সখরিয় 14:12 - Chakma Bible

¹² যিদুক্কুন জাদে যিরূশালেম বিরুদ্ধে যুদ্ধো গুরিবাক্ লগেপ্রভু ভানা দিইনে তারারে আঘাত্ গুরিবো। তারা থিয়্যেই থাগদে থাগদে তারার্ কিয়্যের্ য়েরানি পুযি যেবঅ আর তারার্ চোগো গাঢ ভিদিরে চোগ্‌কুন পুযি যেবাক্ আর মুয়ো ভিদিরে জিলান্ পুযি যেবঅ।

সখরিয় 14:12 Iomraidhean Croise

২ বংশধর 21:15

তুই নিজেয়ো পেদঅ অসুগোত্ ভুগিবে আর সে পিড়েগান্‌দোই তর্‌ আদুরিগান্‌ নিগিলি এবঅ।’ ”

ইয়োব 18:13

সিয়েনে তা কিয়্যের্‌ চামানি খেই ফেলেব; মরণর পত্তম পূঅবো তার্‌ পুরো কিয়্যেগানরে গিলিবো।

গীতসংহিতা 90:11

তর্ রাগর খেমতাগান কন্না বুঝি পারে? কয়জন মনত্ তর্ পাইদ্যে ভোক্তিগান আঘে, যেনে তারা তর্ রাগ্‌কান বুঝোন্?

লেবীয় 26:16

সালে মুই তমা উগুরে যিয়েন্‌ গুরিম সিয়েন্‌ এই-মুই তমা উগুরে অদাদৎ কনঅ কিয়্যে ক্ষয় যাইদে রুগ্‌ আর সাংগাদিক জ্বর্ আনিম। এদক্কানি রুগ্‌কোই তমার্‌ চেবার্‌ খেমতা আর কিয়্যের্‌ বল্‌ কমা ধুরিবো। সেক্কে তুমি বীজ ফেলেলেয়ো কনঅ লাভ ন-অবঅ, তমার ফসলানি শত্রুগুনেই হেবাক্।

লেবীয় 26:18

এদক্কানির্‌ পরেদিয়ো যুনি তুমি মর্‌ কধানি ন-শুনো সালে মুই তমার্‌ পাপর্‌ সাতগুণ সাজা দিম।

লেবীয় 26:21

তমার মনত্‌ যুনি মঅ উগুরে শত্রুতাভাব থায়্‌ আর যুনি তুমি মর্‌ কধালোই কান দিবাত্তে ন-চঅ‌ সালে তমার্‌ পাপর্‌ সাজা মুই সাতগুন্‌ বাড়েই দিম।

লেবীয় 26:24

সালে মুই নিজে তমার্‌ শত্রু ওইনে তমার্‌ পাপর্‌ সাতগুন্‌ সাজা দিম।

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

সখরিয় 1:15

মুই নিচিদে থেইয়্যে সেই বেক জাদ্‌‌‌‌‌তুনো উগুরে অমকদ বেজার্ ওইয়োং, কিত্যে মুই যেক্কে মঅ মানুচ্চুনো উগুরে বানা এক্কানাগুরি বেজার্ ওইয়োং সেক্কে সেই বেক জাদ্‌তুনে মঅ মানুচ্চুনোর দুদ্দশা সমারে আরঅ দুদ্দশা দুয়োন্।‌‌‌‌

সখরিয় 12:9

সেদিন্যে যিদুক্কুন জাদে যিরূশালেমানরে আক্রমণ গুরিবাত্তে এবাক্ মুই তারারে ভস্ত গুরিম।

সখরিয় 14:15

এক বাবোত্যে ভানা সেই বেক্ সৈন্য-তাম্বুলানির্ ঘোড়া, খচ্চর, উট, গাধা আর অন্য বেক্ য়েমানুনোরে আঘাত্ গুরিবো।

সখরিয় 14:18

যুনি মিসরীয়গুনে ন-যান আর উবোসনাত্ ন-মিজেন্ সালে তারার্ দেজত্অ ঝড় ন-অবঅ। যিদুক্কুন জাদে চিগোন-ঘরর্ পরব পালেবাত্তে ন-যেবাক্ লগেপ্রভু তারা উগুরে যে ভানা আনিবো মিসরীয়গুনো উগুরে তে সেই একই ভানা আনিবো।

সখরিয় 14:3

সে পরেদি লগেপ্রভু নিগিলিবো আর যুদ্ধোত্ যেবাবোত্যে গরে সেবাবোত্যেগুরি তে জাদ্‌তুনো বিরুদ্ধে যুদ্ধো গুরিবো।

সখরিয় 2:4

তে তারে কলঅ, “তুই ধাবা যেইনে সেই গাবুজ্যে পুয়োবোরে কঅ, ‘যিরূশালেমর্ ভিদিরে মানুচ্ আর য়েমান বেশ্ অনার কারনে সিয়েনত্ কনঅ দেবাল ন-থেবঅ।

প্রেরিত্‌ 12:23

হেরোদে গোজেনর বাঈনী ন-গরে বিলি সেক্কে প্রভুর্ এক্কো দূত্ তারে আঘাত্ গুরিলো, আর চিরোর্ জালায় তে মুরি গেলঅ।

দ্বি’লম্বর বিররণ 28:21

তুমি যে দেজ্‌ছান গজক্ গুরিবাত্তে যর্‌ লগেপ্রভু সিয়েনত্ এমন্‌ গুরিবো যেনে তমা ভিদিরে সাজুরেদে পিড়ে লাগি থায় আর যেরেন্দি তুমি দেজত্তুন এক্কুবারে শেজ্‌ ওই যঅ।

দ্বি’লম্বর বিররণ 28:22

ক্ষয় যাইদে পিড়ে, তিন বাবোত্যে জদবদে জ্বর, যুদ্ধো, গরম শুগুনো বোইয়্যের্‌ আর হরান্যেগান্-এই বেক্কানি লগেপ্রভু তমা উগুরে আনিবো আর তমারে দুখ্‌ দিবো যেদক্কন সং তুমি ভস্ত ওই ন-যঅ।

দ্বি’লম্বর বিররণ 28:59

তো লগেপ্রভু তমার আর তমার বংশধরুনো উগুরে এধোক্ক্যেন জদবদে আর দর্‌গরেপারা ধোক্ক্যেন আঘাত আর দুখ্‌ দিয়্যে পিড়েলোই এজে যিয়েনি ভালোক্‌ দিন ধুরিনে চলিবো।

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।