সখরিয় 3:10 - Chakma Bible

¹⁰ সেদিন্যে তুমি পত্তিজনে তমার্ আংগুর লুদি আর ডোমোর্ গাজ তলাত্ বুজিবাত্তে তমা পাড়াল্যেগুনোরে ভাত্ত্যেবা। মুই বেগত্তুন খেমতাবলা লগেপ্রভু এ কধাগান কঙর্।’ ”

সখরিয় 3:10 Iomraidhean Croise

১ রাজাবলী 4:25

শলোমনর্ জীংকানিত্‌ যিহূদা আর ইস্রায়েল, অত্তাৎ দানত্তুন্‌ বের্‌-শেবা সং বেক্কুনোর নিজোর নিজোর আংগুর গাছ আর ডোমোর গাজ্‌ এলাক্‌ আর তারা দোলেডালে বজত্তি গুরিদাক্।

১ রাজাবলী 5:5

সেনত্তে মুই মঅ গোজেন লগেপ্রভুর নাঙে এক্কান তবনা-ঘর বানেবাত্তে চাং। লগেপ্রভু মঅ বাপ্পো দায়ূদোরে কোইয়্যেদে, তর্‌ যে পূঅবো মুই সিংহাসনত্‌ তঅ জাগানত্‌ বোজেম্‌ তেয়ই মর্‌ নাঙে তবনা-ঘর বানেব।

যিশাইয় 32:18

মঅ মানুচ্চুনে সুগে-শান্দিয়্যে থেবার জাগানত্, গমেডালে ঘর-বাড়ি আর যাগুলুক্ নেইয়্যে জিরেবার্ জাগানত্ বজত্তি গুরিবাক্।

যিশাইয় 36:16

তুমি হিষ্কিয়োর কধা ন-শুন্ন্য। আসিরিয়ার রাজা কোইয়্যেদে, তুমি মঅ লগে মিলো আর নিগিলিনে মইদু এজঅ। সালে তুমি পত্তিজনে তার নিজোর্ আংগুর আর ডোমোর্ গাজত্তুন্ ফল আর নিজোর কূয়োত্তুন্ পানি হেই পারিবা।

যিরমিয় 32:15

কিত্তে এ দেজত্ ঘর-বাড়ি, জাগা-জোমিন আর আংগুর খেত্ আরঅ বেজা-কিনে চলিবো। মুই ইস্রায়েলর গোজেন বেগত্তুন্ খেমতাবলা লগেপ্রভু এ কধাগান কঙর্।

হোশেয় 2:18

সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

মীখা 4:4

পত্তিজনে নিজোর্ নিজোর্ আংগুর লুদি আর ডোমোর্ গাজ তলে বুজিবাক্ আর কনজনে তারারে দর্‌‌‌‌বুক ন-লাগেবাক্, কারন বেগত্তুন্ খেমতাবলা লগেপ্রভু সে কধাগান কোইয়্যেদে।

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।