সখরিয় 14:5 - Chakma Bible

⁵ তুমি মুড়োবোর্ সেই কলগদি ধেই যেবা, কিত্যে সেই কলগ্‌কান আৎসল সং লুমিবো। যিহূদার রাজা উষিয়োর রাজাগিরির্ সময়োত্ ভূজোলত্ যেবাবোত্যেগুরি তুমি ধেই যেইয়ো সেবাবোত্যেগুরি ধেই যেবা। সে পরেদি মর্ গোজেন লগেপ্রভু তার্ বেক সুদ্ধো-সাংগ মানুচ্চুনোরে সমারে নিইনে এবঅ।

সখরিয় 14:5 Iomraidhean Croise

গীতসংহিতা 96:13

তারা লগেপ্রভুর মুজুঙোত্ গীদ্ গেবাক্, কিত্তে তে এজের্। তে দুনিয়েগানর বিচের গুরিবাত্তে এজের্। তে গমেডালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো বিশ্বেজ্ গুরিনে।

গীতসংহিতা 98:9

লগেপ্রভুর মুজুঙোত্ তারা সিয়েন গোরোদোক্, কিত্তে তে দুনিয়েত্ বিচের গুরিবাত্যে এজের্। তে দোলেদালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো গমেডালে।

যোয়েল 3:11

ও চেরোকিত্তে বেক্ জাদতুন, তুমি যাদিমাদি এইনে এগত্তর্ অ।” ও লগেপ্রভু, তর্ বোলী মানুচ্চুনোরে তুই পাধেই দে।

আমোষ 1:1

তকোয়র গরগ্‌‌কুনো ভিদিরে আমোষে অলদে এক্কো। সেক্কে যিহূদার রাজা এলদে উষিয় আর ইস্রায়েলর রাজা এলদে যিহোয়াশর পুয়ো যারবিয়াম। ভূজোলর্ দ্বিবজর্ আগে ইস্রায়েল পৌইদ্যেনে গোজেন আমোষরে যিয়েনি দেগেয়্যে সিয়েনি তে কোইয়্যে।

মীখা 1:11

ও শাফীরোত্ বজত্তি গুরিয়্যে মানুচ্চুন, তুমি লাংটা আর লাজত্ পড়িনে যগোই। যিগুনে সাননত্ বজত্তি গরন্ তারা নিগিলি এই ন-পারিবাক। বৈৎ-এৎসলে আবিলেচ্ গরের্; তে আর তমা তপ্পে ন-থিয়্যেব।

সখরিয় 4:7

ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

গণাণা 16:34

তারার কাঁনা-কুদিলোই চেরোকিত্তে বেক্‌ ইস্রায়েলীয়গুনে জগার্‌ পারিনে এই কধাগান্‌ কদে কদে দাবা দিলাক্, “পিত্‌থিমীগানে অয়ত আমারেয়ো গিলি ফেলেব।”

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 24:3

যীশু যেক্কেনে জৈতুন মুড়োবোত্ বুয়োই এলঅ সেক্কে শিচ্চ্যগুনে আন্দলে আন্দলে তাইধু এইনে কলাক্, “আমারে কঅ, কক্কে ইয়েনি ঘুদিবো আর কিবাবোত্যে চিহ্নোলোই বুঝো যেবঅ যে ইবেয়ই তর্ এবার্ সময় আর যুগ থুম্ অবার্ অক্ত ওইয়্যে?”

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

লূকে লেখ্যে গম্ হবর্ 21:27

সে অক্তত্ দাঙর্ খেমতালোই আর মহিমালোই মান্‌জ্যপুয়োবোরে তারা মেঘ ভিদিরে গুরি এত্তে দেগিবাক্।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

১ থিষলনীকীয় 3:13

সালে তে তমার মনানি থির্ গুরিবো, যাতে আমার প্রভু যীশু যেক্কে তার্ নিজোর বেক্‌ মানুচ্চুনোরে সমারে লোইনে এবঅ সেক্কে আমা বাব্‌পো আর গোজেন মুজুঙোত্ তুমি থুদো নেইয়্যে আর পবিত্র অ।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

যাকোব 5:8

তুমিয়ো সেধোক্ক্যেন গুরিনে ধৈয্য ধরঅ আর মনানি থির্ রাগঅ, কিয়া প্রভু যাদিমাদি এজের্।

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।