সখরিয় 13:4 - Chakma Bible

⁴ “পত্তি ভাববাদী সেদিন্যে তার দর্শনান পৌইদ্যেনে লাজেবাক্। ছলনা গুরিবাত্তে তে ভাববাদীগুনো ধোক্ক্যেন কেশ পোজাক্ ন-উরিদো।

সখরিয় 13:4 Iomraidhean Croise

২ রাজাবলী 1:8

জোবত্‌ তারা কলাক্‌, “তাহ্ কিয়্যেগান কেশ্‌বলা এলঅ আর কমরত্‌ এলঅ চাম কমর্‌-বিজোনি।” রাজা কলঅ, “তে অলদে তিশ্‌বীয় এলিয়।”

যিশাইয় 20:2

যে বজর তে আক্রমন গোজ্যে সে বজরত্ লগেপ্রভু আমোসর পুয়ো যিশাইয়রে কোইয়্যেদে, “তঅ কিয়্যেগানত্তুন্ বস্তা পাদা আর টেঙত্তুন্ জদা খুলি ফেলা।” সেনে যিশায়ই লাংটা ওইনে সুদো টেঙোই ঘুরি বেড়া ধুরিলো।

যিরমিয় 2:26

“চুর্ ধরা পড়িলে যেবাবোত্যেগুরি অসর্মান অয় সেবাবোত্যেগুরি ইস্রায়েলর বংশবো অসর্মান ওইয়্যে। তারা নিজে, তারার রাজাগুনে আর কাম্ গুরিয়্যেগুনে, তারার ধর্মগুরুগুনে আর ভাববাদীগুনে বেক্কুনে অসর্মানিত ওইয়োন।

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 8:9

জ্ঞানী মানুচ্চুনে লাজান্ আর আমক্ অন আর ফালত্ পড়ন। তারা যেক্কে লগেপ্রভুর কধানি এলাফেলা গোজ্যন সেক্কে তারার কি বাবোত্যে জ্ঞান আঘে?

মথি লেখ্যে গম্ হবর্ 3:4

যোহনে উটোর্ কেজ কাবড় উরিদো আর তা কমরত্ চামড় কমর্-বিজোনি এলঅ। আর তার্ হানাগান এলঅ ঝার মধু আর পুগ্‌‌-যুগ্।

মার্ক 1:6

যোহনে উটোর্ কেজ কাবড় উরিদো আর তা কমরত্ চামড় কমর্-বিজোনি এলঅ, আর তার্ হানাগান এলঅ ঝার মধু আর পুগ্‌‌-যুগ্।

ইব্রীয় 11:37

মান্‌জ্যে তারারে পাত্তর্ মাজ্জ্যন্, আড়ালোই দ্বিকট্টা গুরি কাপ্প্যন্ আর ছুরিলোই খুন্ গোজ্জ্যন। তারা অত্যেচার আর ভান্ন্যেই বেবহার পেইয়োন, আর রাদত্ পড়িনে ভেড়া আর ছাগল চাম্ পিনিনে ঘুরি বেড়েদাক্।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”