সখরিয় 14:4 - Chakma Bible

⁴ সেদিন্যে তে এইনে যিরূশালেমর পূগেদি জৈতুন মুড়োবো উগুরে থিয়্যেব; সেক্কে জৈতুন মুড়োবো পূগেন্দিত্তুন্ পোজিমেদি ফাদি যেবঅ আর অদ্দেক্ উত্তোরে আহ্ অদ্দেক্ দোগিণে সুরি যেইনে এক্কান দাঙর্ কলগর্ সিরিস্‌টি গুরিবো।

সখরিয় 14:4 Iomraidhean Croise

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

যিহিষ্কেল 11:23

লগেপ্রভুর মহিমাগান শঅর ভিদিরেত্তুন্ উদিনে শঅরর্ পূগেদি মুড়োমুড়ি উগুরে যেইনে থামেল।

যিহিষ্কেল 38:20

সেক্কে সাগরর্ মাছ, আগাজ পেখ্, ঝার য়েমান, মাদি উগুরে পত্তি বুগেদি-আঢি বেড়েয়্যে প্রাণি আর পিত্‌‌‌‌‌‌থীমির বেক্ মানুচ্চুন মঅ মুজুঙোত্ গির্‌‌‌‌‌‌গিরেবাক্। দাঙর্ দাঙর্ মুড়োগুন উল্যে যেবাক্, অজল্ মুড়োগুন দেঙ্ ভাঙি পড়িবাক্ আর বেক্ দেবালানি মাদিত্ পড়ি যেবাক্।

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

হবক্‌‌‌‌কূক 3:6

তে থিয়্যেইনে পিত্‌থিমীগানরে লাড়ার্; তে রিনি চেইনে জাদ্‌তুনোরে গির্‌গিরে তুলের্। পুরোণি দিনোর্ মুড়ো-মুড়িগুন কট্টা কট্টা ওই যাদন্ আর পুরোণি যুগোর্ মুড়োগুন ভাঙি পত্তন্। উমর কালত্তুন্ ধুরি তা পথ্‌তানর কনঅ পরিবত্তন্ নেই।

সখরিয় 14:10

যিরূশালেমর্ দোগিণে গেবাত্তুন্ রিম্মোণ সং অরাবা সংজাগান ধোক্ক্যেন্ অবাক্, মাত্তর্ যিরূশালেমান অজল্ থেবঅ। বিন্যামীন-গেদোত্তুন্ পত্তম গেইট্ আর কুণো গেইট্টো সং আর হননেলের অজল্ চুগিদার-ঘরত্তুন্ রাজার আংগুর মারেদে জাগান সং গোদা শঅরান্ ঠিগ্ থেবঅ।

সখরিয় 14:7

সেদিন্নো অন্য কনঅ দিনো ধোক্ক্যেন ন-অবঅ-দিন্‌অ ন-অবঅ, রেত্অ ন-অবঅ; দিনুনোর কধা বানা লগেপ্রভু হবর্ পায়। সেদিন্নোর্ পরেদি পহ্‌র অবঅ।

সখরিয় 14:8

সে অক্তত্ হরান্ন্যে আর ঝার্‌কালত্ যিরূশালেমত্তুন্ মিদে পানি নিগিলিনে অদ্দেক্কান পূগেদি সাগর ইন্দি আর অদ্দেক্কান্ পোজিমেদি সাগর ইন্দি বেঈ যেবঅ।

সখরিয় 4:7

ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

মার্ক 11:23

মুই তমারে ঘেচ্চেক্‌গুরি কঙর্, কেঅ মনত্ কনঅ সন্দেহ ন-গুরিনে এই মুড়োবোরে কঅ, ‘উদিনে সাগরত্ যেইনে পড়্,’ মাত্তর্ যে বিশ্বেজ্ গরে সিয়েনই অবঅ, সালে তাত্তে সিয়েনই গরা অবঅ।