সখরিয় 3:8 - Chakma Bible

⁸ ও দাঙর্ ধর্মগুরু যিহোশূয়, তুই শুন আর তঅ মুজুঙোত্ বৈই থেইয়্যে তর্ সমাজ্যে-ধর্মগুরুগুনে শুনোদোক্। মুই যে সেই চারাবোরে, অত্তাৎ মর্ চাগর্‌বোরে আনিবে এই ধর্মগুরুগুন অলাক্ তার চিহ্নো।

সখরিয় 3:8 Iomraidhean Croise

গীতসংহিতা 71:7

মরে চেইনে ভালোক্‌জনে আহ্ গুরি চেই থান্, মাত্তর্ তুই মর্ গভিন আশ্রয়।

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিশাইয় 20:3

সে পরেদি লগেপ্রভু কলঅ, “মঅ চাগর্ যিশাইয় যেধোক্ক্যেন গুরি মিসর আর কূশর বিরুদ্ধে এক্কান চিহ্নো আর আগাম্ লক্ষন ইজেবে তিন বজর সং লাংটা ওইনে সুদো টেঙোই ঘুরি বেড়য়্যে,

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিশাইয় 49:3

তে মরে কোইয়্যেদে, “ও ইস্রায়েল, তুই মর্ চাগর; মুই তঅ মাধ্যমে মর্ বাঈনী গরানা ফগদাং গুরিম।”

যিশাইয় 49:5

লগেপ্রভু তা চাগর্ অবাত্তে মরে পেদ ভিদিরে বানেয়্যে যেনে মুই যাকোবরে তাইদু ফিরেই নেযে পারং আর ইস্রায়েলরে তাইদু আনি পারং। মুই লগেপ্রভুর চোগেদি সর্মানিত আর মর্ গোজেনে মর্ বল্।

যিশাইয় 52:13

লগেপ্রভু কত্তে, “চাহ্, মঅ চাগর্‌বো সফল অবঅ। তারে অজলত্ তুলো অবঅ আর তে বাঈনী আর সন্মান পেবঅ। ‌‌

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিশাইয় 53:2

তে তা মুজুঙোত্ নরম চারা ধোক্ক্যেন, শুগুনো মাঢিত্ লাগেয়্যে গাজ ধোক্ক্যেন দাঙর্ অলঅ। তার এ ধোক্ক্যেন দোল্ বা সয়সাগজ্যে নেই যে, তান্দি আমি ফিরি চেই; তা চেঙারাগান এমন্ দোল্ নয় যে, আমারে আকর্ষন গুরি পারে।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

যিরমিয় 33:15

সে দিনুনোত্ আর সে সময়োত্ মুই দায়ূদোর বংশত্তুন্ এক্কো ভালেদির্ চারা উদিবাত্তে দিম্; যিবে ন্যায় আর গম্ তে দেজ ভিদিরে সিয়েনই গুরিবো।

যিহিষ্কেল 12:11

তুই তারারে কঅ, তুই তারা ইধু এক্কান চিহ্নো। তুই যেবাবোত্যে গুরিলে, তারা উগুরেয়ো সেবাবোত্যে গরা অবঅ। তারা বন্দী ওইনে দূরো দেজত্ যেবাক্।

যিহিষ্কেল 12:6

পযাপিরানি তারা চোগো মুজুঙোত্ কানাত্ তুলি নিবে আর আন্ধার ভিদিরে সিয়েনি নিগিলেবে। তঅ চোগ্‌কুন নাঢি রাগেবে যেনে তুই তঅ দেজর্ মাদিগান ন-দেগচ্, কিত্যে ইস্রায়েল জাদত্তে মুই তরে এক্কান চিহ্নো ধোক্ক্যেন গোজ্যং।”

যিহিষ্কেল 24:24

যিহিষ্কেলে তমা ইধু এক্কান চিহ্নো ধোক্ক্যেন অবঅ; তে যিয়েনি গোজ্যে তুমি ঠিগ্ সেবাবোত্যে গুরিবা। যেক্কে ইয়েনি ঘুদিবো সেক্কে তুমি হবর্ পেবা, মুয়ই প্রভু লগেপ্রভু।”

যিহিষ্কেল 34:29

মুই তারারে বোল্‌‌‌‌বোল্যে ভূই দিম; দেজ ভিদিরে তারা আর ভাদরাদত্ ন-পড়িবাক্ বা অন্য জাদ ইধু অসর্মান ন-অবাক্।

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

সখরিয় 6:12

তারে কঅ, বেগত্তুন্ খেমতাবলা লগেপ্রভু কত্তে, ইবে সেই মানুচ্চো, যিবের্ নাঙান্ চারাগাছ; তে নিজো জাগানত্তুন্ বাড়ি উদিবো আর লগেপ্রভুর ঘর বানেব।