সখরিয় 7:12 - Chakma Bible

¹² তারা তারার্ মনানি পাত্তর ধোক্ক্যেন দরমর গোজ্যন্ আর রীদি-সুদোম ন-মানন্। মুই বেগত্তুন্ খেমতাবলা লগেপ্রভু মঅ আত্মাগান্দোই পুরোণি ভাববাদীগুনোর মাধ্যমে যে কধানি পাদেয়োং সিয়েনিয়ো তারা ন-শুনোন্। সেনত্তে মর্ অমকদ রাগ্‌‌কান জুলি উঠ্যে।

সখরিয় 7:12 Iomraidhean Croise

২ বংশধর 36:13

ইয়েনিবাদে রাজা নবূখদ্‌নিৎসর, যিবে গোজেনর নাঙে তারে শমক্‌ খাবেয়্যে, তার্‌ বিরুদ্ধে তে উল্লোমি গুরিলো। তে একগেয়েমি গুরিনে আর নিজো মনান্‌ দর গুরিনে ইস্রায়েলর গোজেন লগেপ্রভুর ইন্দি ন-ফিরিলো।

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

ইয়োব 9:4

তা জ্ঞানান্‌ গভীন্‌, তা বলান্‌ অমকদ; কন্না তা বিরুদ্ধে থিয়্যেইনে রোক্ষ্যে পেইয়্যে?

গীতসংহিতা 50:17

তুই দঅ মর্ শাজনান্ ঘিনেচ্ আর মঅ কধানির ধারান্ ন-ধারেচ্।

যাত্রা 7:13

মাত্তর্‌ লগেপ্রভু তারারে যিয়েনি কোইয়্যে সিয়েন অলঅ। ফরৌণ মনান্‌ দরঅ ওই রলঅ; তে মোশি আর হারোণ কধা ন-শুনিলো।

যিশাইয় 46:12

ও একবুস্যে মনর্ মানুচ্চুন, তুমি যিগুনে মর্ গুজি লনাত্তুন দূরোত্ আগ, মঅ কধাগান শুনো।

যিশাইয় 48:4

কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

যিশাইয় 65:12

মুই তমা ভাগ্যগান ঠিগ্ গুরিম তলোয়ারলোই, আর তুমি বেক্কুনে কাবা হেবাত্তে মাঢা নিগিরিবে। ইয়েনর্ কারনান্ অলঅ, মুই তমারে ডাক্যং মাত্তর্ তুমি জোব্ ন-দুয়ো, মুই কধা কোইয়োং মাত্তর্ তুমি ন-শুনো। মঅ চোগেদি তুমি ভান্ন্যেই কাম্ গোজ্য আর যেনে মুই হুজি অং সেনত্তে বেঈ নেযেয়োং।”

যিরমিয় 17:1

লগেপ্রভু কোইয়্যেদে, যিহূদার পাপ্‌পান লুয়োর্ কলম্বোই লেগা ওইয়্যে, হীরা কাবনিলোই তারার চিদোত্, তারার পুজোবো শিঙো উগুরে কাবিনে লেগা ওইয়্যে।

যিরমিয় 17:23

তমা পুরোণি মানুচ্চুনে সে কধা নয়ো শুনোন্, সিয়েনত্ মনযোগ্‌‌অ ন-দুয়োন। তারা তারার গত্তনাবো দরমর গোজ্যন; তারা মঅ কধানি শুনিবাত্তে আর মঅ শাজনান্ মানিবাত্তে অস্বিগের গোজ্যন।

যিরমিয় 26:19

যিহূদার রাজা হিষ্কিয় বা যিহূদার অন্য কনজনে কি মীখারে মারে ফেলেয়োন? হিষ্কিয় কি লগেপ্রভুরে ভোক্তিগুরিনে ন-দরায় আর তার দোয়্যে ভিক্ষে ন-গরে? ইয়েনত্ লগেপ্রভু মানুচ্চুনো উগুরে যে দযাগান্ পাদেবার কধা কোইয়্যে সিয়েন আর ন-পাদায়। মাত্তর্ আমি দঅ নিজো উগুরে এক্কান দর্‌‌‌গরেপারা দযা ডাগি আন্ন্যেই‌।”

যিরমিয় 42:21

মুই এইচ্চ্যে সিয়েনি তমারে কলুং মাত্তর্ যেদক্কানি পৌইদ্যেনে কবাত্তে তমা গোজেন লগেপ্রভু মরে তমা ইধু পাদেয়্যে সিয়েনি তুমি এজঅ ন-পালঅ।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

যিহিষ্কেল 11:19

মুই তারারে এমন মন দিম্ যিয়েন বানা মইন্দি আসক্ত থেবঅ, আর মুই তারা ভিদিরে নূয়ো আত্মা দিম; মুই তারার্ চিৎনপুজ্যে মনান্ সোরেইনে নরম মনানি দিম।

যিহিষ্কেল 14:5

ইস্রায়েলীয়গুনোর মনানি আরঅ জিদিই নিবাত্তে মুই ইয়েন গুরিম, কিত্তে তারা বেক্কুনে তারার্ মূত্তিগুনোত্তে মরে ছাড়ি যেইয়োন।

যিহিষ্কেল 2:4

যে মানুচ্চুনো ইধু মুই তরে পাদাঙর্ তারা একবুস্যে আর জেদী। তুই তারা ইধু প্রভু লগেপ্রভুর কধা কবে।

যিহিষ্কেল 36:26

মুই তমা ভিদিরে নুয়ো রিবেং আর নুয়ো মন দিম; মুই তমার্ দরমর রিবেঙান্ দূর্ গুরিনে নরম রিবেং দিম।

সখরিয় 1:2

লগপ্রভু সখরিয়রে কলঅ, “তমা পুরোণি মানুচ্চুনো উগুরে মুই অমকদ বেজার্ ওইয়োং।

সখরিয় 7:7

যেক্কে যিরূশালেম আর তার কায়কুরে শঅরানিত্ মানুচ্ বজত্তি গত্তন্ আর সিয়েনির অবস্থাগান্ ভালেদি অর্ আর নেগেভ আহ্ পোজিমেদি তলে মুড়ো চাগালাত্ মানুচ্চুনোর্ বজত্তি এলঅ সেক্কেয়ো লগেপ্রভু এই বেক্ কধানি পুরোণি ভাববাদীগুনোর মাধ্যমে কোইয়্যে।’ ”

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

মার্ক 4:12

যেন তারা রিনি চান্ আর রিনি চান, যেদক্কন সং ন-দেগন; তারা শুনোদে থাদোক্ আর শুনোদোক্, যেদ্ক্কন ন-বুঝোন। সিয়েন ন-অলে তারা অয়ত গোজেন ইন্দি ফিরিবাক্ আর খেমা পেবাক্। ”

লূকে লেখ্যে গম্ হবর্ 8:12

পধ পাজারাত্ পোজ্যে বীজ্‌চুনো মাধ্যমে তারা পৌইদ্যেনে কুয়ো ওইয়্যে যিগুনে সেই কধানি শুনোন্ ঠিগ্, মাত্তর্ পরেদি শদানে এইনে তারা মনত্তুন্ সিয়েনি তুলি নেযায়। সেক্কে তারা সিয়েন বিশ্বেজ্ গুরি ন-পারন্ বিলি পাপত্তুন্ উদ্ধোর্ ন-পান্।

প্রেরিত্‌ 28:27

এ বাবোত্যে মানুচ্চুনোর্ মনানি বাজে আর কানানি নাঢা যেইয়্যে, আর তারা তারার্ চোগ্‌‌কুন্অ নাঢি রাগেয়োন, যেন তারা চোগেদি ন-দেগন্, কানেদি ন-শুনোন্ আর মনানদি ন-বুঝোন্, আহ্ গম্ অবাত্তে মইধু ফিরি ন-এজন।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।