সখরিয় 9:3 - Chakma Bible

³ সোর নিজোত্তে এক্কান ঘর বানেয়্যে আর ধূল্যে ধোক্ক্যেন রূবো আর পধর্ মাদি ধোক্ক্যেন সোনা তুবেয়্যে।

সখরিয় 9:3 Iomraidhean Croise

২ শমূয়েল 24:7

সে পরেন্দি তারা সোরর্‌ তাম্বুলোত্‌ আর হিব্বীয় আর কনানীয়গুনোর বেক্‌ শঅরানিত্‌ গেলাক্। যেরেন্দি তারা যিহূদার দোগিণে বের্‌-শেবাত্‌ গেলাক্।

১ রাজাবলী 10:21

শলোমনর্ পানীয়ো হেবার বেক্‌ পিলেগুন্‌ এলাক্কে সোনার আর লেবানন-বন-কুটিরোর বেক্‌ পিলেগুন্‌অ এলাক্কে গম সোনালোই বানেয়্যে। রূবোর বানেয়্যে কিচ্ছু ন-এলঅ, কিত্তেই শলোমনর্ সময়োত্‌ রূবোর সে বাবোত্যে কনঅ দাম ন-এলঅ।

১ রাজাবলী 10:27

রাজা যিরূশালেমত্‌ রূবোগানরে গুরিলো পাত্তর ধোক্কেন্‌ সয়সাগজ্যে, আর এরস গাজ্‌ছোরে গুরিলো তলে মুড়োমুড়ি চাগালাত্ গোজেয়্যে ডোমোর গাজ ধোক্কেন্‌ সয়সাগজ্যে।

ইয়োব 22:24

তর্‌ সনা কট্টাগুন্‌ ধূল্যেত্‌ ফেলেই দে, আর তর্‌ ওফীরোর সোনানি গাদ পাত্তরুনো ভিদিরে ফেলেই দে,

ইয়োব 27:16

ধূল্যে ধোক্ক্যেন তারা রূবো থুবেলেয়ো আর মাদি কুরো ধোক্ক্যেন কাবড়-চুগোড় থুবেলেয়ো

ইয়োব 3:15

মুই সে শাজন্‌গুরিয়্যেগুনো সমারে থেদুঙ্‌ যিগুনোর বোউত্‌ সনা এলঅ, যিগুনে রুবোলোই ঘরানি ভোরেই রাগেদাক্‌।

যিশাইয় 23:11

লগেপ্রভু বড়্ সাগর উগুরে তা আঢ্‌তান বাবেই দিয়্যে আর রেজ্যগানিরে ভূজোল ধোক্ক্যেন গোজ্যে। তে কনান দেজ পৌইদ্যেনে এক্কান উগুম জারি গোজ্যে যেনে তার ঘরানি ভস্ত গরা অয়।

যিশাইয় 23:8

যে সোর অন্যগুনোর মুকুট পিনেদ, যিবের বণিককুনে রাজপুরুষ আর বেবসায়ীগুনে পিত্‌থিমীত নাঙ্-গোজ্যে, তা বিরুদ্ধে কন্না এ পরিকল্পনাগান গোজ্যে?

যিহিষ্কেল 26:12

তারা তর্ ধন-সোম্বোত্তিগানি আর তর্ বেবসার জিনিসচানি লুদেবাক্; তারা তর্ দেবালান ভাঙি ফেলেবাক্, দোল্ দোল্ ঘরানি ভস্ত গুরি দিবাক্ আর তর্ পাত্তরুন, তক্তানি আর ধূল্যেনি সাগরত্ ফেলেই দিবাক্।

যিহিষ্কেল 27:27

তর্ ভস্তর্ দিনোত্ তর্ ধন-সোম্বোত্তিগানি, বেবসার পযাপিরানি আর অন্য পযাপিরানি, তর্ বেক নাবিক্কুনে, ঠিগ্ গুরিয়্যেগুনে, তর্ বেবসায়িগুনে আর তর্ বেক সৈন্যগুন আর তইধু থেইয়্যেগুন আর অন্য বেক্কুনে সাগর সংমোধ্যে ডুবিলাক্।

যিহিষ্কেল 27:33

তঅ বেবসার পযাপিরানি যেক্কে সাগরত্ নিগিলিদো সেক্কে তুই ভালোক্ জাদরে ঈল্ অই সং খাবেদে; তর্ বোউত্ ধন-সোম্বোত্তি আর পযাপিরা দিইনে তুই পিথ্‌‌তিমীর রাজাগুনোরে তাগোয়্যে গুরিদে।

যিহিষ্কেল 27:34

তুই ইক্কিনে সাগরর আঘাতে গভীন্ পানি ভিদিরে চুরমার ওইয়োচ্; তর্ পযাপিরানি আর তর্ বেক্ মানুচ্চুন তঅ সমারে ডুবি যেইয়োন।

যিহিষ্কেল 28:1

পরেদি লগেপ্রভু মরে কলঅ,

আমোষ 1:9

লগেপ্রভু কত্তে, “সোরর তিনেন্ পাপ, এন্ কি, চেরান্ পাপর্ কারনে মুই হামাক্কায় তারে সাজা দিম, কিত্যে ভেইয়ো লগে ভেইয়োর্ চুক্তি এলাফেলা গুরিনে তে কয়েক্কান আদামর্ বেক মানুচ্চুনোরে বন্দী গুরিনে ইদোম আঢত্ তুলি দিয়্যে।

যিহোশূয় 19:29

সে পরেন্দি সিয়েন রামার ইন্দি ঘুরিনে দেবাল-ঘিজ্যে সোর শঅরত্‌ গেলগোই। যেরেন্দি সিয়েন হোষার ইন্দি ঘুরিনে অক্‌ষীব চাগালাগান্‌, উস্মা, অফেক আর রহোবর ইদু ভূমধ্য সাগরত্‌ যেইনে পড়িলো। আশের-গুট্টির ভাগত্‌ বাইশ্‌চান শঅর্‌ আর সিয়েনির কায়-কুরে আদামানি পড়িলো।