সফনিয় 2:13 - Chakma Bible

¹³ লগেপ্রভু উত্তোরেদিগুনো বিরুদ্ধে আঢ্ বাবেইনে আসিরিয়াগান ভস্ত গুরিবো আর নীনবীগানরে এক্কুবারে মানুচ্ নেইয়্যে আর ধূল্যেচর ধোক্ক্যেন শুগুনো গুরি দিবো।

সফনিয় 2:13 Iomraidhean Croise

যিশাইয় 10:12

প্রভু সিয়োন মুড়ো আর যিরূশালেম বিরুদ্ধে তার্ বেক কামানি থুম্ গুরিনে কবদে, “আসিরিয়া রাজার অহংকারী মনর্ কামানি আর তার বাড়্‌‌বো চোগ্‌‌কুনোত্তে মুই তারে সাজা দিম্,

যিশাইয় 10:16

সেনত্তে বেগত্তুন্ খেমতাবলা প্রভু লগেপ্রভু আসিরিয়ার্ বোলী যোদ্ধাগুনে উগুরে এক্কান ক্ষয়-নেযাইদ্যে রোগ্ পাধেই দিবো; তার জাক্‌জমক্কান তলে জোল্-জোল্যে জিলো ধোক্ক্যেন্ গুরি আগুন জ্বালা অবঅ।

যিশাইয় 10:5

অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 14:26

গোদা দুনিয়েগানত্তে এ সুদোমান্ ঠিগ্ গরা ওইয়্যে আর বেক জাদ্‌তুনো উগুরে এ আঢ্‌‌‌‌তান বাবেই দিয়্যে ওইয়্যে।‌

যিশাইয় 37:37

সেনত্তে আসিরিয়ার্ রাজা সন্‌হেরীবে তা সৈন্যদলুন্দোই গেলঅ আর নীনবী শঅরত্ ফিরি যেইনে সিদু থাহ্ ধুরিলো।‌‍‌

যিরমিয় 49:33

হাৎসোরান অবঅ শিয়েলর থেবার জাগা আর জিংকানিবর্ মানুচ্ নেইয়্যে জাগা। কনজনে সিয়েনত্ বজত্তি ন-গুরিবাক্, সিয়েন ভিদিরে কনঅ মানুচ্ ন-থেবাক্।”

যোনা 3:2

তে কলঅ, “তুই ইক্কিনে সেই দাঙর্ শঅর্ নীনবীত্ যাহ্ আর মুই যে হবরান তরে দিম্ সিয়েন সিদু ফগদাং গর্।”

মীখা 5:6

তারা যুদ্ধোর্ মাধ্যমে আসিরিয়া দেজ্‌‌‌চান অত্তাৎ, নিম্রোগুনোর দেজ্‌‌‌চান শাজন্‌ গুরিবাক। আসিরিয়গুনে আমা দেজ্‌‌‌চান আক্রমন গুরিলে আর আমা দুযিগান টেঙোই মাড়িলে তারা আঢত্তুন্ আমা শাজন্‌ গুরিয়্যেবো আমারে উদ্ধোর্ গুরিবো।

নহূম 1:1

নীনবী পৌইদ্যেনে লগেপ্রভুর কধা। ইল্‌কোশ আদামর নহূমে যে দর্শনান্ পেইয়্যে সিয়েন ইয়েনত্ লেগা আঘে।

নহূম 3:15

সিয়েনত্ আগুনানে তরে গিলিবো; লাম্বা ছুরিগানে তরে কাবি ফেলেব আর ভস্তগুরিয়্যেবো পুগ্-যুগো ধোক্ক্যেন ভস্ত গুরি ফেলেব। তুই ভস্ত গুরিয়্যে আর ঝাক্ বান্যে পুগ্-যুগো ধোক্ক্যেন সোংখ্যেদি বাড়ি উদ্।

নহূম 3:7

মান্‌জ্যে তরে দেগিনে মুয়োন্ ফিরেবাক্ আর কবাক্, ‘নীনবীগান ভস্ত ওই যেইয়্যে, কন্না তাত্তে আবিলেচ্ গুরিবো?’ মুই তত্তে কুদু বুঝেইয়্যে মানুচ্ তোগেইনে পেইম্?”

সফনিয় 1:4

“যিহূদার বিরুদ্ধে আর যিরূশালেমত্ বজত্তি গুরিয়্যে বেক্কুনো বিরুদ্ধে মুই মঅ আঢ্‌‌তানি তুলিম। মুই এ দেজত্তুন্ বাল দেবেদা পূজোর্ বেক্কানি আর মূত্তি পূজোগুরিয়্যে নানান্ পোজিশনর্ ধর্মগুরুগুনোরে শেজ্ গুরি ফেলেম।