সফনিয় 3:10 - Chakma Bible

¹⁰ কূশ দেজর্ গাঙ উপারত্তুন্ মর্ উবোসনাগুরিয়্যেগুন, মর্ ছিদি পোজ্যে মানুচ্চুন্ মঅ নাঙে উৎসর্বর জিনিস আনিবাক্।

সফনিয় 3:10 Iomraidhean Croise

গীতসংহিতা 68:31

মিসরত্তুন রাজদূত্‌তুনে এবাক্; কূশ যাদিমাদি গুরি গোজেন ইদু আঢ্‌তান বাবেই দিবো।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 11:12

তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 18:1

হায়! কূশ দেশর্ গাঙানির্ উপারত্ এমন এক্কান দেশ আঘে যিয়েনত্ ডুয়ো ধোক্ক্যেন ঝি ঝি রঅ শুনো যায়।

যিশাইয় 18:7

সে সময়োত্ বেগত্তুন্ খেমতাবলা লগেপ্রভু ইদু সেই লাম্বা আর নরম চামাড়ার্ জাদ্‌‌‌তুনো ইত্তুন্ বক্‌‌শিজ্ এবঅ। ইবে সেই জাদ্ যিবেরে কায়কুরে আর দূরো মানুচ্চুনে দরান্। ইবে সেই খেমতাবলা জাদ্ যে অন্যগুনোরে টেঙোই মাড়ে আর যিবের দেজ্ গাঙে-ছড়ালোই ভাগ্ গোজ্যে। সে জাদর্ বক্‌‌‌শিজ্‌চানি সিয়োন মুড়োবোত, বেগত্তুন্ খেমতাবলা লগেপ্রভুর থেবার্ জাগানত্ আনা অবঅ।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

যোহন 7:35

যীশুর এ কধাগান্দোই যিহূদী নেতাগুনে নিজো ভিদিরে কুয়ো কি গরা ধুরিলাক্, “এ মানুচ্চো কুধু যেবঅ যে, আমি তারে তোগেই ন-পেবং? অযিহূদীগুনো ভিদিরে যে যিহূদীগুন্ ছিদি পোজ্যে আগন্, তে কি সিধু যেইনে অযিহূদীগুনোরে শিক্ষ্যে দিবো?

প্রেরিত্‌ 24:17

“ভালোক্ বজর্ পরেদি মুই যিরূশালেমত্ যেয়োং যেন মঅ জাদর্ নাঢা মানুচ্চুনোরে কিজু টেঙা-পৌইজ্যে দি পারং আর য়েমান উৎসর্ব গুরি পারং।

প্রেরিত্‌ 8:27

সেক্কে ফিলিপে সিন্দি গেলঅ। পধত্ ইথিয়পিয়া দেজর্ এক্কো বিশেষ রাজার চাগর সমারে তার দেগা অলঅ। সেই চাগর্‌বো এলঅ গুজোং। ইথিয়পিয়ার কান্দাকী রাণীর ধন-রত্নর দেগাশুনো গুরিবার ভারান্ এলঅ এ মানুচ্চো উগুরে। গোজেনর উবোসনা গুরিবাত্তে সেই চাগর্‌বো যিরূশালেমত্ যেয়্যে।

১ পিতর 1:1

গোজেনর্ যিদুক্কুন বেঈ লোইয়্যে মানুচ্ পন্ত, গালাতিয়া, কাপ্পাদকিয়া, এশিয়া আর বিথুনিয়া রেজ্যত্ ছিদি পড়িনে বিদেশী ইজেবে বজত্তি গত্তন্, তারা ইধু মুই যীশু খ্রীষ্টর দূত পিতরে এ চিধিগান লেগঙর্।