সখরিয় 8:7 - Chakma Bible

⁷ মুই আরঅ কঙর্, পূগেদি আর পোজিমেত্তুন্ মুই মঅ মানুচ্চুনোরে উদ্ধোর্ গুরিম।

সখরিয় 8:7 Iomraidhean Croise

নহিমিয় 1:9

মাত্তর্‌ তুমি মইদু ফিরি এলে আর মঅ উগুমানি পালন গুরিনে সে মজিম্‌ কাম্‌ গুরিলে, তমার্‌ বন্দীদজাত্‌ থেইয়্যে মানুচ্চুনে যুনি আগাজর্‌ থুম্ দুযিত্‌অ থান্‌ সালে মুই তারারে সিয়োত্তুন্‌ তোগেইনে মর্‌ থেবার ঘর ইজেবে যে জাগায়ান্‌ বেঈ নেযেয়োং সিদু তারারে নেযেম্‌।

গীতসংহিতা 113:3

বেলান্ উদেদে সিত্তুন্ ধুরি বেলান্ ডুবেদে সং লগেপ্রভুরে বাঈনী গরা ওক্।

গীতসংহিতা 147:2

লগেপ্রভু যিরূশালেমানরে গড়েই তুলিবো; দূর্ গুরি দিয়্যে ইস্রায়েলীয়গুনোরে তেয়ই এগত্তর্ গরে।

গীতসংহিতা 50:1

খেমতাবলা গোজেন, লগেপ্রভু গোজেন, কধা কোইয়্যে; পূগত্তুন্ পোজিমেন্দি সং পিত্‌থিমীর বেক্কুনোরে তে ডাক্যে।

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 59:19

পোজিমেদি মানুচ্চুনে লগেপ্রভুরে ভোক্তিগুরিনে দোরেবাক্ আর পূগেদি মানুচ্চুনে তার মহিমাগান দেগিনে গমেডালে দোরেবাক্, কিত্তে লগেপ্রভু তার নিজেজ্‌‌চোই গদা ভাঙেদে বান পানি ধোক্ক্যেন এবঅ।

যিরমিয় 31:8

চঅ, মুই উত্তরর্ দেজত্তুন ইস্রায়েলীয়গুনোরে আনিম আর পিত্‌থিমীর শেজ্ দুযিত্তুন তারারে তুবেম্। তারা ভিদিরে থেবাক কান্, আদুড়্, পিদিলী মা আর পুয়ো পুদোবার্ পিড়ে উঠ্যে মিলে; দাঙর্ এক্কো দল ফিরি এবঅ।‌‌‌

যিহিষ্কেল 11:17

সেনত্তে তুই তারারে কঅ, প্রভু লগেপ্রভু কোইয়্যেদে, জাদ ভিদিরেত্তুন্ মুই তারারে এগত্তর্ গুরিম; যেদক্কানি দেজত্ তারা ছিদি পোজ্যন্ সিয়েনিত্তুন্ তারারে ফিরেই আনিম আর ইস্রায়েল দেজ্‌‌‌চান আরঅ মুই তারারে ফিরেই দিম।

যিহিষ্কেল 36:33

“‘মুই প্রভু লগেপ্রভু কঙর্, যেদিন্যে মুই বেক্ পাপত্তুন্ তমারে সাব্ গুরিম সেদিন্যে মুই শঅরানিত্ মানুচ্চুনোরে বজত্তি গোরেম্ আর ভস্ত ওইয়্যে জাগানি আরঅ বানা অবঅ।

সখরিয় 10:6

“মুই যিহূদার মানুচ্চুনোরে বোলী বানেম্ আর যোষেফর, অত্তাৎ ইস্রায়েলর মানুচ্চুনোরে উদ্ধোর গুরিম। মুই তারারে ফিরেই আনিম, কিত্যেই তারা উগুরে মর্ দোয়্যে-মেয়্যে আঘে। সেক্কে তারা এমন অবাক্ যেন মুই তারারে এলাফেলা ন-গরং, কিত্যেই মুই তারার গোজেন লগেপ্রভু; মুই তারার্ ডাগনিলোই শমক্ দিম।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

দ্বি’লম্বর বিররণ 30:3

সেক্কে লগেপ্রভু বোন্দীদজাত্তুন উদ্ধোর্ গুরিনে তমারে ফিরেই আনিবো। তে তমা উগুরে দোয়্যে গুরিবো আর যিদুক্কুন জাদ ভিদিরে তমারে ছিদি দিবো তারা ভিদিরেত্তুন তে আরঅ তমারে তোগেই আনিবো।