সফনিয় 1:16 - Chakma Bible

¹⁶ সিবে অবঅ দেবাল্ ঘিজ্যে বেক্ শঅরানির্ বিরুদ্ধে আর কোণার্ বেক অজল্ চুগিদার-ঘরর বিরুদ্ধে শিঙে রঅ আর যুদ্ধোর্ ডাগনির দিন।

সফনিয় 1:16 Iomraidhean Croise

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিশাইয় 32:14

যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিশাইয় 59:10

আমি কান্ মান্‌জ্য ধোক্ক্যেন দেবাল বিজিরে বিজিরে বেড়েই; যিগুনোর চোগ্ নেই তারা ধোক্ক্যেন পথ বিজিরেই। যেন সাজোন্যে ওইয়্যেদে ধোক্ক্যেন সেবাবোত্যেগুরি আমি উজোত্ হেই; আমি জেদা মানুচ্চুনো ভিদিরে মরা ধোক্ক্যেন।

যিরমিয় 6:1

লগেপ্রভু কোইয়্যেদে, “ও বিন্যামীনর মানুচ্চুন, রোক্ষ্যে পেবাত্তে ধেই যঅ। যিরূশালেমত্তুন্ ধেই যঅ। তকোয় শঅরত্ শিঙে বাজঅ। বৈৎ-হক্কেরমত্ ইজিরে দুয়ো, কিত্তে উত্তোরেত্তুন্ দজা আর দর্‌‌‌‌গরেপারা ভস্তগানে ইজিরে দের্।

যিরমিয় 8:16

দান শঅরত্তুন্ শত্রুগুনোর ঘোড়াগুনোর্ নাগ রঅ শুনো যার্; তারার্ ঘোড়াগুনোর রগুন্দোই পুরো দেজ্‌চান গির্‌গিরের। দেজ্ আর সিয়েন ভিদিরে বেক্কানিযার্ আর শঅর আর শঅরত্ থেইয়্যেগুনোরে তারা গিলিবাত্তে এত্তন্।

যিহিষ্কেল 7:7

তুমি যিগুনে দেজত্ বজত্তি গরর্ তমা উগুরে সর্বনাশ এজের্। সময় ওইয়্যে, দিন কাজেয়্যে; সেক্কে মুড়ো-মুড়ি উগুরে হুজির্ বদলে দর্‌‌‌‌গরেপারা কিজিক্ কাজাক্ অবঅ।

হোশেয় 5:8

তুমি গিবিয়াত তূরী বাজ আর রামাত শিংগা বাজ। বৈৎ-আবনত্ রঅ ছাড়িনে কঅ, ও বিন্যামীন, যুদ্ধোত্ আমারে পরিচালনা গর্।

হোশেয় 8:1

তুই শিংগা বাজা। লগেপ্রভুর মানুচ্চুনোর্ বিরুদ্ধে শত্রুগুনে সাড়াল্যে চিল ধোক্ক্যেন এত্তন্, কিত্যে মানুচ্চুনে মর্ দিয়্যে সুদোমান্ অমান্য গোজ্যন আর মঅ রীদি-সুদোমানির্ বিরুদ্ধে উল্লোমী গোজ্যন্।

যোয়েল 2:1

তুমি সিয়োনত্ তূরী বাজঅ, বাজঅ দযার্-সংকেত মঅ সুদ্ধো-সাংগ মুড়োবোত্। দেজত্ বজত্তি গুরিয়্যে বেক্কুনে গির্‌গিরাদোক্, কিত্যে লগেপ্রভুর্ দিন্নো এজের্; সেদিন্নো কায়কুরে লুম্মেগি।

আমোষ 3:6

শঅরত্ শিংগার রঅ শুনিলে কি মানুচ্চুনে ন-গির্‌গিরান? লগেপ্রভু ন-ঘোদেলে কি শঅরত্ দযা ঘদে?

হবক্‌‌‌‌কূক 3:6

তে থিয়্যেইনে পিত্‌থিমীগানরে লাড়ার্; তে রিনি চেইনে জাদ্‌তুনোরে গির্‌গিরে তুলের্। পুরোণি দিনোর্ মুড়ো-মুড়িগুন কট্টা কট্টা ওই যাদন্ আর পুরোণি যুগোর্ মুড়োগুন ভাঙি পত্তন্। উমর কালত্তুন্ ধুরি তা পথ্‌তানর কনঅ পরিবত্তন্ নেই।

দ্বি’লম্বর বিররণ 28:52

তারা তমার আদামানি আর শঅরানি ঘিরিনে রাগেবাক, আর যেরেন্দি তমার উজু আর দর দেবালানি ভাঙি পুরিবো যিয়েন উগুরে তুমি এদক আজা গরর্‌। তমা গোজেন লগেপ্রভু যে দেজ্‌ছান তমারে দিবাত্তে যার্‌ সে দেজর্‌ বেক্‌ আদামানি আর শঅরানি তারা ঘিরিবাক।

যিহোশূয় 6:20

বাশি বাঁজি উদিবার লগে লগে মানুচ্চুনে অমকদ রঅ‌ ছাড়ি ছাড়ি উদিলাক্‌। বাশির রঅ‌বোলোই যেক্কে মানুচ্চুনে অমকদ রঅ‌ দাঙর্‌ গুরি উদিলাক্‌ সেক্কে যিরিহো শঅরর্‌ দেবালানি ভাঙিনে পড়ি গেলঅ‌। সেক্কে বেক্‌ মানুচ্চুন শঅ‌র ভিদিরে চমিলাক্‌ আরঅ সিয়েন গজক্ গুরি নেযেলাক্‌।