সখরিয় 12:8 - Chakma Bible

⁸ সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 12:8 Iomraidhean Croise

গীতসংহিতা 8:5

তুই মান্‌‌জ্যরে স্বর্গ দূত্‌তুনোত্তুন্ এক্কেনা তলেন্দি বানেয়োচ্; রাজমুকুট ইজেবে তুই তারে দান গোজ্যস্ বাঈনী আর সর্মান।

গীতসংহিতা 82:6

মুই কোইয়োঙে, “তুমি যেন গোজেন, তুমি বেক্কুনে দাঙর্ গোজেনর পুয়ো।

যাত্রা 14:19

সেক্কে গোজেনর্ দূত্‌‌তো যিবে ইস্রায়েলীয়গুনোর দলর্‌ আগে আগে যাল্লোই তে ঘুরিনেই তারার্‌ পিজে পিজে গেলগোই। মেঘর্‌ আন্দলান্ তারার্‌ মুজুঙেত্তুন্‌ পিজেদি সুরি যেইনে ইস্রায়েলীয় আর মিসরীয়গুনোর্‌ দলর্‌ সংমোধ্যে গেলঅ‌। সেক্কে মিসরীয়গুনোর্‌ ইন্দি মিগিলো ওই গেল আর আন্ধারত্‌ ঢাক্কে আর ইস্রায়েলীয়গুনোর্‌ ইন্দি রেদোত্অ পোট্‌‌পোট্যে পহ্‌র ওই গেল। ইয়েনত্যেই পুরো রেত্তো ভিদিরেয়ো মিসরীয়গুনে ইস্রায়েলীয়গুনো ইধু এই‌ ন-পারিলাক্।

যাত্রা 33:2

মুই তমার আগে আগে এক্কো স্বর্গদূতরে পাদেইনে সেই দেজত্তুন্‌ কনানীয়, ইমোরীয়, হিত্তীয়, পরিষীয়, হিব্বীয় আর যিবূষীয়গুনোরে ধাবেই দিম্‌।

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

যিশাইয় 31:4

লগেপ্রভু মরে এ কধাগান কোইয়্যেদে, “সিংহ তার শিগের এ্যামান্নোলোই গুজুরিবার্ অক্তত্ গরক্কুনোর্ দলুনে তা বিরুদ্ধে রঅ ছাড়িলেয়ো আর কিজিক্ কাজাক্ গুরিলেয়ো তে দর্ বা মানা ন-পায়। ঠিগ্ সেধোক্ক্যেন্ গুরি বেগত্তুন্ খেমতাবলা লগেপ্রভু যুদ্ধো গুরিবাত্তে সিয়োন মুড়োবোত্ আর তার অজল্ জাগায়ানিত্ লামি এবঅ।

যিশাইয় 33:24

সিয়োনত্ বজত্তিগুরিয়্যে কনজনে ন-কবাক্, “মুই অসুগ্।” যিগুনে সিয়েনত্ বজত্তি গরন্ তারার পাপ্‌‌পানি খেমা গরা অবঅ।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 53:3

মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

যিরমিয় 27:10

তারা মিজে আগাম্ কধা কন, আর ইয়েনর কারনে তুমি তমা দেজত্তুন দূর্ ওই যেবা; মুই তমারে ধাবেই দিম আর তুমি ভস্ত ওই যেবা।

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

হোশেয় 12:3

পেদট্ থাগদে যাকোবে তার্ ভেইয়োর্ টেঙ পাদাগান ধোজ্যে; বয়সকালত্ তে গোজেন লগে যুদ্ধো গোজ্যে।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

যোয়েল 3:10

তমার্ নাঙল ফালুন্ পিদেইনে লাম্বা ছুরি আর চারিলোই ঝাদি বানঅ। বল্‌‌পোজ্যে মানুচ্চো কোক্, ‘মুই বোলী।’

লেবীয় 26:8

বানা পাচজনে মিলিনে তুমি একশতজন শত্রুরে আর একশতজন মিলিনে দশ আজার শত্রুরে লোড়েবা, আরঅ শত্রুগুনে তমা মুজুঙোত্ মুরি যেবাক্।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

মীখা 7:16

জাদ্‌‌‌তুনে বোলী অলেয়ো তঅ কামানি দেগিনে লাজাদোক্। তারা মুয়োত্ আঢ্ দেদোক্ আর কানানি নাঢি রাগাদোক্।

মীখা 7:8

ও আমার্ শত্রুগুন, আমা দুদ্দশা দেগিনে ফুত্তি ন-গোজ্য। আমি পড়ি গেলেয়ো আরঅ উদিবোং। আন্ধারত্ বুজি থেলেয়ো লগেপ্রভু অবঅ আমার্ পহ্‌র।

সখরিয় 10:7

ইফ্রয়িমীয়গুনে বোলী মান্‌‌‌‌জ্য ধোক্ক্যেন অবাক্, আংগুর-রস খাইদ্যে ধোক্ক্যেন তারার মনানি হুজি অবঅ। সিয়েনি দেগিনে তারার্ পুয়ো-ছাগুনে হুজি অবাক্; তারার্ মনানি মরে নিইনে ফুত্তি গুরিবাক্।

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

সখরিয় 9:14

সে পরেদি লগেপ্রভু তা মানুচ্চুনো উগুরে ফগদাং অবঅ; তা সেল্‌‌লো কারেন ধোক্ক্যেন ঝিমিলেব। প্রভু লগেপ্রভু শিংগা বাজেব আর দোগিণো ঝড় বোইয়্যের ধোক্ক্যেন উজেই যেবঅ;

সখরিয় 9:8

আক্রমনগুরিয়্যে সৈন্যদল আঢত্তুন্ মুই মঅ মানুচ্চুনোরে রোক্ষ্যে গুরিম। কনঅ অত্যেচারী আর কনদিন্‌অ মঅ মানুচ্চুনো ইধু ন-এবাক্, কিত্যেই ইক্কিনে মুই চুগি দুয়োঙর্।

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

রোমীয় 9:5

গোজেনর্ দাঙর্ ভক্তগুনে তারার্ পুরোণি মানুচ্ এলাক্ আর মানুচ্ ইজেবে মশীহ তারা গুট্টিত্ জোর্মেয়্যে। তেয়ই গোজেন, যিবে বেক্কুনো উগুরে; বেক্ বাঈনীগান্ তার্। আমেন।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 11:34

জদবদে আগুনোর্ তেজ্‌চান কোমেই দুয়োন্, ছুরির্ আঘাদত্তুন্ রোক্ষ্যে পেইয়োন, বল্-পোজ্জ্যে অলেয়ো বোলী ওইয়োন, যুদ্ধোত্ বল্ দেগেয়োন আর বিদেশী সৈন্যদলুনোরে ধাবেই দুয়োন্।

যিহোশূয় 23:10

তমাত্তুন্‌ একজনে এক আজার্‌ জনরে ধাবেই দি পাজ্যে, কিত্যে তমা গোজেন লগেপ্রভুর্ এগেম্ মজিম তে তমার ওইনে যুদ্ধো গোজ্যে।

ফগদাং পেইয়্যে 22:13

মুই আল্‌‌ফা আর ওমিগা, পত্তম আর শেজ্, আরাম্ভ আর থুম্।

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”