সখরিয় 6:12 - Chakma Bible

¹² তারে কঅ, বেগত্তুন্ খেমতাবলা লগেপ্রভু কত্তে, ইবে সেই মানুচ্চো, যিবের্ নাঙান্ চারাগাছ; তে নিজো জাগানত্তুন্ বাড়ি উদিবো আর লগেপ্রভুর ঘর বানেব।

সখরিয় 6:12 Iomraidhean Croise

২ শমূয়েল 7:13

তর্‌ সে পূঅবোই মঅ গম্ নাঙানত্তে এক্কান ঘর বানেব। তার রাজ-সিংহাসনান্ মুই জিংকানিবর্‌ থিদেবর্ গুরিম।

ইষ্রা 3:10

রাজমিস্ত্রিগুনে যেক্কে লগেপ্রভুর ঘরর্ গড়াগান থিদেবর্ গুরিলাক্ সেক্কে ইস্রায়েলর রাজা দায়ূদোর উগুম মজিম্ লগেপ্রভুরে বাঈনী গুরিবাত্তে ধর্মগুরুগুনে তারার্ ঠিগ গোজ্যে পোজাক্কানি পিনিনে তূরীলোই আর লেবীয়গুনো ভিদিরেত্তুন্ আসফর পুয়োগুনে ঝোন্‌‌ঝোনিলোই যে যিগুনোর্ জাগানত্ থিয়্যেলাক্।

ইষ্রা 3:8

যিরূশালেমত্ গোজেনর্ ঘরত্ ‍লুমিবার পরেদি দ্বিবজরত্ দ্বিমাজত্ শল্টীয়েলর পুয়ো সরুব্বাবিল, যোষাদকর পুয়ো যেশূয় আর তারার্ বাদবাগী ভেইয়ুনে কাম গুরিবাত্তে আরাম্ভ গুরিলাক্। এই ভেইয়ুনে অলাক্ ধর্মগুরু, লেবীয় আর অন্য বেক্ মানুচ্চুন যিগুনে বন্দীদযাত্তুন্ যিরূশালেমত্ ফিরি এচ্চ্যন্। কুড়ি বজর্ আর তাত্তুন্ বেশ বয়জর্ লেবীয়গুনোরে লগেপ্রভুর ঘর বানেবার কামত্ দেগাশুনো গুরিবাত্তে নেযা অলঅ।

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 53:2

তে তা মুজুঙোত্ নরম চারা ধোক্ক্যেন, শুগুনো মাঢিত্ লাগেয়্যে গাজ ধোক্ক্যেন দাঙর্ অলঅ। তার এ ধোক্ক্যেন দোল্ বা সয়সাগজ্যে নেই যে, তান্দি আমি ফিরি চেই; তা চেঙারাগান এমন্ দোল্ নয় যে, আমারে আকর্ষন গুরি পারে।

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

যিরমিয় 33:15

সে দিনুনোত্ আর সে সময়োত্ মুই দায়ূদোর বংশত্তুন্ এক্কো ভালেদির্ চারা উদিবাত্তে দিম্; যিবে ন্যায় আর গম্ তে দেজ ভিদিরে সিয়েনই গুরিবো।

যিহিষ্কেল 37:25

যে দেজ্‌‌‌‌চান মুই মঅ চাগর্ যাকোবরে দুয়োং, যে দেজত্ তারার্ পুরোণি মানুচ্চুনে বজত্তি গুরি যেইয়োন সিয়েনত্ তারা বজত্তি গুরিবাক্। তারা, তারার্ পুয়ো-ছাগুনে আর নাদিন্ পুদিনুনে সিয়েনত্ জিংকানিবর্ বজত্তি গুরিবাক্ আর মর্ চাগর্ দায়ূদে উমরত্যে তারার্ রাজা অবঅ।

যিহিষ্কেল 41:1

সে পরেদি তে মরে উবোসনা-ঘরর্ আজল্ গুদিবোত্ আনিনে দোরোত্ বাজু দ্বিবে মাবিলো; দ্বিকিত্তেদি বাজু পাদাজ্যে এলাক্ ছয় আত্ গুরি;

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

মীখা 5:5

আর তে সাজা আনিবো। আসিরিয়গুনে যেক্কে আমা দেজ্‌‌‌চান আক্রমন গুরিবাক্ আর আমা তাম্বুলানি টেঙোই উরিবাক্ সেক্কে আমি তা বিরুদ্ধে সাতজন পালগরে, এন্ কি, আষ্টোজন নেতারে তুলিবোং।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

সখরিয় 3:8

ও দাঙর্ ধর্মগুরু যিহোশূয়, তুই শুন আর তঅ মুজুঙোত্ বৈই থেইয়্যে তর্ সমাজ্যে-ধর্মগুরুগুনে শুনোদোক্। মুই যে সেই চারাবোরে, অত্তাৎ মর্ চাগর্‌বোরে আনিবে এই ধর্মগুরুগুন অলাক্ তার চিহ্নো।

সখরিয় 8:9

মুই বেগত্তুন্ খেমতাবলা লগেপ্রভু কঙর্, মঅ ঘরান্ বানেবাত্তে খুদো গারেবার্ সময় ভাববাদীগুনে সেই বেক্ কধানি কোইয়োন, আর ইক্কিনে তুমি সেই একই কধা শুনোর্; সেনত্তে তুমি দরমর অ।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

মথি লেখ্যে গম্ হবর্ 26:61

“এ মানুচ্চো কোইয়্যেদে, মুই গোজেন ঘরান্ ভাঙি ফেলেইনে তিন দিনো ভিদিরে আরঅ সিয়েন্ বানেই দি পারং।”

মার্ক 14:58

“আমি তারে কধে শুন্ন্যেই, ‘মান্‌জ্যর্ বানেয়্যে এই উবোসনা-ঘরান্ মুই ভাঙি ফেলেম্ আর তিন দিনো ভিদিরে এমন্ এক্কান উবোসনা-ঘর্ বানেম্ যিয়েন মান্‌‌জ্যর্ বানেয়্যে নয়।’ ”

মার্ক 15:29

যিদুক্কুন্ মানুচ্ সেই পথ্‌তানদি যাদন্ তারা মাঢাগুন্ লাড়েইনে যীশুরে অগমান্ গুরিলাক্, “ওহ্, তুই নাহি উবোসনা-ঘরান্ ভাঙিনে আরঅ তিন দিনো ভিদিরে সিয়েন বানেই দি পারচ্!

মার্ক 15:39

যে আর্মি অফিসার্‌বো ক্রুশ্‌চান মুজুঙোত্ থিয়্যেইনে কিবাবোত্যে গুরি যীশু মুরি যায় সিয়েন চেলঅ, তে কলঅ “এই মানুচ্চো ঘেচ্চেক্‌গুরি গোজেনর্ পুয়ো এলঅ।”

যোহন 1:45

ফিলিপ নথনেলরে তোগেই পেইনে কলঅ, “মোশি যিবে কধা রীদি-সুদোম লিগি যেইয়্যে আর যিবে পৌইদ্যেনে ভাববাদীগুনেয়ো লেখ্যন্ আমি তার্ দেগা পেইয়্যেই। তে যোষেফর্ পুয়ো যীশু, নাসরত আদাম মানুচ্‌।”

যোহন 19:5

যীশু সেই কাদা বলা মুকুট্‌তো আর বিগুনো রঙর্ কাবড়ান্ উজ্যে অবস্থায় বারেদি এলঅ। সেক্কে পীলাতে মানুচ্চুনোরে কলঅ, “এইয়্যে চঅ, সে মানুচ্চো।”

প্রেরিত্‌ 13:38

ইয়েনত্যে মঅ ভেইয়ুন, তমার্ কোই পারানা দরকার, যীশুর মাধ্যমে তমা ইধু পাপর্ ক্ষেমা পানা পৌইদ্যেনে ফগদাং গরা অর্।

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

ইব্রীয় 10:12

মাত্তর্ যীশু পাপত্যে উমর কাল ধোক্ক্যেন বানা এক্কো উৎসর্ব গুরিনে গোজেনর্ ডেন্ ধাগেদি বলঅ।

ইব্রীয় 7:24

মাত্তর্ যীশু উমরত্যে জেদা আঘে বিলিনে তার্ ধর্মগুরু পদ্‌তানত্ কনদিন্‌অ ন-বুদুলিবো।

ইব্রীয় 7:4

চঅ, মল্কীষেদকে কত্তমান দাঙর্! আমা দাঙর্ পূরোণি মানুচ্ অব্রাহামেয়ো তারে বেক্কানিত্তুন দশ্ ভাগর্ এক ভাগ দিয়্যে।

ইব্রীয় 8:3

পত্তি দাঙর্ ধর্মগুরু এ্যামান-উৎসর্ব আর অন্য জিনিচ্‌ উৎসর্ব গুরিবাত্যে নেযা অয়, সেনত্যে এই দাঙর্ ধর্মগুরুগুনোর্‌অ কনঅ কিজু উৎসর্ব গুরিবার দরকার্।