সখরিয় 4:7 - Chakma Bible

⁷ ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

সখরিয় 4:7 Iomraidhean Croise

ইষ্রা 3:10

রাজমিস্ত্রিগুনে যেক্কে লগেপ্রভুর ঘরর্ গড়াগান থিদেবর্ গুরিলাক্ সেক্কে ইস্রায়েলর রাজা দায়ূদোর উগুম মজিম্ লগেপ্রভুরে বাঈনী গুরিবাত্তে ধর্মগুরুগুনে তারার্ ঠিগ গোজ্যে পোজাক্কানি পিনিনে তূরীলোই আর লেবীয়গুনো ভিদিরেত্তুন্ আসফর পুয়োগুনে ঝোন্‌‌ঝোনিলোই যে যিগুনোর্ জাগানত্ থিয়্যেলাক্।

গীতসংহিতা 114:4

আর দাঙর্ দাঙর্ মুড়োগুন ভেড়া ধোক্ক্যেন্, চিগোন চিগোন মুড়োগুন ভেড়া ছঅ ধোক্ক্যেন ফাল্যেদন্।

গীতসংহিতা 114:6

ও দাঙর্ দাঙর্ মুড়োগুন, কিত্তে তুই ভেড়া ধোক্ক্যেন ফাল্ল্যর? ও চিগোন চিগোন মুড়োগুন্, কিত্তে ফাল্ল্যর্ ভেড়া ছঅ ধোক্ক্যেন্?

গীতসংহিতা 118:22

রাজমিস্ত্রিগুনে যে শিল্লো বাদ দি দুয়োন্ সিবে বেগত্তুন্ দরকারি শিল্ অলঅ;

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

যিশাইয় 41:15

চঅ, মুই তরে নুয়ো, ধারেয়্যে দাত্‌বলা শোজ্য মারিবার মিশিন বানেম। তুই মুড়ো-মুড়ি মাড়িনে সিগুনোরে চুর্‌‌মার্ গুরিবে, আর চিগোন মুড়োগুনোরে তুষো ধোক্ক্যেন গুরিম।

যিরমিয় 51:25

লগেপ্রভু কোইয়্যেদে, ও ভস্তগুরিয়্যে মুড়ো, তুই বেক্ পিত্‌‌‌থিমীগানর ভস্তগুরিয়্যে; মুই তঅ বিরুদ্ধে। মঅ আঢ্‌তান মুই তঅ বিরুদ্ধে বাবেইনে অজল্ মুড়োত্তুন্ তরে গোজ্যেই দিম আর তরে এক্কো পুড়ি যেইয়্যে মুড়ো বানেম্।

মীখা 1:4

মুম্ যেবাবোত্যেগুরি আগুনোত্ গুলি যায়, খামা জাগানদি যেবাবোত্যেগুরি পানি গোজ্যে যায় সেবাবোত্যেগুরি তা টেঙ তলাত্ মুড়ো-মুড়িগুন ফাদি যেবঅ, কলগ্‌কানি ফাদি যেবঅ।

মীখা 4:1

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্। ‌‌‌

হবক্‌‌‌‌কূক 3:6

তে থিয়্যেইনে পিত্‌থিমীগানরে লাড়ার্; তে রিনি চেইনে জাদ্‌তুনোরে গির্‌গিরে তুলের্। পুরোণি দিনোর্ মুড়ো-মুড়িগুন কট্টা কট্টা ওই যাদন্ আর পুরোণি যুগোর্ মুড়োগুন ভাঙি পত্তন্। উমর কালত্তুন্ ধুরি তা পথ্‌তানর কনঅ পরিবত্তন্ নেই।

সখরিয় 4:8

সে পরেদি লগেপ্রভুর এ কধাগান মইদু ফগদাং অলঅ,

সখরিয় 4:9

“সরুব্বাবিলর আঢ্‌‌তানিয়ে এ উবোসনা-ঘরর্ গড়াগান থিদেবর্ গোজ্যে আর তা আঢ্‌‌তানিয়ে সিয়েন থুম্ গুরিবো। সেক্কে মানুচ্চুনে হবর্ পেবাক্ যে, মুই বেগত্তুন্ খেমতাবলা লগেপ্রভু তরে তারাইদু পাদেয়োং। ‌‌

মথি লেখ্যে গম্ হবর্ 21:21

জোবত্ যীশু তারারে কলঅ, “মুই তমারে ঘেচ্চেকগুরি কঙর্, তুমি সন্দেহ ন গুরিনে যুনি বিশ্বেজ্ গরঅ সালে ডোমোর্ গাজ্‌সো উগুরে মুই যিয়েন্ গোজ্যং তুমিয়ো সিয়েন্ গুরি পারিবা। বানা সিয়েন নয়, মাত্তর্ যুনি এই মুড়োবোরে কঅ, ‘উদিনে সাগরত্ যেইনে পড়্,’ সালে সিয়েন্অ অবঅ।

মথি লেখ্যে গম্ হবর্ 21:42

সেক্কে যীশু তারারে কলঅ, “তুমি কি পবিত্র বোইয়ো ভিদিরে কনদিন্অ ন-পড়অ, ‘রাজমিস্ত্রিগুনে যে পাত্তর্‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো; প্রভুই ইয়েন্ গুরিলো, আর সিয়েন্ আমা চোগোত্ অমকদ আমক্ লাগে’?

মার্ক 12:10

তুমি কি পবিত্র বোইবোত্ ন-পড়অ, ‘রাজমিস্ত্রিগুনে যে পাত্তর্‍‍‍বো বাদ্ দুয়োন সিবেয়ই বেগত্তুন্ দরকারী পাত্তর্ ওই উদিলো;

লূকে লেখ্যে গম্ হবর্ 20:17

সেক্কে যীশু তারা ইন্দি রিনি চেইনে কলঅ, “সালে এই যে কধাগান্ পবিত্র বোইবোত্ লেগা আঘে, রাজমিস্ত্রিগুনে যে পাত্তর্‌‌‌‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো-ইয়েনর্ অত্তগান্ কি?

লূকে লেখ্যে গম্ হবর্ 3:5

বেক্ কলগ্‌কানি ভরা অবঅ, মুড়ো-মুড়ি সং গরা অবঅ। বেঙাতেরা পথ্‌তানি উজু গরা অবঅ, সংনেইয়্যে পথ্‌‌তানি সং গরা অবঅ।

প্রেরিত্‌ 4:11

পবিত্র বোইয়োর্ কধা মজিম্ যীশু খ্রীষ্ট ‘সেই পাত্তর্‌বো, যিবেরে রাজ্ মিস্ত্রিগুনে, অত্তাৎ তুমি বাদ্ দুয়ো; আর সিবেয়ই বেক্কুনোত্তুন্ দরকারী পাত্তর্ ওই উদিলো।’

রোমীয় 11:6

গোজেনে যুনি দোয়্যে গুরিনে বেঈ রাগায় সালে দঅ সিয়েন কনঅ কামর্ ফল নয়। যুনি সিয়েন অদঅ সালে দোয়্যে আর দোয়্যে ন-থেদঅ।

ইফিষীয় 2:20

প্রচারক আর ভাববাদীগুনে অলাক্ গড়াগান্ আর সেই গড়াগানর্ আজল্ পাত্তর্‌বো খ্রীষ্ট যীশু নিজে। সেই গড়াগান উগুরে তমারে তুল ওইয়্যে।

১ পিতর 2:7

ইয়েনত্যে তুমি বিশ্বেজ্ গোজ্জ্য বিলিনে তমা ইধু সেই পাত্তর্‌বো ভারী মংগা; মাত্তর্ যিগুনে বিশ্বেজ্ ন-গরন্ তারাত্যে পবিত্র বোইবোর্ এ কধাগান খাদে, রাজমিস্ত্রিগুনে যে পাত্তর্‌বো বাদ্ দি দুয়োন, সিবেই বেক্কুনোত্তুন্ দরকারী পাত্তর্ ওই উদিলো।

ফগদাং পেইয়্যে 16:20

সেক্কে এক এক্কো দ্বীপ ধেই গেলাক্ আর মূড়োগুন আর দেগা ন-গেলঅ।