সখরিয় 3:9 - Chakma Bible

⁹ ও যিহোশূয়, মুই তঅ মুজুঙোত্ এক্কো পাত্তর্ থোইয়োং। সেই পাত্তর্‌‌‌‌‌‌বো উগুরে সাত্‌তো চোগ্ আগন, আর তা উগুরে মুই এক্কান কধা খোদাই গুরিম আর মুই এক দিনে এ দেজর্ পাপ্‌‌‌‌‌‌‌পানি দূর গুরি দিম।‌‌‌‌

সখরিয় 3:9 Iomraidhean Croise

১ রাজাবলী 1:20

ও মর্‌ গিরোজ্‌ মহারাজ, বেক্‌ ইস্রায়েলর চোক্কুন্‌ তর্‌ উগুরে রোইয়্যে। তারা তত্তুন্‌ জানিবাত্তে চান্‌ তর্‌ পরেন্দি কন্না মর্‌ গিরোজ মহারাজর সিংহাসনত্‌ বুজিবো।

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

গীতসংহিতা 103:12

পোজিমেত্তুন্ ধুরি পূগেন্দি যেত্তমান্ দূরোত্, আমা বেক পাপ্পানি তে সেত্তমান্ দূরোত্ সোরেই দিয়্যে।

গীতসংহিতা 118:22

রাজমিস্ত্রিগুনে যে শিল্লো বাদ দি দুয়োন্ সিবে বেগত্তুন্ দরকারি শিল্ অলঅ;

যাত্রা 28:11

কালিগরুনে যেধোক্ক্যেন মংগা পাত্তরত্‌ খোদাই গুরিনে সীলমহর্‌ বানান্‌ ঠিগ্‌ সেধোক্ক্যেন গুরি সেই দ্বিবে পাত্তর উগুরে ইস্রায়েলর্‌ পূঅগুনোর্‌ নাঙানি লিগি রাগা পুরিবো। পাত্তর্‌ দ্বিবে সনার্‌ জালি উগুরে বোজেইনে এফোদ কলার ফিতেগান লগে বানি দিয়্যে পুরিবো। এই দ্বিবে পাত্তরে লগেপ্রভুর্‌ মুজুঙোত্‌ ইস্রায়েলীয়গুনোরে তুলি ধুরিবাক্। লগেপ্রভু যেনে তারা উগুরে খিয়েল রাগায়্‌ সেনত্যেই হারোণে এই নাঙানি লগেপ্রভুর্‌ মুজুঙোত্‌ তার্‌ দ্বিয়েন কানা উগুরে তুলিনে বুয়োই নেযেব।

যাত্রা 28:21

ইস্রায়েলর্‌ বারবো পূঅত্তে বেক্কুনে বারবো পাত্তর্‌ থেবাক্। সিগুনোর্‌ পত্তি বারবো গুট্টির্‌ এক্কান গুরি নাঙ্‌ খোদাই গোজ্যে থেবঅ‌, যেধোক্ক্যেন গুরি সীলমহর্‌ খোদাই গরা অয়।

যাত্রা 28:36

এক্কান খাটি সনার্‌ পাত বানেইনে সিয়েন উগুরে সীলমহর্‌ খোদাই গরেদে ধোক্ক্যেন গুরি এই কধানি লিগি নেযেবে; লগেপ্রভুর্‌ নাঙে যুদো গুরি রাগানা।

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

সখরিয় 3:4

সেই দূত্‌তো নিজো মুজুঙোত্ থিয়্যেই থেইয়্যে অন্য দূত্‌তুনোরে কলঅ, “তার কজরা কাবড়-চুগোরানি খুলি ফেলঅ।” সে পরেদি তে যিহোশূয়রে কলঅ, “চাহ্, মুই তঅ পাপ্পানি দূর্ গুরি দুয়োং‌‌ আর মুই তরে দোল্ কাবড়-চুগোর্ উরেম।”

সখরিয় 4:10

এদকদিন যে সামান্য কাম্ ওইয়্যে সিয়েন মান্‌‌‌জ্যে তুচ্ছো মনে গোজ্যন্। মাত্তর্ সরুব্বাবিল আঢত্ ওলনদড়িগান দেগিনে মানুচ্চুনে ফুত্তি গুরিবাক্।” সে পরেদি মুই শুনিলুং, “এই সাত্‌‌‌‌তো বাত্তি অলঅ লগেপ্রভুর চোগ্ যিগুনে পুরো দুনিয়েগান দেগন্।”

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

প্রেরিত্‌ 4:11

পবিত্র বোইয়োর্ কধা মজিম্ যীশু খ্রীষ্ট ‘সেই পাত্তর্‌বো, যিবেরে রাজ্ মিস্ত্রিগুনে, অত্তাৎ তুমি বাদ্ দুয়ো; আর সিবেয়ই বেক্কুনোত্তুন্ দরকারী পাত্তর্ ওই উদিলো।’

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

২ করিন্হীয় 1:22

অত্তাৎ তার্ নিজোর্ সোম্বোত্তি ইজেবে তে আমারে সীল্‌‌মহ্‌‌র গুরি থোইয়্যে; আর যিয়েনি আমারে দিবো তার্ পত্তম ভাগ্ ইজেবে তে আমা রিবেঙত্ পবিত্র আত্মারে দিয়্যে।

২ করিন্হীয় 3:3

তুমিই যে খ্রীষ্টর্ লেগা চিধি আর আমার্ কামর ফল সিয়েন গমেডালে দেগা যার্। এ চিধি কালিলোই লেগা ন-অয় বরং জেদা গোজেনর্ আত্মালোই লেগা ওইয়্যে। ইয়েন কনঅ পাত্তর্ আরুগ্ উগুরে লেগা ন-অয়, মান্‌জ্যর রিবেঙ উগুরে লেগা ওইয়্যে।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ইব্রীয় 7:27

অন্য দাঙর্ ধর্মগুরুগুনে যেধোক্ক্যেন পত্তমে নিজোর্ আর যেরেদি অন্যগুনোর্ পাপত্যে য়েমান উৎসর্ব গত্তাক্, সেধোক্ক্যেন গুরি এই ধর্মগুরুবোর সিয়েন গুরিবার দরকার ন-এলঅ, কিয়া তে উমরত্যে এক বার্ নিজোর্ জিংকানিগান উৎসর্ব গুরিনে সেই কামান থুম্ গোজ্জ্যে।

১ যোহন 2:2

আমা পাপ্পানি দূর্ গুরিবাত্যে খ্রীষ্ট তার্ নিজো জিংকানিগান্ উৎসর্ব গুরিনে গোজেনরে হুজি গোজ্জ্যে। বানা আমা পাপ্পানি নয়, মাত্তর্ বেক মানুচ্চুনোর পাপ্পানি দূর্ গুরিবাত্যে তে সিয়েন গোজ্জ্যে।

ফগদাং পেইয়্যে 5:6

চের্‌বো জেদা প্রাণী আর নেতাগুনো সংমধ্যে যে সিংহাসনান্ এলঅ সিয়েন উগুরে এক্কো ভেড়া-ছরে মুই থিয়্যেই থাগদে দেগিলুং। মর্ মনে অত্তে যেন সেই ভেড়া-ছবোরে মারে ফেলা ওইয়্যে। সেই ভেড়া-ছবোর্ সাত্‌টো শিং আর সাত্‌টো চোগ্ এলাক্। গোজেনর্ যে সাত্‌টান আত্মারে পিত্‌থিমীর বেক্‌ জাগানিত্ দিপাধা অয় এই চোগ্‌কুন এলাক্ সেই সাত্‌টান আত্মা।