সখরিয় 6:11 - Chakma Bible

¹¹ সে পরেদি তুই সেই সোনা আর রূবোলোই এক্কো মুকুট বানা আর সিবে যিহোষাদকর পুয়ো ধর্মগুরু যিহোশূয়র মাঢাত্ পিনেই দেগোই।

সখরিয় 6:11 Iomraidhean Croise

২ শমূয়েল 12:30

তে সিদুগোর্‌ রাজার মাধাবোত্তুন্‌ মুকুট্‌তো খুলি নেযেল। সিবে উনচোল্লিশ কেজি সোনালোই বানেয়্যে এলঅ আর সিবেত্‌ মংগা পাত্তর্‌ বোজেয়্যে এলঅ। মুকুট্‌তো দায়ূদো মাধাবোত্‌ পিনেই দিয়্যে অলঅ। দায়ূদে সে শঅরত্তুন্‌ ভালোক্কানি লুদেয়্যে মাল নেযেল।

ইষ্রা 10:18

যিগুনে অন্য জাদর্ মিলেগুনোরে লোইয়োন তারার্ নাঙানি ইয়েনি: ধর্মগুরুগুনো ভিদিরে যোষাদকর পুয়ো যেশূয়র আর তা ভেইয়ুনোর্ বংশধরুনো ভিদিরে মাসেয়, ইলীয়েষর, যারিব আর গদলিয়।

ইষ্রা 3:2

সে পরেদি যোষাদকর্ পুয়ো যেশূয় আর তা সমাজ্যে ধর্মগুরুগুন আর শল্টীয়েলর্ পুয়ো সরুব্বাবিল আর তা সমাজ্যেগুনে পূজ্যে-উৎসর্বর অনুষ্ঠানত্যে গোজেনর্ মানুচ্ মোশির রীদি-সুদোমর লেগা মজিম্ ইস্রায়েলর্ গোজেনর্ পূজোবো বানেলাক্।

গীতসংহিতা 21:3

ভালেদির্ বোউত্ আশিদ্‌বাদ নিইনে তুই তারে আগ্‌বাড়েই আনিবাত্তে যেইয়োচ্, তা মাঢাবোত্ দুয়োচ্ খাটি সনার মুকুট।

যাত্রা 29:6

সে পরেদি তা মাদাবো উগুরে খবং বানি দিইনে তা উগুরে সেই সনা পাদর্‌ পবিত্র মুকুট্টো লাগেই দিবে।

যাত্রা 39:30

সে পরেদি তারা খাটি সনালোই এক্কান পাত্‌ বানেলাক্‌। ইবে এক্কো পবিত্র মুকুট। সীলমহ্‌র খোদাই গোজ্যেদে ধোক্ক্যেন গুরি সেই পাত্তান উগুরে এ কধাগান্‌ খুড়িনে লেগা অলঅ‌, “লগেপ্রভুর্‌ নাঙে ফারক্‌ গুরি রাগানা।”

পরমগীত 3:11

ও সিয়োনর্ মিলেগুন্, তুমি নিগিলি এজঅ, চঅ, রাজা শলোমনে মুকুট্ পিনি আঘে; তার্ মেলা-মেইট্‌বান দিনোত্, তা মনর্ হুজি দিনোত্, তার্ মাবো তারে মুকুট্ পিনেই দিয়্যে।

লেবীয় 8:9

সে পরেদি কবঙান্‌ হারোণর্‌ মাদা উগুরে রাগেইনে পবিত্র মুকুট্টো, অত্তাৎ সেই সনার্‌ পাত্তান্‌ কবঙানর্‌ মুজুঙেন্দি বোজেই দিলো। বেক্কানি মোশি লগেপ্রভুর্ উগুম মজিম গুরিলো।

হগয় 1:1

রাজা দারিয়াবসর রাজাগিরির দ্বিবজরত্ শল্টীয়েলর পুয়ো সরুব্বাবিলে এলদে যিহূদার শাজন্‌ গুরিয়্যে আর যিহোষাদকর পুয়ো যিহোশূয় এলদে দাঙর্ ধর্মগুরু। সেই বজরর্ ছয় মাসর পত্তম দিনোত্ লগেপ্রভু ভাববাদী হগয়রে দিইনে তারারে কলঅ,

হগয় 1:14

ইয়েনর্ পরেদি লগেপ্রভু যিহূদার শাজন্‌গুরিয়্যে সরুব্বাবিলর, দাঙর্ ধর্মগুরু যিহোশূয়র আর বাদবাগি বেক্ মানুচ্চুনোর মনানি জাগেই তুলিলো। সেক্কে তারা বেক্কুনে এইনে তারার্ বেগত্তুন্ খেমতাবলা লগেপ্রভুর ঘরর কাম গরানা আরাম্ভ গুরি দিলাক্।

হগয় 2:4

সে পরেদি তুই তারারে কবে, লগেপ্রভু কোইয়্যেদে, ও সরুব্বাবিল, তুই সাহস গর্; ও দাঙর্ ধর্মগুরু যিহোশূয়, সাহস গর্; ও দেজর্ বেক মানুচ্চুন্, তুমি সাহস গরঅ আর কাম্ গরঅ; কিত্যে মুই বেগত্তুন্ খেমতাবলা লগেপ্রভু তমা লগে লগে আগং।

সখরিয় 3:1

পরেদি সেই স্বর্গদূত্‌‌‌‌তো মরে দেগেল দাঙর্ ধর্মগুরু যিহোশূয় লগেপ্রভুর দূত্‌‌‌‌তো মুজুঙোত্ থিয়্যেই আঘে আর তারে দুষ্ দিবাত্তে শদানে তা ডেনেদি থিয়্যেই আঘে।

সখরিয় 3:5

সেক্কে মুই কলুং, “তা মাঢাবোত্ এক্কান সাব্‌গোজ্যে খবং দিয়্যে ওক্।” সেনত্তে সেই দূত্‌তুনে তা মাঢাবোত্ এক্কান সাব্‌গোজ্য খবং দিলো আর তারে কাবড় উরেল। সেক্কেয়ো লগেপ্রভুর দূত্‌‌‌‌‌তো তারা কায়কুরে থিয়্যেই এলঅ।‌‌

সখরিয় 6:14

হেলেম, অত্তাৎ হিল্‌‌দয়, টোবিয়, যিদায় আর সফনিয়র পুয়ো হেনকে, অত্তাৎ যোশিয়রে মনত্ রাগেবার চিহ্নো ইজেবে সেই মুকুট্টো লগেপ্রভুর ঘর ভিদিরে থেবঅ।

ইব্রীয় 2:9

মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।

ফগদাং পেইয়্যে 19:12

তা চোগ্‌‌কুন জ্বোল্‌‌জোল্যে আগুনো ধোক্ক্যেন আর তা মাঢাবোত্ ভালোক্কুন মুকুট এলাক্। তা কিয়্যেনত্ এন্ এক্কান নাঙ্ লেগা এলঅ, যে নাঙান্ তে নিজে বাদে আর কেঅ কোই ন-পারন্।

ফগদাং পেইয়্যে 6:2

যিবে তা উগুরে বৈ এলঅ তা আঢত্ এক্কান ধনু এলঅ। তারে এক্কো মুকুট দিয়া অলঅ আর তে জিত্যেদে ধোক্ক্যেন নিগিলিনে জয় গত্তে গত্তে গেলঅ।