সখরিয় 2:12 - Chakma Bible

¹² সুদ্ধো-সাংগ দেজত্ তার সোম্বোত্তি ইজেবে লগেপ্রভু যিহূদা দেজ্‌‌‌চান গজক্ গুরিবো আর যিরূশালেমানরে আরঅ বেঈ নেযেব।

সখরিয় 2:12 Iomraidhean Croise

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

ইষ্টের 6:13

তা উগুরে যিয়েনি ঘোট্যে সিয়েনি বেক্কানি তা মোক্কো সেরশরে আর তা বেক্‌ সমাজ্যেগুনোরে কলঅ। হামনর সেই সল্লাদিয়্যেগুনে আর তা মোক্কো সেরশে তারে কলঅ, “যিবে মুজুঙোত্‌ তর্‌ এই অধপতন্‌ আরাম্ভ ওইয়্যে সেই মর্দখয়ে যুনি যিহূদী বংশর মানুচ্‌ অয় সালে তার্‌ বিরুদ্ধে তুই থিয়্যেই ন-পারিবে, হামাক্কাই তুই ভস্ত ওই যেবে।”

গীতসংহিতা 105:15

কদঅ, “মর্ অভিষেগ্ গোজ্যে মানুচ্চুনোরে ন-ধুরিবা; মঅ ভাববাদিগুনোরে কনঅ খেতি ন-গুরিবা।”

গীতসংহিতা 132:13

লগেপ্রভু সিয়োনানরে বেঈ লোইয়্যে; তাহ্ থেবার জাগানত্তে ইয়েনই তে চেইয়্যে।

গীতসংহিতা 132:14

তে কোইয়্যেদে, “ইয়েনই মর্ জনমত্তে জিরেবার জাগা; মুই ইয়োদোই বজত্তি গুরিম, কিত্তে মুই সিয়েনই চেয়োং।

গীতসংহিতা 135:4

লগেপ্রভু যাকোবরে তার নিজোত্তে, ইস্রায়েলরে তার নিজোর সোম্বোত্তি অবাত্তে বেঈ লোইয়্যে।

গীতসংহিতা 33:12

বর্‌পেইয়্যে সেই জাদ্‌তো, যিগুনোর গোজেন লগেপ্রভু; সে মানুচ্চুনে বর্‌পেইয়্যে, যিগুনোরে তে নিজোর সোম্বোত্তি ইজেবে বেঈ নেযেয়্যে।

গীতসংহিতা 82:8

ও গোজেন, তুই উঠ্, পিত্‌থিমীগানর্ বিচের গর্, কিত্তেই বেক জাদ্‌তুনে তঅ অধিকারত্ আগন্।

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 17:14

সাজোন্যে অক্তত্ তারা অমকদ দোরেবাক্ আর বেন্যে পহ্‌‍‍‍র অবার্ আগেদি শেজ্ ওই যেবাক্। আমা লুদেয়্যেগুনোত্তে ইয়েন আঘে; ইয়েনই আমার লুদেয়্যেগুনোর ভাগ্য।

যিশাইয় 41:9

মুই তরে পিত্‌থিমীর শেজ্ ধুজিত্তুন্ আন্যং, তরে বেগ দূরো জাগাত্তুন্ ডাগি আন্যং। মুই কোইয়োঙে, তুই মর্ চাগর্; মুই তরে বেঈ লোইয়োং, এলাফেলা ন-গরং।‌

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 30:16

“মাত্তর্ যিগুনে তরে শেজ্ গুরি দেদন্ তারারে বেক্কুনোরে শেজ্ গুরি ফেলা অবঅ; তর্ বেক শত্রুগুনে বন্দীদজাত্ যেবাক্। যিগুনে তরে লুদেয়োন তারারেয়ো লুদো অবঅ; যিগুনে তঅ জিনিস্‌চানি কাড়ি নেযাদন্ মুই তারা জিনিস্‌‌‌‌‌চানিয়ো কাড়ি নিবাত্তে দিম। মান্‌‌‌‌‌জ্যে তরে কবাক্, ‘ইয়েন সেই দূর্ গুরি দিয়্যে সিয়োনান যিয়েনরে কনজনে ন-তগান্, ‌

যিরমিয় 51:19

যিবে যাকোবর্ পাওনা ভাগ্ তে ইগুনো ধোক্ক্যেন নয়, কিত্তে তেয়ই বেক্ জিনিস্‌‌‌‌‌‌‌‌‌‌চানির সিরিস্‌‌‌‌‌‌‌‌‌‌টিগুরিয়্যে আর ইস্রায়েল তার বিশেষ সোম্বোত্তি। তা নাঙান্ বেগত্তুন্ খেমতাবলা লগেপ্রভু।

সখরিয় 1:17

মুই বেগত্তুন খেমতাবলা লগেপ্রভু এ এগেমান্ গরঙর্, মর্ শঅরানিত্ আরঅ ভালেদি উগুরি পড়িবো আর মুই আরঅ সিয়োনানরে সান্ত্বনা দিম আহ্ আরঅ যিরূশালেমানরে বেঈ নেযেম।’ ”

সখরিয় 3:2

লগেপ্রভু শদান্নোরে কলঅ, “শদান, লগেপ্রভু তরে মানা গোরোক্। যিরূশালেমানরে যিবে বেঈ নেযেয়্যে তে তরে মানা গোরোক্। এই মানুচ্চো কি আগুনোত্তুন্ নিগিলেই আন্যে তক্তা নয়?”

দ্বি’লম্বর বিররণ 32:10

তে তারে এক ধূল্যেচর-চাগালাত্‌ পেলঅ, পেলঅ গুজুরোনিলোই ভরা এক মানুচ্‌ নেইয়্যে জাগাত্‌। তে তারে ঘিরি রাগেল, যত্তন্‌ গুরিলো; তারে চোগো মানেগ ধোক্ক্যেন গুরি চুগি দিইনে রাগেল,

দ্বি’লম্বর বিররণ 32:9

লগেপ্রভুর পাওনা ভাগই অলঅ তার মানুচ্চুন; যাকোব, অয়, ইস্রায়েল জাদ্‌তো অলঅ তার পাওনা সোম্বোত্তি।