সফনিয় 1:13 - Chakma Bible

¹³ তারার্ ধন-সোম্বোত্তিগানি লুদো অবঅ আর তারার্ ঘরানি ভস্ত অবঅ। তারা ঘর বানেবাক্ মাত্তর্ সিয়েনিত্ বজত্তি গুরি ন-পারিবাক্; তারা আংগুর খেত্ গুরিবাক্ মাত্তর্ আংগুর-রস হেই ন-পারিবাক্।”

সফনিয় 1:13 Iomraidhean Croise

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 15:13

ও যিহূদা, পুরো দেজ ভিদিরে তর্ বেক পাপ্পানিত্তে মুই তর্ ধন আর ধনভান্ডালর পযাপিরানি মাগানা লুদেয়্যে মাল্ ইজেবে দিম। ‌‌‌

যিরমিয় 17:3

ও যিহূদা, তঅ পাপত্তে দেজ ভিদিরে মর্ মুড়োমুড়ি আর তর্ ধন আর তর্ ভান্ডালর পযাপিরানি আর সারা দেজত্ তর্ পুজোর্ অজল জাগায়ানি মুই লুদেয়্যে ইজেবে দি দিম।

যিরমিয় 4:20

দজার্ পর দজা এজের্; বেক্ দেজ্‌‌‌চান যেন ভস্ত ওই পড়ি আঘে। কানক্কণ্ ভিদিরে মর্ তাম্বুলো ঘরানি, এক মুহূত্তো ভিদিরে মঅ তাম্বুলো ঘরানির পর্দাগানি যেন ভস্ত ওই যার্।‌

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 5:17

তারা তমা খেদ্‌তানি আর হানাগানি গজক্ গুরিবাক্, গজক্ গুরিবাক তমা ঝি-পুয়োগুনোরে; তারা তমার গোরু-ভেড়ার পালুন গজক্ গুরিবাক, গজক্ গুরিবাক তমার বেক্ আংগুর আর ডোমোর্ গাজ্‌চুন। যে দেবাল্-ঘিজ্যে শঅর উগুরে তুমি বিশ্বেজ্ গোজ্য সিয়েন তারা যুদ্ধো গুরিনে ভস্ত গুরি দিবাক্।” ‌

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

যিরমিয় 9:19

সিয়োনত্তুন এ আবিলেচর্ কধাগান শুনো যার্, “আমি কেধোক্ক্যেন গুরি ভস্ত ওই গেলং! কেধোক্ক্যেন গুরি এত্তমান লাজত্ পড়িলোং! আমা ঘরানি ভস্ত ওই যেইয়্যে, সেনত্তে আমাত্তুন দেজ্ ছাড়িনে যাহ্ পুরিবো।”

আবিলেচ্ 5:2

আমা ভাগর্ সোম্বোত্তিগানি বিদেশীগুনো আঢত্ দিয়্যে ওইয়্যে, আর ঘরানি দিয়্যে ওইয়্যেদে নানান্ জাদর মানুচ্চুনোরে।

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

যিহিষ্কেল 7:19

তারার্ রূবোনি তারা পধে পধে ফেলেই দিবাক্ আর তারার্ সোনানি অবঅ এক্কান অসিজি জিনিস। লগেপ্রভুর রাগ দিনোত্ তারার্ সোনা-রূবোনিয়ে তারারে রোক্ষ্যে গুরি ন-পারিবো। সিয়েনিলোই তারার্ পেট্‌পরা ন-মিটেব আর পেট্ ন-ভুরিবো। আজলে সিয়েনিয়ে তারারে পাপত্ ফেলেয়্যে।

যিহিষ্কেল 7:21

মুই সিয়েনি বেক্কানি জোর্ গুরি নেযেবাত্তে বিদেশীগুনো আঢত্ আর লুদেয়্যে মাল ইজেবে দুনিয়ের্ পাজিগুনো আঢত্ তুলি দিম; তারা সিগুন অসিজি গুরিবাক্।

যিহিষ্কেল 7:24

তারার্ ঘরানি গজক্ গুরিবাত্তে মুই জাদ্‌‌তুনো ভিদিরেত্তুন্ বেগত্তুন্ পাজি জাদ্‌‌তোরে আনিম। মুই খেমতাবলাগুনোর বাড়্‌বোগানি ভাঙি দিম্, আর তারার্ সুদ্ধো-সাংগ জাগায়ানি অসিজি গুরিম।

আমোষ 5:11

তুমি নাঢাগুনোরে অত্যেচার গরঅ আর জোর্ গুরিনে তাত্তুন শোজ্য আদায় গরঅ। সেনত্তে তুমি যুনিয়ো পাত্তরর্ দাঙর্ দাঙর্ ঘর বানেই থাগ তো তুমি সিয়েনিত্ বজত্তি গুরি ন-পারিবা। যুনিয়ো তুমি দোল্ দোল্ আংগুর খেত্ গুরি থাগ তো তুমি সিয়েনর্ আংগুর রস হেই ন-পারিবা।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

মীখা 6:15

তুমি বীজ্ ফেলেবা মাত্তর্ ফসল কাবি ন-পারিবা; তুমি জলপাই মাড়িবা মাত্তর্ নিজে সিয়েনর্ তেলান বেবহার গুরি ন-পারিবা; তুমি আংগুর মাড়িনেয়ো সিয়েনর রস্‌‌চান হেই ন-পেবা।

সফনিয় 1:9

যিগুনে ফাল্যেনে চৌকাঠ পার্ অন আর অত্যেচার আহ্ ছলনালোই তারার্ দেবেদাগুনোর্ ঘরানি ফেলেং ফেলেং গরন্ সেদিন্যে মুই তারারে সাজা দিম।”

দ্বি’লম্বর বিররণ 28:30

যে মিলেবো সমারে তর্‌ মেলা ঠিগ্‌ অবঅ অন্য মান্‌জ্যে তার্‌ ইজ্জত বরবাদ্ গুরিবাক। তুমি ঘর বানেবা মাত্তর্‌ সেক্কে থেই ন-পারিবা। তুমি আংগুর ক্ষেত গুরিবা মাত্তর্‌ তার্‌ ফলুন মুয়োত দি ন-পারিবা।

দ্বি’লম্বর বিররণ 28:39

তুমি আংগুর ক্ষেত গুরিবা আর সিগুনোর যত্তনঅ নেযেবা তো পুগ্‌কুনে তার ফল্লো হেই ফেলেবাক বিলিনে তুমি সিবে তুলিয়ো ন-পারিবা আর তার্‌ রসছানঅ হেই ন-পারিবা।

দ্বি’লম্বর বিররণ 28:51

তারা তমার য়েমান ছঅ্‌গুন আর ক্ষেদর ফলুন হেই ফেলেবাক আর যেরেন্দি তুমি শেজ্‌ ওই যেবা। তারা তমাত্তে কনঅ ফল, নুয়ো আংগুরো-রস বা তেল বা গোরুর ছঅ বা ভেড়ার ছঅ বাগি ন-রাগেবাক, আর যেরেন্দি তুমি শেজ্‌ ওই যেবা।