সখরিয় 8:9 - Chakma Bible

⁹ মুই বেগত্তুন্ খেমতাবলা লগেপ্রভু কঙর্, মঅ ঘরান্ বানেবাত্তে খুদো গারেবার্ সময় ভাববাদীগুনে সেই বেক্ কধানি কোইয়োন, আর ইক্কিনে তুমি সেই একই কধা শুনোর্; সেনত্তে তুমি দরমর অ।

সখরিয় 8:9 Iomraidhean Croise

১ বংশধর 22:13

মোশির মাধ্যমে লগেপ্রভু ইস্রায়েলরে যে সুদোমান্‌ আর উগুমান্‌ দিয়্যে সিয়েন্‌ যুনি তুই গমেডালে পালাচ্ সালে তুই ভালেদি গুরি পারিবে। তুই বোলী অ আর মনত্‌ সাহস রাগা। ন-দোরেচ্‌ আজা ন-আরেচ্‌।

১ বংশধর 28:20

দায়ূদে তাহ্ পুয়ো শলোমনরে এ কধাগান অ কলঅ, “তুই বোলী অ, মনত্‌ সাহস আন্‌ আর কাম্‌ গর্‌। তুই ন-দোরেচ্‌, আজা ন-আরেচ্‌, কিত্তে লগেপ্রভু গোজেন, মর্‌ গোজেনে তঅ সমারে আঘে। লগেপ্রভুর সেবা-কামত্তে তবনা-ঘর বানেবার বেক্‌ কামান্‌ শেজ্‌ ন-অনা সং তে তরে ছাড়ি ন-যেবঅ বা ফেলেই ন-যেবঅ।

২ বংশধর 15:7

মাত্তর্‌ তুমি দরমর অ, নিরাজ্ ন-অবা, কিত্তে তমা কামর্‌ বক্‌শিজ্ তুমি পেবা।”

ইষ্রা 6:14

ভাববাদী হগয় আর ইদ্দোর বংশধর সখরিয় গোজেনর্ কধা মজিম্ উচ্চোমি দের্ আর তা সমারে সমারে যিহূদীগুনোর বুড়ো নেতাগুনে গাথনি কামান্ গমেডালে চালেই যাহ্ ধুরিলাক্। ইস্রায়েলর্ গোজেনর্ উগুম মজিম্ আর পারস্যের রাজা কোরস, দারিয়াবস আর অর্তক্ষস্তর উগুমে তারা উবোসনা-ঘরান্ বানেবার কামান্ থুম্ গুরিলাক্।

যিশাইয় 35:3

যিগুনে বল্‌পোজ্যে তারার আঢ্‌তানি দরমর গরঅ; গির্‌গিরেইদ্যে আডুগুন্ ঠিগ্ গরঅ।

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

হগয় 1:1

রাজা দারিয়াবসর রাজাগিরির দ্বিবজরত্ শল্টীয়েলর পুয়ো সরুব্বাবিলে এলদে যিহূদার শাজন্‌ গুরিয়্যে আর যিহোষাদকর পুয়ো যিহোশূয় এলদে দাঙর্ ধর্মগুরু। সেই বজরর্ ছয় মাসর পত্তম দিনোত্ লগেপ্রভু ভাববাদী হগয়রে দিইনে তারারে কলঅ,

হগয় 1:12

সেক্কে শল্টীয়েলর পুয়ো সরুব্বাবিল, যিহোষাদকর পুয়ো ধর্মগুরু যিহোশূয় আর অন্য বেক্ মানুচ্চুনে তারার্ গোজেন লগেপ্রভুর কধা মজিম আর তার পাদেয়্যে ভাববাদী হগয়র কধা মজিম কাম গুরিলাক্, কিত্যে তারা লগেপ্রভুরে দোরেলাক্।

হগয় 2:18

এচ্চ্যে নয় মাসর্ চোব্বিশ দিনোত্ মঅ ঘরানর্ গড়াগান থিদেবর্ গরা অলঅ। এবেরা মুই তমাত্তে কি গুরিবাত্তে যাঙর্ সিয়েন চঅ।

হগয় 2:21

“তুই যিহূদার শাজন্‌গুরিয়্যে সরুব্বাবিলরে কঅ, ‘মুই আগাজ্ আর পিত্‌থিমীগানরে ঝাগেরেম‌্।

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

সখরিয় 8:18

বেগত্তুন্ খেমতাবলা লগেপ্রভু আরঅ মরে কলঅ,

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

২ তীমথিয় 2:1

মঅ পুয়োবো, খ্রীষ্ট যীশুর্ দোয়্যেই তুই বোলী অ।

যিহোশূয় 1:6

“তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।

যিহোশূয় 1:8

রীদি-সুদোমর্ এ বোইবো ভিদিরে যিয়েনি লেগা আঘে সিয়েনি যেনে আমিঝে তঅ‌ মুয়োত্‌ থায়। ইবে ভিদিরে যিয়েনি লেগা আঘে সিয়েনি যেনে তুই পালেবাত্তে মন দুয়োচ্‌ সেনত্তেই দিনরেত্‌ সিয়েনিলোই তুই গমেডালে চিদে গুরিবে। সেক্কে বেক্কানিত্‌ তুই ফোলেবে আর তর্‌ গম্‌ অবঅ‌।