সখরিয় 2:6 - Chakma Bible

⁶ লগেপ্রভু কত্তে, “শুনো, শুনো। মুই দঅ চেরোকিত্তে তমারে ছিদি দুয়োং, মাত্তর্ ইক্কিনে তুমি উত্তোরে দেজত্তুন্ ধেই এজঅ।

সখরিয় 2:6 Iomraidhean Croise

পত্থম 19:17

বেক্কুনোরে নিগিলে আনানার্‌ পরেদি সে দ্বিজনত্তুন্‌ একজনে কলঅ, “বাঁজিবার্‌ চেলে ধেই যঅ। পিজেন্দি ন-চেবা আর এ সংজাগানর্‌ কনঅ জাগাত্‌ ন থামেবা। মুড়ো উগুরে ধেই যঅ; সিয়েন্‌ ন-গুরিলে তমাত্তুনো মরা পুড়িবো।”

গীতসংহিতা 44:2

তুই নিজোর আঢে অন্য জাদ্‌‌তুনোরে ধাবেই দিইনে সেই জাগানত্ আমা পুরোণি মানুচ্চুনোরে বোজেয়োচ্; তুই সেই মানুচ্চুনো উগুরে দজা আন্যচ্ আর আমা পুরোণিমানুচ্চুনোরে দাঙর্ অবাত্তে দুয়োচ্।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিরমিয় 1:14

লগেপ্রভু মরে কলদে, “এ দেজত্ যিগুনে বজত্তি গরন তারার বেক্কুনো উগুরে উত্তোরেত্তুন দজার্ বান পানি ধোক্ক্যেন উজেই এবঅ।

যিরমিয় 15:4

যিহূদার রাজা হিষ্কিয়র পুয়ো মনঃশি যিরূশালেমত্ যিয়েনি গোজ্যে সিয়েনিত্তে মুই যে সাজা দিম্ সিয়েন দেগিনে পিত্‌থিমীর বেক রেজ্যর মানুচ্চুনে দোরেবাক্।‍

যিরমিয় 3:18

সে অক্তত্ যিহূদার মানুচ্চুনে ইস্রায়েল মানুচ্চুনো সমারে মিলিবাক্ আর মুই যে দেজ্‌‌‌চান অধিকার ইজেবে তমা পুরোণি মানুচ্চুনোরে দুয়োং সেই দেজত্ তারা এক সমারে উত্তোরেদি দেজত্তুন্ ফিরি এবাক্।‌‌‌

যিরমিয় 31:10

“ও জাদ্‌তুন, মঅ কধানি শুনো; তুমি দূরোর দেজ্‌ছানিত এ কধাগান ফগদাং গরঅ, ‘যিবে ইস্রায়েলরে ছিদি দিয়্যে তে তারারে তুবেব আর গরগ ধোক্ক্যেন গুরি তা পাল্লো রোক্ষ্যে গুরিবো।’‌‌‌‍‌‌‌‍

যিরমিয় 31:38

লগেপ্রভু কোইয়্যেদে, “সে অক্তবো এজের্ যেক্কে মত্তে হননেল-ঘরানত্তুন্ কোণাবোর গেট্‌‍‍‍‍‍‍‍‍‍‍‍‍টো সং এ শঅরান আরঅ বানা অবঅ।‍

যিরমিয় 31:8

চঅ, মুই উত্তরর্ দেজত্তুন ইস্রায়েলীয়গুনোরে আনিম আর পিত্‌থিমীর শেজ্ দুযিত্তুন তারারে তুবেম্। তারা ভিদিরে থেবাক কান্, আদুড়্, পিদিলী মা আর পুয়ো পুদোবার্ পিড়ে উঠ্যে মিলে; দাঙর্ এক্কো দল ফিরি এবঅ।‌‌‌

যিরমিয় 50:8

ও ইস্রায়েলীয়গুন, তুমি বাবিলত্তুন্ ধেই যঅ; বাবিলীয়গুন দেজ্‌‌‍চান ছাড়ি যঅ আর পাল আগে আগে যেইয়্যে পাদাগুনো ধোক্ক্যেন্ অ।

যিরমিয় 51:45

ও মর্ মানুচ্চুন্, বাবিল ভিদিরেত্তুন্ নিগিলি এজঅ। তুমি পত্তিজনে নিজো জিংকানিগানি রোক্ষ্যে গরঅ। লগেপ্রভুর জ্বোল্‌‌‌‌‌‌‌‌‌জল্যে রাগত্তুন্ দাবা যেইনে ধেই যঅ।

যিরমিয় 51:50

তুমি যিগুনে মরণর্ আঢত্তুন্ রোক্ষ্যে পেইয়ো তুমি আঢি এজঅ, দেরি ন-গোজ্য। দূর দেজত্ থেবার অক্তত্ লগেপ্রভুরে ইদোত্ তুলো আর যিরূশালেম পৌইদ্যেনে চিদে গরঅ।

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

যিহিষ্কেল 11:16

সেনত্তে মুই প্রভু লগেপ্রভু যিয়েনি কঙর্ সিয়েনি তুই তঅ মানুচ্চুনোরে কঅ, মুই যুনিয়ো অন্য জাদ ভিদিরে তারারে পাধেই দুয়োং আর নানান্ দেজত্ ছিদি দুয়োং তো যেদক্কানি দেজত্ তারা যেইয়োন সিয়েনিত্‌অ এই কয়েক দিনোত্তে মুয়ই তারার্ সুদ্ধো-সাংগ জাগা ওইয়োং।

যিহিষ্কেল 17:21

তার সেরা সৈন্যগুনে যুদ্ধোত্ মুরি যেবাক্ আর বাদবাগি সৈন্যগুনে চেরোকিত্তে ছিদি পড়িবাক্। সেক্কে তুমি হবর্ পেবা যে, মুই লগেপ্রভু এ কধাগান কোইয়োং।’”

যিহিষ্কেল 5:10

সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

দানিয়েল 11:4

তে উদিবার পরেদি তা রেজ্যগান ভাঙিনে চেরোকিত্তেদি চের্‌‌ভাগ ওই যেবঅ। তা রেজ্যগান তা বংশধরুনো আঢত্ ন-যেবঅ; সেই রেজ্যগান যিগুনো আঢত্ যেবঅ আগ রাজাগুনো ধোক্ক্যেন তারার্ খেমতা ন-থেবঅ, কিত্যে তারার্ রেজ্যগান ভস্ত ওইনে অন্যগুনো আঢত্ যেবঅ।

আমোষ 9:9

মুই উগুম দিম, আর চালোনত্ যেবাবোত্যেগুরি শোজ্য ঝারন্ সেবাবোত্যেগুরি বেক্ জাদ ভিদিরে মুই ইস্রায়েলর বংশবোরে ঝারিম, মাত্তর্ বিজিও মাদিত্ ন-পড়িবাক্।

সখরিয় 1:16

সেনত্তে মুই যিরূশালেমানরে মেয়্যে গুরিবাত্তে ফিরি এইম্। সিয়েনত্ মঅ ঘরান আরঅ বানা অবঅ আর যিরূশালেম শঅরানরে মাবিনে আরঅ বানা অবঅ।

সখরিয় 2:7

ও সিয়োনর্ মানুচ্চুন, তুমি যিগুনে বাবিলোত্ বজত্তি গরর্, তুমি ধেই এজঅ।”

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

মার্ক 13:27

তে তার দূত্‌‌তুনোরে পাধেইনে পিত্‌‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ গোজেনর্ বেক্ বেঈ লোইয়্যে মানুচ্চুনোরে এক সমারে থুবেবাক্।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।

রূত 4:1

বোয়সে আদামর্ গেদোত্‌ যেইনে বুঝিলো। কাম ভারান্ লোইয়্যে যে কুদুম্মোবোর কধা বোয়সে কোইয়্যে তে সেক্কে সে পদেন্দি যার্‌। বোয়সে তারে ডাগিনে কলঅ, “ও ভেই, ইদু এইনে এক্কা বচ্ছি।” মানুচ্চো সেক্কে সিয়েনত্‌ যেইনে বজিলো।