সখরিয় 7:14 - Chakma Bible

¹⁴ মুই নচিন্যে জাদ ভিদিরে তারারে ছিদিই দুয়োং। ইয়েনর্ পরেদি তারা দেজ্‌‌চান এমন মানুচ্ নেইয়্যে ওই পোজ্যন, সিয়েনত্ কনজনে যানা-এযানা ন-গুরিদাক্। এবাবোত্যেগুরি তারা সেই দোল্ দেজ্‌‌চানরে মানুচ্ নেইয়্যে গোজ্যন্।”

সখরিয় 7:14 Iomraidhean Croise

২ বংশধর 36:21

এ অক্তত্‌ ইস্রায়েল দেজচানে তার্‌ জিরেবার্‌-বজরত্‌ জিরেল। যিরমিয়োর মাধ্যমে কোইয়্যে লগেপ্রভুর কধা সত্তুর্‌ বজর্‌ পূরোণ ন-অনা সং তারার্‌ দেজর্‌ বেক্‌ ভূইয়ানি এনেবাদে থেইনে জিরেল।

গীতসংহিতা 58:9

তমা পিলেগুনোত্ আগুনো জিলান্ বাঁজিবার আগেদি শুগুনো আর নুয়ো কাব্যে দার্‌বোনি তে ঝড়ে উড়েই দিবো।

যিশাইয় 17:13

দর্‌‍‍গরেপারা বান পানি রঅ ধোক্ক্যেন যুনিয়ো মানুচ্চুনে গুজুরোদন্, তো তে ধমক্ দিলে তারা দূরোত্ ধেই যেবাক্। বোইয়্যের মুয়োত্ মুড়ো-মুড়ি উগুরেগান তুজো ধোক্ক্যেন, ঝড় মুয়োত্ ধূল্যে ধোক্ক্যেন তারারে ধাবেই দিয়্যে অবঅ।‍

যিশাইয় 21:1

ধূল্যেচর-দাঙর্ সাগর পৌইদ্যেনে আগাম্ কধা: নেগেভত্ যেবাবোত্যে গুরি তুঠ্যে বোইয়্যের্ বেঈ যায় সেবাবোত্যেগুরি ধূল্যেচর-চাগালাত্তুন্, সেই দর্‌‌গরেপারা দেজ্‌‌ছানত্তুন্ এক্কান দজা এজের্।

যিশাইয় 60:15

“যুনিয়ো তরে ছাড়ি দেনা বা ঈচ্ গরা ওইয়্যে,‌‌‌‌‌‌‌‌‌‌‌‌‌‌ কনজনে তমা ভিদিরেদি ন-যেদঅ, তো মুই তরে চির জিংকানিবরর্ মানুচ্ গুরিম আর বংশর পর বংশর বেক্কুনোর হুজির হবর্।

যিশাইয় 66:15

চঅ, লগেপ্রভু আগুনো ভিদিরেদি এবঅ আর তা রথ্‌‌তানি টুত্যেবোইয়্যের ধোক্ক্যেন এবঅ। তা রাগ্‌কান তে দর্‌‌‌‌‌গরেপারা ফগদাং গুরিবো, আর তা গেইল্ দেনাগান আগুনো জিল্‌‌‌‌‌লোই ফগদাং অবঅ।‌

যিরমিয় 12:10

বোউত্ গরগে মর্ আংগুর খেত্‌‌‌তান বর্‌‌‌বাত লাগেয়োন আর সিগুন টেঙোই মাজ্যন্; মর্ দোল্ খেত্‌তানরে তারা মানুচ্ নেইয়্যে আঙ্যা ভূই বানেয়োন। ‌‌

যিরমিয় 23:19

চঅ, মঅ রাগ্‌কান ঝড় ধোক্ক্যেন ফাদি পুরিবো আর পাজিগুনো মাঢা উগুরে ঘুরি ঘুরি পড়িবো টুত্যেবোইয়্যের ধোক্ক্যেন।

যিরমিয় 30:23

চঅ, লগেপ্রভুর রাগ্‌কান ঝড় ধোক্ক্যেন ফাদি পড়িবো, ধাবেই দিয়্যে এক্কান বোইয়্যেরে ঘুরি ঘুরি পাজিগুনো মাঢা উগুরে লামি এবঅ। ‌‌‌‌‍

যিরমিয় 36:19

সেক্কে রাজার চাগরুনে বারূকরে কলাক্, “তুই আর যিরমিয় যেইনে পোল্ল্যেই থাগঅ। তুমি কুদু আগঅ সিয়েন যেন কনজনে হবর্ ন-পান।”

যিরমিয় 44:6

সেনত্তে মর্ অমকদ রাগ্‌‍‌কান ঢালি দিয়্যে ওইয়্যে; সিয়েন যিহূদার শঅরত্ শঅরত্ আর যিরূশালেমর পধে পধে জুলি উঠ্যে আর সেনত্তে এচ্চ্যে সিয়েনি মানুচ্ নেইয়্যে আর ভস্ত ওই পড়ি আঘে।

যিরমিয় 5:15

লগেপ্রভু কোইয়্যেদে, “ও ইস্রায়েলীয়গুন, মুই তমা বিরুদ্ধে দূরত্তুন এক্কো জাদরে আনিম্। সিবে এক্কো পুরোণি আর টিগি থেইয়্যে জাদ্; সে মানুচ্চুনোর ভাষা তুমি হবর্ ন-পেবা আর তারা কধানি তুমি ন-বুঝিবে।

যিরমিয় 52:30

আর তার রাজাগিরির তেইশ বজরত্ রাজার্ চুগিদারুনোর সেনাপতি নবূষরদনে সাতশ পাজ্‌‌‌চোল্লিশজন যিহূদীরে নেযেল। ইগুনে জনেদি এলাক্ বেক্কুনে চের্‌‌‌‌ আজার ছয়শঅ।

যিহিষ্কেল 12:19

তুই দেজ মানুচ্চুনোরে কঅ, ইস্রায়েল দেজর্ যিরূশালেম আদাম্মেগুনো পৌইদ্যেনে প্রভু লগেপ্রভু কোইয়্যেদে, ‘তারা দোরে দোরে তারার্ হানাগানি হেবাক্ আর হতভম্ব ওইনে পানি হেবাক্, কিত্যে সিদুগোর্ আদাম্মেগুনোর অত্যেচারর্ কারনে তারার্ দেজ্‌চান খালি ওইনে পড়ি থেবঅ।

যিহিষ্কেল 22:15

মুই তঅ মানুচ্চুনোরে নানান্ জাদত্ আর দেজ ভিদিরে ছিদি দিম্ আর তর্ অসিজিগান দূর্ গুরিম।

যিহিষ্কেল 5:10

সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

দানিয়েল 8:9

সেই শিঙুনোত্ এক্কোত্তুন্ আর এক্কো শিং উদিলাক্; সিগুন পৌইল্যাদি চিগোন এলাক্ মাত্তর্ পরেদি দোগিণ, পূগ আর দোল্ দেজ ইন্দি দাঙর্ উয়ো ধুরিলাক্।

হোশেয় 9:17

মর্ গোজেনে তারারে এলাফেলা গুরিবো, কিত্যে তারা তার্ বাধ্য ন-অন্; তারা নানান্ জাদ ভিদিরে ঘুরি বেড়েবাক্।

যোয়েল 2:3

তারার্ আগে আগে গিলি ফেলেয়্যে আগুনানে আর তারা পিজেদি আগুনো জিলান্ জ্বলের্। তারা মুজুঙোত্ দেজ্‌‌চান যেন এদন বাগান ধোক্ক্যেন্, আর তারা পিজেদি ভস্ত ওই যেইয়্যে ধূল্যেচর-চাগালাগান; কিচ্ছু সিয়েনত্তুন্ রোক্ষ্যে ন-পার্।

লেবীয় 26:22

মুই তমা ইধু চিৎ নপুজ্যে য়েমান পাধেই দিম। সিগুনে তমার ঝি-পূঅগুনোরে হেই ফেলেবাক্, তমারে য়েমানপালুনে শেজ্ গুরিবাক আর তমার মান্‌জ্যর সোংখ্যে কোমেই দিবাক। সেক্কে তমার পথ্‌তানি খালি পড়ি থেবঅ।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

আমোষ 1:14

সেনত্তে যুদ্ধো দিনোত্ যুদ্ধোর্ রঅত্, দর্‌‌‌‌গরেপারা ঝড় ধোক্ক্যেন যুদ্ধোত্ মুই রব্বার দেবালত্ আগুন বাজেই দিম; সিয়েনে তার্ ঘরানি পুড়ি ফেলেব।

নহূম 1:3

লগেপ্রভু সহজে বেজার্ ন-অয় আর তে খেমতান্দি দাঙর্; দুষীরে তে সাজা ন-দিইনে ইরি ন-দে। তা পথ্‌‌‌তান তুট্ট্যেবোইয়্যের্ আর ঝড় ভিদিরে থায়, আর মেঘ্‌‌‌কান অলঅ তার টেঙর্ ধূল্যে।

হবক্‌‌‌‌কূক 3:14

যেক্কে তা যোদ্ধাগুনে আমারে ছিদি দিবাত্তে অমকদ গুরি আক্রমন গুরিলাক্, সেক্কে তারা তারা ধোক্ক্যেন্ ফুত্তি গোজ্যন্ যিগুনে ভিদিরে ভিদিরে দুখী মানুচ্চুনোরে গিলিনে হুজি অন্। মাত্তর্ তুই তারার্ নেতাবোরে তা যাদিবো ফুদেই দিলে।

সফনিয় 3:6

লগেপ্রভু কত্তে, মুই জাদ্‌তুনোরে শেজ্ গুরি দুয়োং; তারার্ অজল্ চুগিদার ঘরানি ভস্ত ওই যেইয়্যে। মুই তারার্ পথ্‌‌‌তানি মানুচ্ নেইয়্যে গোজ্যং; কনজনে সিন্দি আর ন-যান। তারার্ বেক শঅরানি ভস্ত ওই যেইয়্যে; সিয়েনিত্ কনজন নেই, কনজনে বজত্তি ন-গরন্।

সখরিয় 2:6

লগেপ্রভু কত্তে, “শুনো, শুনো। মুই দঅ চেরোকিত্তে তমারে ছিদি দুয়োং, মাত্তর্ ইক্কিনে তুমি উত্তোরে দেজত্তুন্ ধেই এজঅ।

সখরিয় 8:1

যেরেদি বেগত্তুন্ খেমতাবলা লগেপ্রভুর কধাগান ফগদাং অলঅ। তে কলঅ, সিয়োনত্তে মঅ মনানত্ অমকদ জ্বালা আঘে; মুই তাত্তে আবেগে অমকদ বুগ্ পুড়ের্।

সখরিয় 9:14

সে পরেদি লগেপ্রভু তা মানুচ্চুনো উগুরে ফগদাং অবঅ; তা সেল্‌‌লো কারেন ধোক্ক্যেন ঝিমিলেব। প্রভু লগেপ্রভু শিংগা বাজেব আর দোগিণো ঝড় বোইয়্যের ধোক্ক্যেন উজেই যেবঅ;

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।

দ্বি’লম্বর বিররণ 28:49

লগেপ্রভু দূরোত্তুন, পিত্‌থিমীর শেজ্‌ দুঝিত্তুন এমন্‌ এক্কো জাদরে তমার বিরুদ্ধে লোই আনিবো যিগুনোর কধানি তুমি ন-বুঝিবা। ঈগল পেগো ধোক্ক্যেন গুরি সে জাত্তো ছোঁ মারিনে তমা উগুরে লামি এবঅ।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।