সফনিয় 2:5 - Chakma Bible

⁵ ও করেথীয় মানুচ্চুন, তুমি যিগুনে সাগর পাড়ত্ বজত্তি গরঅ, অভিশাব্ পোড়োক্ তমার্! ও পলেষ্টীয়গুনোর দেশ কনান, তঅ বিরুদ্ধে লগেপ্রভুর এ কধাগান, “মুই তরে এমনভাবে ভস্ত গুরিম, তইদু কনজনে ন-থেবাক্।”

সফনিয় 2:5 Iomraidhean Croise

যিশাইয় 14:29

ও পলেষ্টীয়া, যে লুদিক্কো তরে আঘাত্ গুরিদো সিবে ভাঙি যেইয়্যে বিলি তুমি কনজনে ফুত্তি ন-গোজ্য। সাপ গাদত্তুন্ নিগিলি এবঅ কেউটে সাপ, আর সেই সাপ্পোত্তুন্ নিগিলি এবঅ উড়্‌বো বিষবলা সাপ।

যিশাইয় 14:30

বেগত্তুন্ নাঢা মানুচ্চুনে হানা পেবাক্ আর অভাবীগুনে গমেডালে ঘুম্ যেবাক্। মাত্তর্ তঅ শিঙোরানরে মুই ভানা দিইনে ভস্ত গুরিম, সেক্কে তর্ বাঁজি থেইয়্যে মানুচ্চুনে মুরি যেবাক্।

যিরমিয় 47:7

মাত্তর্ মুই তারে উগুম দুয়োং সেনত্তে কিবাবোত্যেগুরি তে জিরেব? মুয়ই দঅ তারে অস্কিলোন আর সাগর পারানি আক্রমণ গুরিবাত্তে উগুম দুয়োং।”

যিহিষ্কেল 25:16

সেনত্তে মুই প্রভু লগেপ্রভু কঙর্, ‘পলেষ্টীয়ার বিরুদ্ধে মুই মঅ আঢ্‌‌‌‌‌‌‌‌তানি বাড়েম্; মুই করেথীয়গুনোরে কাবি ফেলেম আর সাগর পার সং বাদ্‌বাগি মানুচ্চুনোরে ভস্ত গুরিম।

আমোষ 3:1

ও ইস্রায়েলর মানুচ্চুন, তমা বিরুদ্ধে, অত্তাৎ লগেপ্রভু যিগুনোরে মিসরত্তুন্ নিগিলেই আন্যে সেই পুরো জাদ বিরুদ্ধে তে যিয়েনি কোইয়্যে সিয়েনি শুনো:

আমোষ 5:1

ও ইস্রায়েলর মানুচ্চুন, তমা বিষয়ানিলোই মুই ইয়েনি যে আবিলেচ্ গরঙর্ সিয়েনি শুনো।

সফনিয় 1:11

ও মক্তেশর আদাম্মেগুন, তুমি আবিলেচ্ গরঅ, কিত্যেই তমার্ বেক বেবসায়ীগুনোরে আর টেঙা-পোইজ্যে লেনদেনগুরিয়্যেগুনোরে ফুজি ফেলা অবঅ।

সফনিয় 3:6

লগেপ্রভু কত্তে, মুই জাদ্‌তুনোরে শেজ্ গুরি দুয়োং; তারার্ অজল্ চুগিদার ঘরানি ভস্ত ওই যেইয়্যে। মুই তারার্ পথ্‌‌‌তানি মানুচ্ নেইয়্যে গোজ্যং; কনজনে সিন্দি আর ন-যান। তারার্ বেক শঅরানি ভস্ত ওই যেইয়্যে; সিয়েনিত্ কনজন নেই, কনজনে বজত্তি ন-গরন্।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

মার্ক 12:12

সেক্কে সেই ইহুদি নেতাগুনে যীশুরে ধুরিবাত্তে চেলাক্, কিয়া তারা বুঝিলাক্, হিত্ত্যবো যীশু তারা বিরুদ্ধে কোইয়্যে। মাত্তর্ তারা মানুচ্চুনো দরে যীশুরে ফেলেই গেলাক্।

যিহোশূয় 13:2

যে জাগায়ানি এজঅ‌ গজক্ গরা ন-অয়্‌ সে ভিদিরে রোইয়্যেদে মিসরর পূগেদি সীহোর গাঙত্তুন্‌ আরাম্ভ গুরিনে উত্তরেন্দি ইক্রোণর দুযি সং পলেষ্টীয় আর গশূরীয়গুনোর বেক্‌ চাগালাগান। এ চাগালাগান্‌ কনানীয়গুনোর জাগা বিলিনে ধরা অয়্‌। সিয়েনত্‌ ঘষা, অস্‌দোদ, অস্কিলোন, গাৎ আর ইক্রোণ নাঙে পাচজন পলেষ্টীয় শাজনগুরিয়্যের্‌ পাচছান শঅ‌র আঘে, আর দোগিণেন্দি আঘে অব্বীয়গুনোর জাগানি। ইয়েনিবাদে আরঅ‌ বোউত্‌ জাগা গজক্ গুরি নেযেবার্‌ বাগি আঘে, সিয়েনি অলঅ‌ সীদোনীয়গুনোর অধীনোত্‌ মিয়ারাত্তুন্‌ ইমোরীয়গুনোর দুযিত্‌ অফেক সং কনানীয়গুনোর বেক্‌ জাগায়ানি,

বিচের গুরিয়্যেগুন 3:3

সে জাদ্‌তুন্‌ অলাক্‌, পলেষ্টীয়গুনে আর তারার্‌ পাচজন শাজন্‌গুরিয়্যে, বেক্‌ কনানীয়গুনে আর সীদোনীয়গুনে আহ্‌ হিব্বীয়গুনে। বাল্‌-হর্মোণ মুড়োত্তুন হমাৎ আদামান সং লেবাননর যে মুড়ো-মুড়ি চাগালাগান আঘে এ হিব্বীয়গুনে সিদু থেদাক্‌।

১ শমূয়েল 30:14

আমি নেগেভত্‌ করেথীয়গুনোর চাগালাত্‌, যিহূদা চাগালাত আর কালেব চাগালাত্‌ লুদেবাত্তে যেইয়্যেই আর সিক্লগ আগুন্দোই পুড়ি ফেলেই দিয়্যে।”