সখরিয় 13:3 - Chakma Bible

³ তো যুনি কনজনে ভাববাদী ইজেবে কধা কন্ সালে তা নিজোর্ মা-বাবে তারে কবাক্, তত্তুন্ মরা পুরিবো, কিত্যে তুই লগেপ্রভুর নাঙে মিজে কধা কোইয়োচ্। তে ভাববাদী ইজেবে কধা কলে পরেদি তা নিজো মা-বাবে তারে আত্যের্‌লোই মারে ফেলেবাক্।‌‌‌

সখরিয় 13:3 Iomraidhean Croise

যিরমিয় 23:25

যিদুক্কুন ভাববাদী মঅ নাঙে মিজে কধা কন তারা কধা মুই শুন্যং। তারা কন্দে, মুই এক্কান স্ববন দেখ্যং, এক্কান স্ববন দেখ্যং।

যিরমিয় 23:34

যুনি কনঅ ভাববাদী বা ধর্মগুরু বা অন্য কনজনে দাবি গরন, লগেপ্রভুর কধাগান ইয়েন, মাত্তর্ মুই সেই মানুচ্চো আর তা গিরিবোরে সাজা দিম।

যিরমিয় 28:15

সেক্কে ভাববাদী যিরমিয় ভাববাদী হনানিয়রে কলঅ, “হনানিয়, শুন। লগেপ্রভু তরে ন-পাদায়, মাত্তর্ তুই এ জাদ্‌তোরে মিজে কধালোই বিশ্বেজ্ গরত্তে। ‍‍‍

যিহিষ্কেল 13:23

সেনত্তে তুমি আর মিজে দর্শন ন-দেগেবা বা গোণা-পড়ায়ো ন-গুরিবা। তমা আঢত্তুন্ মুই মঅ মানুচ্চুনোরে উদ্ধোর গুরিম। সেক্কে তুমি হবর্ পেবা যে, মুয়ই লগেপ্রভু।’”

যিহিষ্কেল 14:9

“‘যুনি সেই ভাববাদীবো তারে কনঅ জোব্ দে সালে হবর্ পেবাদে যে, মুই লগেপ্রভু জোব্ দিবাত্তে তারে ভুলেয়োং। সে পরেদি সেই ভাববাদীবোর বিরুদ্ধে মুই আঢ্ বাবেম্ আর মঅ মানুচ্চো ইস্রায়েলীয়গুনো ভিদিরেত্তুন্ তারে ভস্ত গুরিম।

যিহিষ্কেল 43:7

তে কলঅ, ও মানজ্যর্ পুয়োবো, ইয়েন মর্ সিংহাসনর্ জাগা আর মর্ টেঙ্ রাগেবার জাগা। মুই ইধু ইস্রায়েলীয়গুনো ভিদিরে উমর সং বজত্তি গুরিম। ইস্রায়েলীয়গুনে আর কনদিন্‌অ মর্ পবিত্র নাঙান্ কলংকিত ন-গুরিবাক্। তারার্ বা তারার্ রাজাগুনোর্ মূত্তিপূজোলোই আর পূজোর্ অজল্ জাগানত্ তারার্ রাজাগুনোর মরাকিয়্যেনি নেযানালোই মঅ নাঙান্ কলংকিত ন-গুরিবাক্।

মথি লেখ্যে গম্ হবর্ 10:37

যে কনজনে মত্তুন্ বেশ্ মা-বাবরে কোচ্‌পায় তে মর্ যোগ্য নয়। আর যে কনজনে পুয়ো বা ঝি-রে মত্তুন্ বেশ্ কোচ্‌পায় তে মর্ যোগ্য নয়।

লূকে লেখ্যে গম্ হবর্ 14:26

যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

দ্বি’লম্বর বিররণ 18:20

মাত্তর্‌ মুই উগুম ন দুয়োং এধোক্ক্যেন কনঅ কধা যুনি কনঅ ভাববাদী মর্‌ নাঙান্‌ দিইনে কবাত্তে সাহস গরে বা তে যুনি দেব-দেবেদার নাঙে কধা কয়, সালে তারে মারে ফেলা পুরিবো।

দ্বি’লম্বর বিররণ 33:9

নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।