সখরিয় 4:9 - Chakma Bible

⁹ “সরুব্বাবিলর আঢ্‌‌তানিয়ে এ উবোসনা-ঘরর্ গড়াগান থিদেবর্ গোজ্যে আর তা আঢ্‌‌তানিয়ে সিয়েন থুম্ গুরিবো। সেক্কে মানুচ্চুনে হবর্ পেবাক্ যে, মুই বেগত্তুন্ খেমতাবলা লগেপ্রভু তরে তারাইদু পাদেয়োং। ‌‌

সখরিয় 4:9 Iomraidhean Croise

ইষ্রা 5:16

সেনত্তে শেশ্‌বসরে এইনে যিরূশালেমত্ গোজেনর্ ঘরর্ গড়াগান্ থিদেবর্ গোজ্যে। সেদিন্যেত্তুন্ ধুরি এচ্চ্যে সং সিয়েনর্ বানানার্ কামান্ চলের্, এজঅ থুম্ ন অয়।”

যিশাইয় 48:16

“তুমি মইদু এইনে এ কধানি শুনো। মুই পোইল্যেত্তুন্ ধুরি কনঅ কধা গুমরত্ রাগেবাত্তে ন-কং; সে কধানি পূরোণ অবার্ অক্তত্ মুই সিয়েনত্ থাং।” ইক্কিনে প্রভু লগেপ্রভু তা আত্মালোই মরে পাদেয়্যে।

হগয় 2:18

এচ্চ্যে নয় মাসর্ চোব্বিশ দিনোত্ মঅ ঘরানর্ গড়াগান থিদেবর্ গরা অলঅ। এবেরা মুই তমাত্তে কি গুরিবাত্তে যাঙর্ সিয়েন চঅ।

সখরিয় 1:16

সেনত্তে মুই যিরূশালেমানরে মেয়্যে গুরিবাত্তে ফিরি এইম্। সিয়েনত্ মঅ ঘরান আরঅ বানা অবঅ আর যিরূশালেম শঅরানরে মাবিনে আরঅ বানা অবঅ।

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

সখরিয় 2:13

ও বেক্ মানুচ্চুন, তুমি লগেপ্রভুর মুজুঙোত্ অলর্ অ, কিত্যে তে বিচের্ গুরিবাত্তে তার সুদ্ধো-সাংগ থেবার জাগাত্তুন্ নিগিলি এজের্।

সখরিয় 4:8

সে পরেদি লগেপ্রভুর এ কধাগান মইদু ফগদাং অলঅ,

সখরিয় 6:15

“যিগুনে দূরোত্ আগন্ তারা এইনে লগেপ্রভুর ঘরান বানেবার কামত্ সাহায্য গুরিবাক্। সেক্কে তুমি হবর্ পেবাদে যে, বেগত্তুন খেমতাবলা লগেপ্রভুই মরে তমা ইধু পাদেয়্যে। যুনি তুমি যত্তন্ গুরিনে তমা গোজেন লগেপ্রভুর কধানি পালঅ সালেই ইয়েনি বেক্কানি অবঅ।”

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।