সফনিয় 1:11 - Chakma Bible

¹¹ ও মক্তেশর আদাম্মেগুন, তুমি আবিলেচ্ গরঅ, কিত্যেই তমার্ বেক বেবসায়ীগুনোরে আর টেঙা-পোইজ্যে লেনদেনগুরিয়্যেগুনোরে ফুজি ফেলা অবঅ।

সফনিয় 1:11 Iomraidhean Croise

ইয়োব 27:16

ধূল্যে ধোক্ক্যেন তারা রূবো থুবেলেয়ো আর মাদি কুরো ধোক্ক্যেন কাবড়-চুগোড় থুবেলেয়ো

ইয়োব 27:17

তারার কাবড়-চুগোড়ানি গম্ মানুচ্চুনে উরিবাক্, আর নিদ্দুযি মানুচ্চুনে সে রূবোগানি ভাগ গুরি নেযেবাক্।

যিরমিয় 25:34

ও পালক্কুন, তুমি কানঅ, আবিলেচ্ গরঅ; ও পালর্ নেতাগুন, তুমি ধূল্যেত্ এগুড়্-উগুর্ কঅ, কিত্তে তমারে কাবি ফেলেবার সময় এচ্চ্যে; তুমি দোল্ এক্কো মাদি পিলে ধোক্ক্যেন কট্টা কট্টা ওই যেবা।

যিরমিয় 4:8

সেনত্তে বস্তাপাদা উরিনে আবিলেচ্ আর হাহাকার গরঅ, কিত্তে লগেপ্রভুর জ্বোল্‌‍‍‍জোল্যে রাগ্‌‌‍‍কান আমান্দিত্তুন ফিরি ন-যায়।” ‍‍‍‍‍‍‍

যিহিষ্কেল 21:12

ও মান্‌‌‌‌‌‌‌‌‌জ্যর্ পুয়োবো, কানি লঅ আর আবিলেচ্ গর্, কিত্তে সেই তলোয়ারান্ মঅ মানুচ্চুনোর বিরুদ্ধে আর ইস্রায়েলর্ বেক নেতাগুনোর্ বিরুদ্ধে। মঅ মানুচ্চুনো সমারে তারারেয়ো লাম্বাছুরি আঢত্ দিয়্যে অবঅ। সেনত্তে তুই বুগ্ বাজ্যে।

হোশেয় 9:6

যেক্কেনে তারা ভস্ত অইদ্যে আঢত্তুন্ ধেই যেবাক্ সেক্কেনে মিসরে তারারে এগত্তর্ গুরিবো আর মোফ শঅরত্ তারারে গোর্ দিবো। তারার্ তুবেয়্যে রূবো আর তারার্ থেবার ঘরানি হেরপদনা আরি কাদাগাজে ঢাগি ফেলেব।

যোয়েল 1:13

ও ধর্মগুরুগুন, তুমি বস্তা পিনিনে আবিলেচ্ গরঅ; পূজোত্ যিগুনে সেবার কাম গরঅ তুমি আবিলেচ্ গরঅ। যিগুনে মর্ গোজেনর সেবা গরঅ তুমি এইনে বস্তা পিনিনে রেত্তো কাদঅ, কিত্যেই তমা গোজেন ঘরত্ শোজ্য-উৎসর্ব আর পানীয়-উৎসর্বর অনুষ্ঠান বন্ধ গরা ওইয়্যে।

যোয়েল 1:5

ও মাত্তল্‌বলাগুন, জাগি উদো আর কানাকুদি গরঅ। ও বেক্ মদ খুরুন, তুমি তাজা আংগুর-রজর্ মদত্তে আবিলেচ্ গরঅ, কিত্যে সিয়েন তমা মুয়োত্তুন্ কাড়ি নেযা ওইয়্যে।

সফনিয় 2:5

ও করেথীয় মানুচ্চুন, তুমি যিগুনে সাগর পাড়ত্ বজত্তি গরঅ, অভিশাব্ পোড়োক্ তমার্! ও পলেষ্টীয়গুনোর দেশ কনান, তঅ বিরুদ্ধে লগেপ্রভুর এ কধাগান, “মুই তরে এমনভাবে ভস্ত গুরিম, তইদু কনজনে ন-থেবাক্।”

সখরিয় 14:21

যিরূশালেম আর যিহূদার পত্তি রানেদে পিলেগুন বেগত্তুন্ খেমতাবলা লগেপ্রভুর নাঙে সুদ্ধো-সাংগ অবাক্ আর যিগুনে য়েমান-উৎসর্বর অনুষ্ঠান পালেবাত্তে এবাক্ তারা সেই পিলেগুনোত্তুন কয়েক্কো নিইনে সিগুনোত্ রানিবাক্। সেদিন্যে বেগত্তুন্ খেমতাবলা লগেপ্রভুর ঘরত্ কনজনে বেবসা ন-গুরিবাক্।

যোহন 2:16

যিগুনে কোদোর্ বেজদন্ যীশু তারারে কলঅ, “এ জাগানত্তুন্ ইগুন বেক্কুন্ নেযগোই। মঅ বাব ঘরান্ বেবসা ঘর্ ন-বানেয়ো।”

যাকোব 5:1

তাগোয়্যে মানুচ্চুন্, তুমি শুনো। তমা উগুরে যে দুঘ্‌কানি এজের্ সিয়েনিত্যে কানঅ আর আবিলেচ্ গরঅ।