সখরিয় 3:1 - Chakma Bible

¹ পরেদি সেই স্বর্গদূত্‌‌‌‌তো মরে দেগেল দাঙর্ ধর্মগুরু যিহোশূয় লগেপ্রভুর দূত্‌‌‌‌তো মুজুঙোত্ থিয়্যেই আঘে আর তারে দুষ্ দিবাত্তে শদানে তা ডেনেদি থিয়্যেই আঘে।

সখরিয় 3:1 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

১ বংশধর 21:1

শতান্‌নো এবেরা ইস্রায়েল বিরুদ্ধে লাগিলো। ইস্রায়েল জাদ মানুচ্চুনোরে গুণিবাত্তে তে দায়ূদো মনত্‌ আওজ্ জাগেল।

২ বংশধর 29:11

ও মর্‌ পুয়োগুন্‌, তুমি ইক্কিনে আর বোই ন-থেবা, কিত্তে লগেপ্রভুর মুজুঙোত্‌ থিয়্যেই থাগদে আর তার্‌ সেবাগুরিয়্যে ইজেবে তার্‌ কাম্‌ গুরিবাত্তে আর আগর্‌বাট্টি জ্বালেবাত্তে তে তমারে বেঈ লোইয়্যে।”

ইষ্রা 10:18

যিগুনে অন্য জাদর্ মিলেগুনোরে লোইয়োন তারার্ নাঙানি ইয়েনি: ধর্মগুরুগুনো ভিদিরে যোষাদকর পুয়ো যেশূয়র আর তা ভেইয়ুনোর্ বংশধরুনো ভিদিরে মাসেয়, ইলীয়েষর, যারিব আর গদলিয়।

ইষ্রা 2:2

এই মানুচ্চুনে সরুব্বাবিল, যেশূয়, নহিমিয়, সরায়, রিয়েলায়, মর্দখয়, বিল্‌‌‌‌শন, মিসপর, বিগ্‌‌‌‌বয়, রহূম আর বানার সমারে ফিরি এচ্চ্যন। যিদুক্কুন ইস্রায়েলীয় মরদ্ ফিরি এচ্চ্যন্ তারার্ সোংখ্যেগুন এই:

ইষ্রা 5:2

সেক্কে শল্টীয়েলর পুয়ো সরুব্বাবিল আর যোষাদকর পুয়ো যেশূয় যিরূশালেমত্ গোজেনর্ ঘরান আরঅ বানেবাত্যে আঢ্ দিলাক। গোজেনর্ ভাববাদীগুনেয়ো তারারে সাহায্য গরা ধুরিলাক।

গীতসংহিতা 106:23

সেনত্তে গোজেনে কলঅ তারারে দুনিয়েত্তুন উদেই দিম্; তে সিয়েনোই গুরিদো মাত্তর্ তার বেঈ লোইয়্যে মানুচ্ মোশি তারে মানা গুরিলো, তে যেন তারারে শেজ্ গরানার আদত্তুন্ রাগ্‌কান ফিরেই পারে।

গীতসংহিতা 109:6

তুই তারা উগুরে পাজি বিচেরক্ নেযা; যিগুনে তারারে দুষি গুরিবাক্ সিগুনে তারার ডেন্ ঢাগেন্দি থিয়্যেদোক্।

যিরমিয় 15:19

সেক্কে লগেপ্রভু কলঅ, “তুই যুনি মনান্ ফিরাজ সালে মুই তরে আগ অবস্থাত্ ফিরেই আনিম যেনে তুই মরে সেবা গুরি পারচ্; যুনি তুই বাজে কধা ন-কোইনে মূল্যবান কধা কচ্ সালে তুই মর্ মুয়োন ওইনে কধা কবে। এ মানুচ্চুনে তন্দি ফিরোদোক্, মাত্তর্ তুই তারা ইন্দি ন-ফিরিবে।

যিহিষ্কেল 44:11

তো উবোসনা-ঘরর্ গেট্টুন্ রোক্ষ্যে গুরিবার ভারান্ পেইনে আর সিয়েনত্ কাম গুরিনে তারা মঅ ঘরর্ সেবা-কাম গুরি পারিবাক্। তারা পূজ্যে-উৎসর্বর য়েমান কাবি পারিবাক্ আর মানুচ্চুনোত্তে উৎসর্বর অনুষ্ঠান গুরি পারিবাক্ আর মানুচ্চুনোরে সেবা গুরিবাত্তে তারা মুজুঙোত্ থিয়্যেই পারিবাক্।

যিহিষ্কেল 44:15

মাত্তর্ ইস্রায়েলীয়গুনে যেক্কে মত্তুন্ ভান্ন্যেই পধেদি যেইয়োন্ সেক্কে সাদোক বংশর্ যে লেবীয়গুনে ধর্মগুরু ইজেবে মঅ ঘরত্ বিশ্বেজ্ গুরিনে তারার্ কামানি গোজ্যন্ তারা মর্ সেবা-কাম্ গুরিবাত্তে মইধু এই পারিবাক্; তারা তেল্ আর লো উৎসর্ব গুরিবাত্তে মঅ মুজুঙোত্ থিয়্যেই পারিবাক্। মুই প্রভু লগেপ্রভু এ কধাগান কঙর্।

হগয় 1:1

রাজা দারিয়াবসর রাজাগিরির দ্বিবজরত্ শল্টীয়েলর পুয়ো সরুব্বাবিলে এলদে যিহূদার শাজন্‌ গুরিয়্যে আর যিহোষাদকর পুয়ো যিহোশূয় এলদে দাঙর্ ধর্মগুরু। সেই বজরর্ ছয় মাসর পত্তম দিনোত্ লগেপ্রভু ভাববাদী হগয়রে দিইনে তারারে কলঅ,

হগয় 1:12

সেক্কে শল্টীয়েলর পুয়ো সরুব্বাবিল, যিহোষাদকর পুয়ো ধর্মগুরু যিহোশূয় আর অন্য বেক্ মানুচ্চুনে তারার্ গোজেন লগেপ্রভুর কধা মজিম আর তার পাদেয়্যে ভাববাদী হগয়র কধা মজিম কাম গুরিলাক্, কিত্যে তারা লগেপ্রভুরে দোরেলাক্।

হগয় 2:4

সে পরেদি তুই তারারে কবে, লগেপ্রভু কোইয়্যেদে, ও সরুব্বাবিল, তুই সাহস গর্; ও দাঙর্ ধর্মগুরু যিহোশূয়, সাহস গর্; ও দেজর্ বেক মানুচ্চুন্, তুমি সাহস গরঅ আর কাম্ গরঅ; কিত্যে মুই বেগত্তুন্ খেমতাবলা লগেপ্রভু তমা লগে লগে আগং।

সখরিয় 1:13

সেক্কে যে স্বর্গদূত্‌‌‌‌তো মঅ সমারে কধা কোইয়্যে লগেপ্রভু তারে বোউত্ ভালেদির আর সান্তনার কধা কলঅ।

সখরিয় 1:19

যে স্বর্গদুত্‌‌তো মঅ লগে কধা কোইয়্যে মুই তারে পুযোর্ গুরিলুং, “ইগুন কি?” জোবত্ তে মরে কলঅ, “ইগুন সেই শিং যিগুন যিহূদা, ইস্রায়েল আর যিরূশালেমর মানুচ্চুনোরে নানান্ জাগাত্ ছিদি দিয়্যে।”

সখরিয় 1:9

মুই পুযোর্ গুরিলুং, “ও মর্ প্রভু, ইয়েনি কি?” আর এক্কো স্বর্গদূত যিবে মঅ লগে কধা কোইয়্যে জোবত্ তে কোইয়্যেদে, “সিগুন কি মুই তরে দেগেম।”

সখরিয় 2:3

যে স্বর্গদূত্‌তো আগে মঅ লগে কধা কোইয়্যে তে যার্, এমন সময়োত্ আর এক্কো স্বর্গদূত তা লগে দেগা গুরিবাত্তে এলঅ।‌‌‌‌‌

সখরিয় 3:8

ও দাঙর্ ধর্মগুরু যিহোশূয়, তুই শুন আর তঅ মুজুঙোত্ বৈই থেইয়্যে তর্ সমাজ্যে-ধর্মগুরুগুনে শুনোদোক্। মুই যে সেই চারাবোরে, অত্তাৎ মর্ চাগর্‌বোরে আনিবে এই ধর্মগুরুগুন অলাক্ তার চিহ্নো।

সখরিয় 4:14

সেক্কে তে কলঅ, “সেই দ্বিবে অলঅ সেই দ্বিজন যিগুনে পুরো দুনিয়েগান প্রভুর সেবা গুরিবাত্তে অভিষিক্ত ওইয়োন।” ‌‌

সখরিয় 6:11

সে পরেদি তুই সেই সোনা আর রূবোলোই এক্কো মুকুট বানা আর সিবে যিহোষাদকর পুয়ো ধর্মগুরু যিহোশূয়র মাঢাত্ পিনেই দেগোই।

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

লূকে লেখ্যে গম্ হবর্ 22:31

“শিমোন, শিমোন, চাহ্, শদানে তমারে গম ধোক্ক্যেন্ গুরি চালোন্দোই ঝারি চেবাত্যে অনুমতি চেইয়্যে।

দ্বি’লম্বর বিররণ 10:8

সে অক্তত্‌ লগেপ্রভু তার বেবস্থা-সুন্দুক্কো বুয়োই নেযেবাত্তে আর সেবা কামর্‌ নাঙে তা মুজুঙোত্‌ থিয়্যেবাত্তে আর তা নাঙে আশিদ্‌বাদ্ ফগদাং গুরিবাত্তে লেবীয়গুনোরে বেঈ লোইয়্যে। এ বেক্‌ কামানি তারা এজঅ গত্তন্‌।

দ্বি’লম্বর বিররণ 18:15

তমার গোজেন লগেপ্রভু তমার ইস্রায়েলীয় ভেইয়ুনো ভিদিরেত্তুন তমাত্তে মঅ ধোক্ক্যেন এক্কো ভাববাদী যুক্কোল্‌ গুরিবো। তার কধামঝিম তমাত্তুন চলা পুরিবো।

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।

১ শমূয়েল 6:20

তারা কলাক্, “এই পবিত্র গোজেন লগেপ্রভুর মুজুঙোত্‌ কন্না টিগিই থেই পারিবো? ইয়োত্তুন ইক্কিনে তারে কাইদু পাদা যায়?”