সখরিয় 14:10 - Chakma Bible

¹⁰ যিরূশালেমর্ দোগিণে গেবাত্তুন্ রিম্মোণ সং অরাবা সংজাগান ধোক্ক্যেন্ অবাক্, মাত্তর্ যিরূশালেমান অজল্ থেবঅ। বিন্যামীন-গেদোত্তুন্ পত্তম গেইট্ আর কুণো গেইট্টো সং আর হননেলের অজল্ চুগিদার-ঘরত্তুন্ রাজার আংগুর মারেদে জাগান সং গোদা শঅরান্ ঠিগ্ থেবঅ।

সখরিয় 14:10 Iomraidhean Croise

১ রাজাবলী 15:22

সে পরেন্দি রাজা আসা যিহূদার বেক্কুনো উগুরে এক্কান উঘুম্‌ জানেই দিলো, কাররে বাদ ন-দিলো। সেক্কে মানুচ্চুনে রামাত্‌ বাশার বেবহার গোজ্যে পাত্তর্‌ আর তক্তা বেক্কানি নেযেলাক্। রাজা আসা সিয়েনিলোই বিন্যামীনোর্‌ গেবা আর মিস্পা আদামান তাম্বুলো ধোক্ক্যেন্ গুরি বানেল।

২ রাজাবলী 14:13

ইস্রায়েলর রাজা যিহোয়াশে বৈৎ-শেমশত্‌ অহসিয়োর নাদিন্‌, অত্তাৎ যোয়াশর পুয়ো যিহূদার রাজা অমৎসিয়রে বন্দী গুরিলো। সে পরেন্দি যিহোয়াশে যিরূশালেমত্‌ যেইনে সে জাগার দেবাল ইফ্রয়িম-গেদোত্তুন্‌ কোণাবোর্‌ গেট্টো সং পেরায় চেরশ আত্‌ লাম্বা এক ভাগ ভাঙি দিলাক্‌।

১ বংশধর 4:32

তারার অন্য আদাম নাঙানি এলঅ ঐটম, ঐন, রিম্মোণ, তোখেন আর আশন। বাল সং এ পাচছান্‌ আদামর্‌ চেরোকিত্তে জাগানিয়ো তারার্‌ অধীনোত্‌ এলঅ। ইয়েনিত্‌ তারা বজত্তি গুরিদাক্‌ আর নিজোর্‌ এক্কান্‌ বংশ-নাঙানি রাগেদাক্‌।

১ বংশধর 6:77

বাদবাগি লেবীয়গুনে, অত্তাৎ মরারীয়গুনে সবূলূন-গুট্টির চাগালাত্তুন্‌ য়েমান চোড়েবার্‌ বামানি সুমুত্তো রিম্মোণ আর তাবোর জাগায়ান্‌ পেলাক্‌।

২ বংশধর 25:23

ইস্রায়েলর রাজা যিহোয়াশে বৈৎ-শেমসত্‌ অহসিয়র নাদিন, অত্তাৎ যোয়াশর পুয়ো যিহূদার রাজা অমৎসিয়রে বন্দী গুরিলো। সে পরেন্দি যিহোয়াশে যিরূশালেমত্‌ যেইনে সিদুগোর্‌ দেবালান্‌ ইফ্রয়িম-গেদোত্তুন্‌ কোণাবোর্‌ গেট্টো সং পেরায় চের্‌শঅ আত্‌ লাম্বা এক্কান্‌ কট্টা ভাঙি দিলো।

২ বংশধর 26:9

উষিয় যিরূশালেমর কোণা গেট্টোত্‌, কিজিঙো-গেট্টোত্‌ আর দেবাল কোণাবোত্‌ অজল্‌ চুগিদার-ঘর্‌ বানেইনে সিয়েনিরে দরমর গুরিলো।

নহিমিয় 12:39

সে পরেন্দি ইফ্রয়িম-গেট্‌, যিশানা-গেট্‌, মাছ-গেট্‌, হননেলর তাম্বুলান্‌ আর হম্মেয়ার তাম্বুলোর্‌ কায়-কুরেন্দি মেষ-গেট্‌তুয়ো সং গেলাক্‌। সে পরেন্দি চুগিদার্‌-গেদোর্‌ ইদু যেইনে তারা থামেলাক্‌।

নহিমিয় 3:1

দাঙর্‌ ধর্মগুরু ইলীয়াশীবে আর তা লগে ধর্মগুরুগুনে কামত্‌ যেইনে মেষ-গেট্টো আরঅ গাদেলাক্‌। তারা সিবে গোজেনর নাঙে উৎসর্ব গুরিনে সিয়েনর্‌ দোরান্‌ লাগেলাক্‌। সে পরেন্দি তারা হম্মেয়া-তাম্বুল আর হননেল-তাম্বুলান সং গাদেইনে দেবালর্‌ সে দ্বিভাগ উৎসর্ব গুরিলো।

যিশাইয় 10:29

তারা মুড়োপথ্‌তান পার ওই এইনে কদন্দে, “আমি গেবাত তাম্বুলান ফেলেইনে রেত্তো কাদেবং।” ইয়েনত্ রামা শঅরানে গির্‌‌‌গিরার, শৌলর গিবিয়ার মানুচ্চুনে ধেই যাদন্।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিরমিয় 20:2

তে ভাববাদী যিরমিয়রে পিদিনে লগেপ্রভুর ঘর কুরে অজল্ জাগায়ানত্ বিন্যামীন-গেদো কুরে মোয়্যে কুদোবোত্ বানি রাগেল।

যিরমিয় 30:18

লগেপ্রভু কোইয়্যেদে, “মুই যাকোব বংশর মানুচ্চুনোর অবস্থা ফিরেম আর তারা উগুরে মেয়্যে গুরিম। শঅরানরে সিয়েনর ভস্ত ওইয়্যে জাগান উগুরে আরঅ তুলো অবঅ আর রাজঘরান্ থিয়্যেই থেবঅ তা আগ জাগানত্।

যিরমিয় 37:13

মাত্তর্ যেক্কে তে বিন্যামীন-গেদোত্ লুমিলো সেক্কে যিরিয় নাঙে চুগিদারুনোর্ সেনাপতিবো তারে ধুরিনে কলঅ, “তুই বাবিলীয়গুনোর্ তপ্পে যর্।” এ যিরিয় অলদে শেলিমিয়র পুয়ো, শেলিমিয় হনানিয়র পুয়ো।

যিরমিয় 38:7

মাত্তর্ রাজঘরর এক্কো চাগরে কূশীয় এবদ-মেলকে শুনিলো, যিরমিয়রে কূয়োত্ ফেলেই দিয়্যে ওইয়্যে; সেক্কে রাজা বিন্যামীন গেট্টোত্ বুয়োই এলঅ।

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

মীখা 4:1

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্। ‌‌‌

সখরিয় 12:6

সেদিন্যে যিহূদার নেতাগুনোরে মুই দার্‌‌‌‌‌‌বো কুড়ো ভিদিরে জ্বোল্‌‌‌‌‌‌‌জোল্যে আঙারা ধোক্ক্যেন আর শোজ্য বনা ভিদিরে জ্বোল্‌‌‌‌‌‌‌জোল্যে বম্বা ধোক্ক্যেন গুরিম। তারা ডেনে-বাঙে কায়কুরে বেক্ জাগায়ানি গজক্ গুরিবাক্, মাত্তর্ যিরূশালেম মানুচ্চুনে আরঅ তারার নিজো জাগানত্ বজত্তি গুরিবাক্।

সখরিয় 2:4

তে তারে কলঅ, “তুই ধাবা যেইনে সেই গাবুজ্যে পুয়োবোরে কঅ, ‘যিরূশালেমর্ ভিদিরে মানুচ্ আর য়েমান বেশ্ অনার কারনে সিয়েনত্ কনঅ দেবাল ন-থেবঅ।

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

যিহোশূয় 15:32

লবায়োৎ, শিল্‌হীম, ঐন আর রিম্মোণ। বেক্কানিয়ে বোত্রিশচান্‌ শঅর্‌ আর তারার কায়-কুরে আদামানি তারা পেইয়োন।

যিহোশূয় 21:17

ইয়েনবাদে বিন্যামীন-গুট্টির্‌ জাগাত্তুনঅ‌ গিবিয়োন, গেবা, অনাথোৎ আর অল্‌মোন নাঙে চেরান্‌ আদাম আর শঅর্‌ আর সিয়েনির লগে য়েমান চোড়েবার খলা তারারে দিয়্যে অলঅ।

বিচের গুরিয়্যেগুন 20:45

যেক্কে বাদবাগি বিন্যামীনীয়গুনে ঘুরিনে ধূল্যেচরর্‌-চাগালাত্‌ রিম্মোণ মুড়োবোর ইন্দি ধেই যাদন্‌ সেক্কে ইস্রায়েলীয়গুনে পথ্‌তানত্‌ তারার পাঁচ আজার সৈন্যরে মারে ফেলেলাক্‌। সে পরেন্দিয়ো তারা গিদোম সং বিন্যামীনীয়গুনোরে লোড়েই নেযেলাক্‌ আর দ্বিআজার মান্‌জ্যরে মারে ফেলেলাক্‌।

বিচের গুরিয়্যেগুন 20:47

মাত্তর্‌ বিন্যামীনীয়গুনোর ছয়শত মানুচ্‌ ঘুরিনে ধূল্যেচরর্‌-চাগালাত্‌ রিম্মোণ মুড়োবোত ধেই যেইনে চের্‌ মাস সং সিয়োত্‌ রলাক্‌।

বিচের গুরিয়্যেগুন 21:13

ইয়েনর্ পরেন্দি সে এগত্তর ওইয়্যে ইস্রায়েলীয়গুনে রিম্মোণ মুড়োবোত মানুচ্‌ পাদেইনে বিন্যামীনীয়গুনোর লগে কধা কলাক্‌ আর শান্তি ফগদাং গুরিলাক্‌।