সখরিয় 3:4 - Chakma Bible

⁴ সেই দূত্‌তো নিজো মুজুঙোত্ থিয়্যেই থেইয়্যে অন্য দূত্‌তুনোরে কলঅ, “তার কজরা কাবড়-চুগোরানি খুলি ফেলঅ।” সে পরেদি তে যিহোশূয়রে কলঅ, “চাহ্, মুই তঅ পাপ্পানি দূর্ গুরি দুয়োং‌‌ আর মুই তরে দোল্ কাবড়-চুগোর্ উরেম।”

সখরিয় 3:4 Iomraidhean Croise

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

১ রাজাবলী 22:19

মীখায় কুয়ো ধুরিলো, “সালে তুই লগেপ্রভুর কধা শুন্‌। মুই চেলুং, লগেপ্রভু তার্‌ সিংহাসনত্‌ বোই আঘে আর তা ডেনে আর বাঙেন্দি বেক্‌ স্বর্গদূত্তুনে আগন্‌।

গীতসংহিতা 51:9

তুই মর্ পাপ্পানির ইন্দি ন-চেজ্; মর্ বেক্ অন্যেয়ানি তুই খেমা গর্।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিরমিয় 52:33

যিহোয়াখীনে জেলখানার কাবড়্-চুগোরানি খুলি ফেলেল আর জিংকানির্ বাদবাগি দিনুন্ দোলেডালে রাজা সমারে হানা-দানা গুরিনে কাদেই দিলো।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

যিহিষ্কেল 42:14

ধর্মগুরুগুনে সেবা-কামত্তে উবোসনা-ঘরত্ যে কাবড়ানি পিনিনে সোমেবাক্ সিয়েনি এ বিল্ডিং দ্বিয়েনত্ খুলিবাক্ আর সে পরেদি বারেদি উদোনত্ যেই পারিবাক্, কিত্যে সিয়েনি সুদ্ধো-সাংগ পোজাক্। সাধারণ মানুচ্চুনো জাগাত্ যেবার আগেদি তারাত্তুন্ অন্য কাবড় পিনে পড়িবো।”

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

মীখা 7:19

তুই আরঅ আমা উগুরে মেয়্যে গুরিবে; তুই আমা বেক্ পাপ্‌পানি টেঙোই উড়িবে আর আমা বেক্ অন্যেয়ানি সাগর গভীন পানিত্ ফেলেই দিবে।

সখরিয় 3:1

পরেদি সেই স্বর্গদূত্‌‌‌‌তো মরে দেগেল দাঙর্ ধর্মগুরু যিহোশূয় লগেপ্রভুর দূত্‌‌‌‌তো মুজুঙোত্ থিয়্যেই আঘে আর তারে দুষ্ দিবাত্তে শদানে তা ডেনেদি থিয়্যেই আঘে।

সখরিয় 3:7

“বেগত্তুন খেমতাবলা লগেপ্রভু তরে কত্তে, ‘তুই যুনি মঅ পধেদি চলচ্ আর মর্ সেবা-কাম গরচ্ সালে তুই মঅ ঘরর্ বেক্কানি পরিচালনা গুরিবে আর মর্ উদোনর্ চেইচিদিবার ভারান্ পেবে, আর যিগুনে ইয়েনত্ থিয়্যেই আগন্ মুই তারা ধোক্ক্যেন মঅ মুজুঙোত্ এবার অধিকারান্ তরে দিম।

সখরিয় 3:9

ও যিহোশূয়, মুই তঅ মুজুঙোত্ এক্কো পাত্তর্ থোইয়োং। সেই পাত্তর্‌‌‌‌‌‌বো উগুরে সাত্‌তো চোগ্ আগন, আর তা উগুরে মুই এক্কান কধা খোদাই গুরিম আর মুই এক দিনে এ দেজর্ পাপ্‌‌‌‌‌‌‌পানি দূর গুরি দিম।‌‌‌‌

মথি লেখ্যে গম্ হবর্ 22:11

“ইয়েনর্ পরেদি রাজা গর্বাগুনোরে চেবাত্তে ভিদিরে এইনে চেলঅ,

লূকে লেখ্যে গম্ হবর্ 1:19

স্বর্গদূত্তো তারে কলঅ, “মঅ নাঙান্ গাব্রিয়েল; মুই গোজেন মুজুঙোত্ থিয়্যেই থাং। তঅ লগে কধা কবাত্তে আর তরে এ গম্ হবরান্ দিবাত্তে গোজেনে মরে পাধেয়্যে।

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

ইব্রীয় 8:12

সেনত্যে মুই তারার্ অন্যেয়ানি ক্ষেমা গুরিম, তারার্ পাপ্‌‌পানি আর কনদিনঅ মনত্ ন-রাগেম।”

ফগদাং পেইয়্যে 5:11

যেরেদি মুই দেগিলুং; আর মুই সেই সিংহাসন, জেদা প্রাণী আর নেতাগুনোর চেরোকিত্যে ভালোক্কুন স্বর্গদূতোর্ রঅ শুনিলুং। সেই স্বর্গদূত্‌তুনে এলাক্ জনেদি আজার আজার, কোটি কোটি।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।