সফনিয় 2:14 - Chakma Bible

¹⁴ সিদু গোরু আর ভেড়া পাল্ আহ্ বেগ্ জাদর্ প্রাণীগুন পড়ি থেবাক্। ধূল্যেচর-পেজা আর ভূতুম পেজা তা খুদোগুনো উগুরে ঘুম যেবাক্, আর জানালাদি তারার্ রগুন্ শুনো যেবঅ। ঘরানি ভস্ত ওই যেবঅ আর ঘরর্ এরস গাজর্ তক্তানি লুদ্ ওই যেবঅ।

সফনিয় 2:14 Iomraidhean Croise

গীতসংহিতা 102:6

মুই ধূল্যেচর-পেজা ধোক্ক্যেন্ ওইয়োং, ঘর পোড়া পেজা ধোক্ক্যেন্ ওইয়োং।

যিশাইয় 14:23

মুই তারে কুদুক্-কাদাগর্ জাগায়ান্ আর পানি জাগায়ান্ গুরি দিম্। ভস্ত অনা চোরোন্ দরালোই মুই তারে ছুরি দিম্। মুই বেগত্তুন্ খেমতাবলা লগেপ্রভু এ কধাগান্ কঙর্।”

যিরমিয় 22:14

অভিশাব্ পোড়োক তার, যে মানুচ্চো কয়, ‘মুই নিজোত্তে এক্কান দাঙর্ ঘর্ বানেম যিয়েনর উগুরে তলাত্ থেবঅ দাঙর্ দাঙর্ ঘুদি। মুই সিয়েন ভিদিরে দাঙর্ দাঙর্ জানালা বোজেম আর সিয়েনর তক্তানি এরস গাজ্‌চোই বানেম আর রাঙা রঙোই সাজেম‍।’‍‍‌

আমোষ 9:1

মুই প্রভুরে পূজোবো কায়-কুরে থিয়্যেই থাগদে দেগিলুং। তে কলদে, “খুদোগুনো মাঢাত্ আঘাত্ গরঅ যেনে সিগুন গির্‌‌‌গিরে উদিনে সিদুগো বেক মানুচ্চুনোর মাঢা উগুরে ভাঙি পড়ন্। যিগুনে বাঁজি থেবাক্ যুদ্ধোত্ মুই তারারে মারে ফেলেম। কনজনে যেই বা ধেই ন-পারিবাক্।

সফনিয় 2:6

সাগর পাড়র্ চাগালাগান অবঅ চরেদে জাগা; সিয়েনত্ থেবাক্ গরগর্ গাত্ আর ভেড়ার্ ঘর।

ফগদাং পেইয়্যে 18:2

তে জোরে রঅ ছাড়িনে কলঅ, “ভস্ত ওইয়্যে, সেই নাঙ্-গোজ্জ্যে বাবিলান ভস্ত ওইয়্যে! সিয়েন ইক্কিনে ভান্ন্যেই আত্মাগুনোর থেবার্ জাগা ওইয়্যে আর পত্তি ভান্ন্যেই আত্মাগুনোর্ আড্ডাখানা আর অসিজি আর জঘন্য পেগ্‌খুনোর্ বাহ্ ওইয়্যে,