সখরিয় 14:2 - Chakma Bible

² যিরূশালেম বিরুদ্ধে যুদ্ধো গুরিবাত্তে লগেপ্রভু বেক্ জাদ্‌‌তুনোরে এগত্তর্ গুরিবো। শঅরানি গজক্ গরা অবঅ, ঘরানি লুদো অবঅ আর আবিদি মিলেগুনোরে বর্‌বাত্ গরা অবঅ। শঅরর্ অদ্দেক্ মানুচ্ বন্দি ওইনে অন্য দেজত্ যেবাক্ মাত্তর্ বাদবাগি মানুচ্চুনে শঅরত্ থেবাক্।

সখরিয় 14:2 Iomraidhean Croise

যিশাইয় 13:16

তারা চোগো মুজুঙোত্ চিগোন পুয়োগুনোরে আজেরেনে মারা অবঅ; তারার্ ঘরানি লুদো অবঅ আর মিলেগুনোরে জাবা অবঅ।

যিশাইয় 4:3

সেদিন্যে সিয়োনত্ যিগুনে বাগি থেবাক্, অত্তাৎ যিরূশালেমত্ যিগুনে বাঁজি থেবাক্ তারারে পবিত্র বিলিনে ডাগা অবঅ। যিরূশালেমত্ বাঁজি থেবাত্তে সেই মানুচ্চুনোর্ নাঙানি লেগা আঘে।

যিশাইয় 5:26

তে দূরো জাদ্‌তুনোত্তে এক্কান বাবতা উড়েব আর পিত্‌থিমীর শেজ্ দুযিত্ সেই মানুচ্চুনোরে ডাগিবো। দেগিবা, তারা যাদিমাদি গুরি দাবা দাবা এবাক্।‌

যিশাইয় 65:18

মুই যিয়েন বানেম্ তুমি যেনে উমরত্যে হুজি থাগঅ আর ফুত্তি গরঅ, কিত্তে মুই যিরূশালেমানরে এক্কান ফুত্তির্ জিনিস আর তা মানুচ্চুনোরে এক্কান হুজির্ জিনিস ইজেবে বানেম্।

যিরমিয় 21:4

ইস্রায়েলর গোজেন লগেপ্রভু এ কধাগান কোইয়্যেদে, ‘বাবিল রাজা আর যে বাবিলীয়গুনে দেবাল বারেত্তুন্ তরে আক্রমন গত্তন্ সিগুনো বিরুদ্ধে যুদ্ধোত্তে তঅ আঢত্ যে আত্যেরানি আঘে সিগুনোর মুয়োনি মুই ঘুরেই দিম আর শঅর ভিদিরে সিগুনোরে এগত্তর্ গুরিম।

যিরমিয় 34:1

বাবিলর রাজা নবূখদ্‌নিৎসর, তার বেক্ সৈন্যদলুন আর তা অধীনোত্ বেক্ রেজ্যগানি আর জাদর্ মানুচ্চুনে যেক্কে যিরূশালেত্ আর তার কায়-কুরে শঅরানির বিরুদ্ধে যুদ্ধো গোজ্যন্ সেক্কে ইস্রায়েলর গোজেন লগেপ্রভু যিরমিয়রে কলঅ যেন তে যিহূদার রাজা সিদিকিয় ইধু যেইনে কয়, মুই লগেপ্রভু এ কধাগান কঙর্, মুই এ শঅরান বাবিলো রাজার আঢত্ তুলি দিবাত্তে যাঙর্ আর তে ইয়েন পড়ি দিবঅ।

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।

যিহিষ্কেল 5:8

সেনত্তে মুই নিজে তঅ বিরুদ্ধে, আর তঅ জাদ্‌‌‌‌তুনোর চোগো মুজুঙোত্ মুই তরে সাজা দিম্।

যোয়েল 3:2

সেক্কে মুই বেক্ জাদ্‌তুনোরে এগত্তর্ গুরিম আর যিহোশাফটর কলগত্ তারারে লামেই আনিম। সিয়েনত্ মর্ সোম্বোত্তি, অত্তাৎ মঅ মানুচ্ ইস্রায়েলীয়গুনো বেপার নিইনে মুই তারা বিরুদ্ধে বিচের্ গুরিম, কিত্যে তারা জাদ ভিদিরে মঅ মানুচ্চুনোরে ছিদি দিয়্যে আর মঅ দেজ্‌চান ভাগ গোজ্যে।

যোয়েল 3:9

তুমি জাদ ভিদিরে এ কধাগান ফগদাং গরঅ: “তুমি সুদ্ধো-সাংগ যুদ্ধোত্তে নিজোরে যুক্কোল্ গরঅ, বোলী মানুচ্চুনোরে ডাগি আন। বেক্ যোদ্ধাগুনে কায়কুরে যেইনে আক্রমন গোরোক্।

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”

সখরিয় 12:2

মুই যিরূশালেমানরে এমন এক্কো মদ পিলে বানেম্ যিবেত্তুন্ হেইনে কায়-কুরে বেক্ জাদ্‌‌‌‌‌তুনে ঢুলিবাক্। যিরূশালেম সমারে যিহূদার অন্য শঅরানিরেয়ো ঘিরে অবঅ।

সখরিয় 12:3

সেদিন্যে যেক্কে বেক্ জাদে যিরূশালেম বিরুদ্ধে এগত্তর্ অবাক্ সেক্কে মুই তারে বেক্ জাদ্‌‌‌‌‌তুনোত্তে এক্কো গুয়োর্ পাত্তর ধোক্ক্যেন্ গুরিম। যিগুনে সেই পাত্তর্‌‌‌‌‌বোরে তুলিবাত্তে চেট্ট্যা গুরিবাক্ তারা নিজে আঘাত্ পেবাক্।

সখরিয় 12:9

সেদিন্যে যিদুক্কুন জাদে যিরূশালেমানরে আক্রমণ গুরিবাত্তে এবাক্ মুই তারারে ভস্ত গুরিম।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

মার্ক 13:14

সর্বনাজ ঘিনাইদ্যে জিনিস যিয়েনত্ থানা উচিত নয়, তুমি যেক্কে সিয়েন থাগদে দেগিবা-যে পড়ে তে বুঝোক্-সে অক্তত্ যিগুনে যিহূদিয়াত্ থেবাক্ তারা মুড়োমুড়ি চাগালাত্ ধেই যাদোক্।

মার্ক 13:19

কিয়া সে অক্তত্ এমন্ দুঘ্ অবঅ যিয়েন গোজেনে জগদ্‌থান সৃট্টিত্তুন্ ধুরি এ সময়ান সং ন-অয় আর সে পরেদিয়ো আর ন-অবঅ।

লূকে লেখ্যে গম্ হবর্ 2:1

সে অক্তত্ সম্রাট আগস্ত কৈসরে তা রেজ্যত্ বেক্ মানুচ্চুনোরে নাঙ্ লিগিবাত্তে উগুম দিলো।