সখরিয় 8:22 - Chakma Bible

²² মর্ উবোসনা গুরিবাত্তে আর মর্ আশীদ্‌‌‌‌বাদ চেবাত্তে বোউত্ মান্‌‌‌‌জ্যে আর খেমতাবলা জাদত্তুন্ যিরূশালেমত্ এবাক্।

সখরিয় 8:22 Iomraidhean Croise

গীতসংহিতা 68:30

তারার আন্যে রূবোর কট্টানি ঠেঙোই দুলিনে খাগাড়াবন ঝার্‌বো য়েমান ধোক্ক্যেন সেই মিসররে তুই ধমক্ দে; ধমক্ দে গোরু ছঅ আর বলদ দল ধোক্ক্যেন সেই জাদ্‌তুনোরে। যিদুক্কুন জাদে যুদ্ধো গম পান গোজেনে তারার দলুন্ ভাঙি দিয়্যে।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

যিশাইয় 25:7

যে পদ্দাগানত্ বেক জাদর্ মানুচ্চুনে নাঢা যেইয়োন্, যে কাবড়ানে বেক জাদর্ মানুচ্চুনোরে নাঢি ফেল্যন্, এ মুড়োবোত্ তে সিয়েনি বর্‌বাত লাগেই দিবো।

যিশাইয় 49:22

প্রভু লগেপ্রভু কোইয়্যেদে, “চঅ, মুই আঢ ইজিরেলোই অন্য জাদ্‌‍‌তুনোরে ডাগিম আর মর্ বাবতাগান তারারে দেগেম্। সেনত্তে তারা করত্ গুরিনে তমা পুয়োগুনোরে আনিবাক্ আর কানাত্ গুরিনে তমা ঝিগুনোরে বুয়োবাক্।‌

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

যিশাইয় 66:23

পত্তি আঙোচ্চ্যেত্ আর পত্তি জিরেবার দিনোত্ বেক মানুচ্চুনে মঅ মুজুঙোত্ এইনে মরে তবনা গুরিবাক্।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

মীখা 4:2

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ। আর যিরূশালেমত্তুন্ ফগদাং অবঅ লগেপ্রভুর কধানি।

মীখা 4:3

তে জাদ্‌তুুনো ভিদিরে বিচের্ গুরি দিবো আর দূরোর্ খেমতাবলা মানুচ্চুনো ভিদিরে মিলেমিলি গুরিবো। তারা তারার্ তলোয়ারানি ভাঙিনে নাঙল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

হগয় 2:7

মুই বেক্ জাদ্‌‌তুনোরে লাড়েম আর সেক্কে তারা তারার্ ধন-সোম্বোত্তিগানি ইধু আনিবাক্। সেক্কে মুই এ ঘরান্ সয়-সাগোজ্যেলোই ফেলেং ফেলেং গুরিম।

সখরিয় 14:16

পরেদি সেই বেক্ জাদর্ বাঁজি থেইয়্যে মানুচ্চুনে সেই রাজাবোর্, অত্তাৎ বেগত্তুন্ খেমতাবলা লগেপ্রভুর উবোসনা গুরিবাত্তে আর চিগোন-ঘর পরব্ পালেবাত্তে পত্তি বজর্ যিরূশালেমত্ এবাক্।

সখরিয় 8:21

এক শঅরর্ আদাম্মেগুনে অন্য শঅরত্ যেইনে কবাক্, ‘বেগত্তুন্ খেমতাবলা লগেপ্রভুর আশীদ্‌বাদ চেবাত্তে আর উবোসনা গুরিবাত্তে আঢঅ, আমি ইক্কিনে যেই।’ সেক্কেনে ভালোক্ জনে কবাক্, ‘মুইয়ো যেইম্।’

গালাতীয় 3:8

পবিত্র বোইবোত্ আগে লেগা ওইয়্যেদে, বিশ্বেজত্যে গোজেনে অযিহূদীগুনোরে নিদ্দুজি বিলিনে মানি লবঅ। অব্রাহাম ইধু এ কধাগান কোইনে আগেদি গম্ হবরান জানা ওইয়্যে, “তর্ মাধ্যমে বেক্‌ জাদ্‌তুনে বর্ পেবাক্।”

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

ফগদাং পেইয়্যে 21:24

আর বেক্‌ জাদ্‌তুনে সেই পহ্‌রত্ আঢাউদো গুরিবাক্। পিত্‌থিমীর রাজাগুনে তারার্ সয়সাগোজ্জ্যেলোই সেই শঅরত্ এবাক।