সখরিয় 14:9 - Chakma Bible

⁹ লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

সখরিয় 14:9 Iomraidhean Croise

পত্থম 49:10

যেদকদিন সং শীলো ন-লুমেগি আর বেক্‌ জাদতুনে তা উগুমানি মানি চলন, সেদক্‌দিন সং দাঙর সাজা-যিহূদা বংশত্‌ থেবঅ; আর তা দ্বিবে আদু সংমোধ্যে থেবঅ বিচের লুদিক্‌।

গীতসংহিতা 67:4

জাদ্‌তুনে হুজি ওদোক্ আর হুজির-গীদ্ গাদোক্, কিত্তেই তুই গমেডালে জাদ্‌তুনোর বিচের গুরিবে আর এ পিত্‌থিমীত বেক জাদ্‌তুনোরে পরিচালনা গুরিবে।

গীতসংহিতা 72:17

তার সুনাঙান জিংকানিবর থিদেবর্ ওক্; বেলানে যেদকদিন পহর্ দিবো সেদকদিন তার সুনাঙান্ অদে অদে থোক্। তা মাধ্যমে যেন বেক জাদ্‌তুনে আশিদ্‌বাদ পান; তারা তারে ভালেদি জানাদোক্।

গীতসংহিতা 86:9

ও প্রভু, তর্ বানেয়্যে বেক জাদ্‌তুনে এইনে তঅ মুজুঙোত্ জু জু জানেইনে মাঢা নিগিরিবো; তারা তর্ গুনগান গুরিবাক্।

গীতসংহিতা 97:1

লগেপ্রভুই রাজা, পিত্‌থিমীগানে ফুত্তি গোরোক্, দূরোর গূণি ন-পুরেইয়্যে থল্ মুড়োগুনে হুজি ওক্।

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

যিশাইয় 54:5

তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

দানিয়েল 7:27

সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

আমোষ 9:12

যেনে ইস্রায়েলীয়গুনে ইদোমর্ বাদবাগী ভাগ্‌‌‌কান আর মর্ অন্য বেক জাদ্‌‌‌তুনোর্ দেজ্‌‌‌চানি গজক্ গুরি পারন।‌‌‌‌‌‌‌‌‌‌‌” লগেপ্রভু, যিবে এই বেক্ কামানি গরে, তে এ কধানি কোইয়্যেদে।

ওবদিয় 1:21

শাজন্‌‌গুরিয়্যেগুনে সিয়োন মুড়োবোত্তুন্ এষৌর মুড়োগুনো মানুচ্চুনোরে শাজন্‌‌ গুরিবাক, আর লগেপ্রভু রাজাগিরি গুরিবো।

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

হবক্‌‌‌‌কূক 2:14

সাগরান্ যেবাবোত্যে পানিলোই ভরা থায় সেবাবোত্যেগুরি পিত্‌‌‌‌থিমীগান লগেপ্রভুর মহিমার জ্ঞানে ভর্‌‌‌পুনোং অবঅ।

সফনিয় 3:9

সে পরেদি মুই জাদ্‌‌‌‌‌তুনোর মুয়োনি সিজি গুরিম যেনে তারা বেক্কুনে মরে উবোসনা গুরি পারন আর কানায় কানায় মিলিনে মরে সেবা গুরি পারন।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

দ্বি’লম্বর বিররণ 6:4

ইস্রায়েলীয়গুন, শুনো, আমার গোজেন লগেপ্রভু এক্কো।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

১ শমূয়েল 2:10

লগেপ্রভুর শত্রুগুনে ভস্ত ওই যেবাক্, তে আগাজত্‌ তারার বিরুদ্ধে গুজুরিবো; পিত্‌থিমীর থুম দুঝি সং তে মানুচ্চুনোর বিচের্‌ গুরিবো। তে তার রাজাবোরে বল্‌ দিবো আর তার বর্‌ দিয়্যে মানুচ্চুনোরে ঝিদেই দিবো।”