সফনিয় 2:2 - Chakma Bible

² সেই দিন্নো তুষো ধোক্ক্যেন উড়ি এজের্; সেনত্তে ঠিগ্ গোজ্যে সময়ান এবার্ আগেদি, লগেপ্রভুর জ্বোল্‌জোল্যে রাগ্‌কান তমা উগুরে এবার্ আগেদি, তার্ অমকদ অহুজিগান তমা উগুরে পড়িবার আগেদি তুমি একসমারে থুবো।

সফনিয় 2:2 Iomraidhean Croise

ইয়োব 21:18

কদক্‌বার্‌ তারা বোইয়্যের মুয়োত্‌ ঘাস ধোক্ক্যেন্ অন্‌ আর ঝড়র মুয়োত্‌ উড়ি যেইয়্যে তুজো ধোক্ক্যেন্ অন্?

গীতসংহিতা 1:4

মাত্তর্ পাজিগুনে সেবাবোত্যে নয়; তারা যেন বোইয়্যেরে উড়ি যেইয়্যে তুজো ধোক্ক্যেন্।

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

যিশাইয় 17:13

দর্‌‍‍গরেপারা বান পানি রঅ ধোক্ক্যেন যুনিয়ো মানুচ্চুনে গুজুরোদন্, তো তে ধমক্ দিলে তারা দূরোত্ ধেই যেবাক্। বোইয়্যের মুয়োত্ মুড়ো-মুড়ি উগুরেগান তুজো ধোক্ক্যেন, ঝড় মুয়োত্ ধূল্যে ধোক্ক্যেন তারারে ধাবেই দিয়্যে অবঅ।‍

যিরমিয় 23:20

মঅ রাগ্‌‌‌কান মঅ মনান নাঙে ভর্‌পুনং ন-অনা সং ফিরি ন-যেবঅ। তুমি আগামীদি সিয়েন গমেডালে বুঝি পারিবে।‌

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

আবিলেচ্ 4:11

লগেপ্রভু তার্ অমকদ অহুজিগানরে পুরোপুরি নিগিলেয়্যে; তার্ অমকদ রাগ্‌কান তে ঢালি দিয়্যে। তে সিয়োনত্ আগুন জ্বালেয়্যে; সেক্কে তার্ খুদোগুন সং জ্বালেই দিয়্যে;

যিহিষ্কেল 12:25

সেক্কে মুই লগেপ্রভু যিয়েনি কোম্ সিয়েনি ফলিবো, দিরি ন-অবঅ। ও উল্লোমী জাদ্‌তো, মুই যিয়েনি কঙর্ সিয়েনি তমা সময়োত্ ফোলেই দিম্। মুই প্রভু লগেপ্রভু এ কধাগান কঙর্।’”

হোশেয় 13:3

সেনত্তে তারা অবাক্ বেন্যেমাদান কুয়ো ধোক্ক্যেন, অবাক্ অদাদৎ উরি যেইয়্যে বেন্যেমাদান শিরো পানি ধোক্ক্যেন, অবাক্ খামারত্তুন্ বোইয়্যেরে উড়ি যেইয়্যে তুজো ধোক্ক্যেন্, অবাক্ জানালাদি নিগিলি যেইয়্যে ধূমো ধোক্ক্যেন্।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।