সখরিয় 4:6 - Chakma Bible6 সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে। Faic an caibideil |
সখরিয় 4:6
33 Iomraidhean Croise
সেক্কে আসা তার্ গোজেন লগেপ্রভুরে ডাগিনে কলঅ, “ও লগেপ্রভু, তুই যেধোক্ক্যেন বোলী মানুচ্চুনোরে বল্ দি থাচ্ সেধোক্ক্যেন দঅ বল্নেইয়্যে মানুচ্চুনোরেয়ো বল্ দি পারচ্। সেনত্তেই ও আমা গোজেন্ লগেপ্রভু, আমারে বল্ দে, কিত্তে আমি তঅ উগুরে বিশ্বেজ্ গুরিই আর তর্ নাঙে আমি এ দাঙর্ সৈন্যদল বিরুদ্ধে এচ্ছ্যেই। ও লগেপ্রভু, তুয়ই আমার্ গোজেন, মানুচ্চুনোরে তর্ বিরুদ্ধে জিদিবাত্তে ন-দিস্।”
বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।
মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্ কি, স্বর্গদূত্তুনেয়ো এ পৌইদ্যেনে জানিবাত্যে আওজি।
Sanasan