সখরিয় 6:7 - Chakma Bible

⁷ বোলী ঘোড়াগুন নিগিলিনে পুরো পিত্‌‌‌থিমীগান ঘুরি চেবাত্তে ছোট্‌পোত্যে ওই উঠ্যন্। সেক্কে সেই স্বর্গদূত্‌তো কলঅ, “পিত্‌থিমীর বেক্ জাগায়ান ঘুরি চাহ্‌‌‌।” সেনত্তে তারা পিত্‌থিমীর বেক্ জাগায়ান ঘুরিবাত্তে গেলাক্। ‌‌

সখরিয় 6:7 Iomraidhean Croise

পত্থম 13:17

গোদা দেজ্‌ছান তুই একপল্লা ঘুরি আয়, কিত্তে এ দেজ্‌ছান মুই তরে দিম্‌।”

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

দানিয়েল 7:19

সেক্কে মুই সেই চের্ লম্বর্ য়েমান্নোর ভেদ্‌তান্ জানিবাত্তে চেলুং। ইবে সেই য়েমান যিবে অন্যগুনোত্তুন্ যুদো আর দর্‌‌‌‌‌‌‌‌‌‌গরেপারা এলঅ, যিবের্ লুয়োর্ দাত্ আর পিদোলর্ নখ এলঅ, যে য়েমান্নো তা শিগেরবোরে কট্টা কট্টা গুরি গিলি ফেলেয়্যে আর বাদ বাদবাগিগান টেঙোই উজ্যে।

দানিয়েল 7:24

সেই দোশ্‌‌‌‌‌‌‌‌‌‌‌চো শিং অলঅ দশজন রাজা যিগুনে এ রেজ্যত্ রাজাগিরি গুরিবাক্। তারার পরেদি আর এক্কো রাজা উদিবো, তে আগ রাজাগুনোত্তুন্ অন্যবাবোত্যে অবঅ; তে তিনজন রাজারে ওদেই দিবো।

সখরিয় 1:10

যিবে গুলমেঁদি গাজ্‌‌‌চুনো সংমোধ্যে থিয়্যেই এলঅ তে মরে কোইয়্যেদে, “গোদা পিত্‌থিমীগান ঘুরিনে রিনি চেবাত্তে লগেপ্রভু ইগুনোরে পাদেয়্যে‌‌‌।”

গণাণা 21:4

ইয়েনর্ পরেদি ইস্রায়েলীয়গুনে ইদোম দেজর্‌ এককিত্তেন্দি ঘুরি যেবাত্তে হোর মুড়োবোত্তুন্‌ আকাবা বড়গাঙর্ পদ্‌থান্‌ ধুরিনে আদা মারিলাক্। মাত্তর্‌ পদথ্‌ তারা ধৈজ্য আরেইনে গোজেন আর মোশির বিরুদ্ধে কুয়া ধুরিলাক্, “এই ধূল্যেচর-চাগালাত্‌ মারা পরিবাত্তে কিত্তে তুমি মিসর দেজত্তুন্‌ আমারে নিগিলেই আনিলা? ইয়েনত্‌ পিদেয়ো নেই পানিয়ো নেই, আর এই বাজে খানা আমি দ্বিচোগেদি চেই ন-পারির্‌।”