সখরিয় 6:6 - Chakma Bible

⁶ কালা ঘোড়ার্ রথ্‌‌তান উত্তোরেদি দেজ ইন্দি যার্, ধুব্ ঘোড়ার্ রথ্‌‌তান পোজিমেদি যার্ আর চিদিরে-বদরা রঙর্ ঘোড়ার্ রথ্‌‌তান যার্ দোগিণেদি।”

সখরিয় 6:6 Iomraidhean Croise

যিশাইয় 30:6

নেগেভ এ্যামানুনো পৌইদ্যেনে আগাম্ কধা ইয়েন: সেই দূত্‌তুনে দুঘ্ আর দুদ্দজাত্ পোজ্যে দেজ ভিদিরেদি আর সিংহ আর সিংহী, বিষ্‌বলা সাপ আর উড়্‌বো বিষ্‌বলা সাপ দেজ ভিদিরেদি যা‍‌ন্।

যিশাইয় 43:6

মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 4:6

সিয়োনত্ যেবার পথ্‌তান দেগেবাত্তে চিহ্নো থিদেবর্ গরঅ। দিরি ন-গুরিনে গমেডালে থেবাত্তে ধেই যঅ, কিত্তে মুই উত্তোরেত্তুন দজা আর দর্‌গরেপারা ভস্ত গরানাগানরে আনিবাত্তে যাঙর্।‍‍‍‍‍

যিরমিয় 46:10

মাত্তর্ সেই দিনুন অলঅ বেগত্তুন্ খেমতাবলা প্রভু লগেপ্রভুর দিন। সে দিন্নো অলঅ তা শত্রুগুনো উগুরে হেনা সুজিবার দিন। তলোয়ারর ঈল্ ন-অনা সং, তা লো-গানর্ তিরেস্ ন-পানা সং গ্রাস গরা ধুরিবো; কিত্তে উত্তোরেদি দেজত্, ইউফ্রেটিস গাঙ পাড়ত্ বেগত্তুন্ খেমতাবলা প্রভু লগেপ্রভু উৎসর্বর অনুষ্ঠান গুরিবো।

যিরমিয় 51:48

আগাজ্‌‌‌‌‌‌‌‌চান, পিত্‌‌‌‌‌‌‌‌‌থিমীগান আর সিয়েন ভিদিরে বেক্কানিয়ে বাবিল বেপারান্দোই হুজিয়ে রঅ ছাড়িবো, কিত্তে উত্তোরেত্তুন্ ভস্তগুরিয়্যেবো এইনে তারে আক্রমণ গুরিবো। মুই লগেপ্রভু এ কধাগান কঙর্।

যিরমিয় 6:1

লগেপ্রভু কোইয়্যেদে, “ও বিন্যামীনর মানুচ্চুন, রোক্ষ্যে পেবাত্তে ধেই যঅ। যিরূশালেমত্তুন্ ধেই যঅ। তকোয় শঅরত্ শিঙে বাজঅ। বৈৎ-হক্কেরমত্ ইজিরে দুয়ো, কিত্তে উত্তোরেত্তুন্ দজা আর দর্‌‌‌‌গরেপারা ভস্তগানে ইজিরে দের্।

যিহিষ্কেল 1:4

মুই রিনি চেইনে দেগিলুং উত্তোরেত্তুন্ এক্কান তুট্যে বোইয়্যের্ এজের্, এক্কান দাঙর্ মেঘ ভিদিরে ঝিমিলের্ আর চেরোকিত্তেদি পোত্‌‌‌পোত্যে পহ্‌‌‌রে ঘিজ্যে। সে ঝিমিলেনিগান সংমোধ্যে দোগ্‌দোক্যে ধাতু ধোক্ক্যেন কিজু ঝিমিত্ ঝিমিত্ গরের্।

দানিয়েল 11:40

শেষ সময় এলে পরেদি দোগিণ দেজর্ রাজা তারে আক্রমণ গুরিবো আর সেই উত্তর রাজা রথ, ঘোড়াবলা সৈন্য আর ভালোক্কানি জাহাজ নিইনে তা বিরুদ্ধে ঝড় ধোক্ক্যেন এবঅ। তে ভালোক্কানি দেজ্ আক্রমণ গুরিবো আর বান পানি ধোক্ক্যেন গুরি তারারে ধোইনে-ফুজি ফেলেব।

দানিয়েল 11:9

সে পরেদি উত্তোর রাজা দোগিণো রাজার রেজ্যগান আক্রমণ গুরিবো, মাত্তর্ পরেদি নিজো দেজত্ ফিরি যেবঅ।

ফগদাং পেইয়্যে 6:5

ভেড়া-ছবো যেক্কে তিন লম্বর সীলমহ্‌রবো ভাঙিলো সেক্কে মুই তিন লম্বর জেদা প্রাণীবোরে কধে শুনিলুং, “আয়।” সে পরেদি মুই এক্কো কালা ঘোড়া দেগিলুং। যিবে সেই ঘোড়াবো উগুরে বৈ এলঅ তা আঢত্ এক্কো পাল্লা এলঅ।