

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিহিষ্কেল 39:26

যেক্কে তারা তারার্ দেজত্ গমেডালে বজত্তি গুরিবাক্ আর কনজনে তারারে দর্‌‌বুক ন-দেগেবাক্ সেক্কে মঅ উগুরে অবিশ্বেজর্ কারনে তারার্ লাজ কধা তারা ভুলি যেবাক্।

যোয়েল 3:17

লগেপ্রভু কত্তে, সেক্কে তুমি হবর্ পেবা যে, মুয়ই তমার্ গোজেন লগেপ্রভু; মুই সিয়োনত, মর্ সুদ্ধো-সাংগ মুড়োবোত্ বজত্তি গরং। যিরূশালেমান সুদ্ধো-সাংগ অবঅ; বিদেশীগুন আর কনদিন্‌অ সিদু ন-যেবাক্।

লেবীয় 26:6

দেজত্‌ সেক্কে মুই সুখ্‌ দিম। তুমিয়ো সুগে-শান্দিয়্যে ঘুমেবা; কারত্তুন্‌ কনঅ দোরেবার্‌ কারন তমার্‌ ন-থেবঅ। মুই দেজত্তুন্‌ চিৎ নপুজ্যে য়েমানুন্ ধাবেই দিম্‌। কনঅ সৈন্য-সামন্ত তমার দেজ্‌চানরে আক্রমণ গুরিবাত্তে ন-এবাক্।

মীখা 4:4

পত্তিজনে নিজোর্ নিজোর্ আংগুর লুদি আর ডোমোর্ গাজ তলে বুজিবাক্ আর কনজনে তারারে দর্‌‌‌‌বুক ন-লাগেবাক্, কারন বেগত্তুন্ খেমতাবলা লগেপ্রভু সে কধাগান কোইয়্যেদে।

মীখা 4:7

মুই আঢুড়ুনোরে বাজেই রাগেম আর ধাবেই দিয়্যে মানুচ্চুনোরে গুরিম এক্কো দরমর জাদ্। মুই লগেপ্রভু সেদিন্যেত্তুন্ ধুরি উমরত্যে সিয়োন মুড়োবোত্ তারা উগুরে রাজাগিরি গুরিম।

মীখা 7:14

ও লগেপ্রভু, তুই মুগোর্ আঢত্ গুরিনে তঅ মানুচ্চুনোর গরগ্‌‌‌কুনোরে চরাচ্। তারা দঅ তর্ নিজোর্ পাল। তারা চেরোকিত্তে বোল্‌‌‌বোল্যে চড়াইদ্যে ভূই থেলেয়ো তারা গায় গায় ধূল্যেচর চাগালাত্ বজত্তি গরদন্। ভালোক্ দিন আগে যেবাবোত্যেগুরি চড়িদাক্ সেবাবোত্যেগুরি তারা যেন বাশন আর গিলিয়দত্ চড়িনে বেড়েই পারন।

সফনিয় 2:7

সেই চাগালাগান যিহূদা-বংশর বাঁজি থেইয়্যে মানুচ্চুনোর অধিকারত্ থেবঅ; সিয়েনত্ তারা পাল চোড়েবার জাগা পেবাক্; সাজোন্যে অক্তত্ তারা অস্কিলোনর ঘরত্ ঘুম্ যেবাক্; তারার্ গোজেন লগেপ্রভু তারারে দেগাশুনো গুরিবো, তে তারার্ অবস্থাগান ফিরেব।

সফনিয় 3:5

সিয়েন সংমোধ্যে বজত্তি গুরিয়্যে লগেপ্রভু ন্যায়বলা; তে কনঅ অন্যেয় ন-গরে। পত্তিদিন বেন্যে মাদান্ তে ন্যায়বিচের্ গরে; সিয়েন গুরিবাত্তে তে ভুলি ন-যায়। মাত্তর্ অন্যেয়গুরিয়্যেগুনোর লাজ্ নেই।

সখরিয় 8:12

ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

সখরিয় 8:16

এই বেক্ উগুমানি তমাত্তুন্ মানা পুরিবো-তুমি একজন আর একজন ইধু সত্য কধা কবা আর তমা আদালদত্ ন্যায়বিচের্ গুরিবাক্ যেনে মানুচ্চুনো ইধু শান্তি অয়;

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

মথি লেখ্যে গম্ হবর্ 13:41

যিগুনে অন্যগুনোরে পাপ গরান্ আর যিগুনে নিজে পাপ গরন্ তারারে বেক্কুনোরে সেই স্বর্গদূত্‌তুনে মান্‌জ্যপুয়োবোর্ রেজ্যত্তুন্ একলগে এগত্তর্ গুরিবাক্ আর জ্বোল্‌জোল্যে আগুনো ভিদিরে ফেলে দিবাক্।

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

কলসীয় 3:9

একজন আরেকজন ইধু মিজে কধা ন-কোইয়ো, কিয়া তমার পুরোণি “মুই” তার্ কাম সমত্ কাবড় ধোক্ক্যেন ঝারি ফেলেইনে তুমি দঅ নুয়ো “মুই” উজ্জ্য। এই নুয়ো “মুই” আরঅ নুয়ো অদে অদে তার্ সৃট্টিগুরিয়্যেবো ধোক্ক্যেন অর্, যেন সেই সৃট্টিগুরিয়্যেবোরে তুমি গমেডালে জানি পারঅ।

১ পিতর 3:14

গোজেনর্ আওজ্‌ মজিম চলিবাত্যে যেইনে যুনি তমাত্তুন্ দুগ্অ ভুগো পড়ে সালে তুমি বর্ পেইয়্যে। যিগুনে তমারে দুঘ্ দুয়োন তারারে তুই ন-দোরেচ্ বা দুঘোত্ ওলোজোলো ন-ওচ্,

১ যোহন 5:18

আমি কোই পারিই, গোজেনত্তুন্ যিবের জর্ম ওইয়্যে তে পাপত্ পড়ি ন-থায়। যিবে গোজেনত্তুন্ জোর্মেয়্যে তেয়ই তারে রোক্ষ্যে গরে, আর শদানে তারে ধুরি ন-পারে।

ফগদাং পেইয়্যে 14:5

তারা কনদিনঅ মিজে কধা ন-কন্; আর তারা ভিদিরে কনঅ দুষ্ পাহ্ ন-যায়।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”