সখরিয় 12:7 - Chakma Bible

⁷ মুই লগেপ্রভু পত্তমে যিহূদার থেবার জাগায়ানি উদ্ধোর্ গুরিম যেনে দায়ূদো বংশর আর যিরূশালেম আদাম্মেগুনোর সর্মান যিহূদার অন্য মানুচ্চুনোত্তুন্ বেশ্ ন-অয়।

সখরিয় 12:7 Iomraidhean Croise

ইয়োব 19:5

যুনি হামাক্কাই তুমি আমা উগুরে নিজোরে অজল্‌ গুরিবাত্তে চঅ, মর্‌ এ তলেদি অবস্থাগান্‌দোই মঅ দুজ্‌ছান ফগদাঙ্‌ গুরিবাত্তে চাজ্‌,

গীতসংহিতা 35:26

মর্ দজা দেগিনে যিগুনে হুজি অন্ তারা বেক্কুনে লাজত্ পোড়োদোক্ আর অগমান ওদোক্; যিগুনে মঅ উগুরে নিজোরে তুলি ধরন্ তারা লাজত্ আর অগমানত্ পোড়োদোক্।

গীতসংহিতা 38:16

কিত্যে মুই কোইয়োং, যেক্কেনে মঅ টেঙান্ বিজিদি যেবঅ সেক্কেনে সিয়েন্দোই তুই তারারে ফুত্তি গুরিবাত্তে ন-দিচ্, মঅ বিরুদ্ধে বড়াই গুরিবাত্তে ন-দিচ্।

গীতসংহিতা 55:12

যে মরে অগমান গোজ্যে তে যে মর্ শত্রু সিয়েন নয়, সালে মুই সোজ্য গুরি পারিদুং; যে মত্তুন বেশ্ নিজোরে দাঙর্ গোজ্যে তে যে মর্ বিপক্ক মানুচ্ সিয়েন নয়, সালে মুই তাত্তুন্ পৌইল্যেদুং।

যিশাইয় 23:9

তার বেক্ দেমাগ্‌কানে ভস্ত গুরিবাত্তে আর পিত্‌থিমীর নাঙ-গোজ্যে মানুচ্চুনোরে তলে ফেলেবাত্তে বেগত্তুন্ খেমতাবলা লগেপ্রভু এ পরিকল্পনাগান গোজ্যে।

যিরমিয় 30:18

লগেপ্রভু কোইয়্যেদে, “মুই যাকোব বংশর মানুচ্চুনোর অবস্থা ফিরেম আর তারা উগুরে মেয়্যে গুরিম। শঅরানরে সিয়েনর ভস্ত ওইয়্যে জাগান উগুরে আরঅ তুলো অবঅ আর রাজঘরান্ থিয়্যেই থেবঅ তা আগ জাগানত্।

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

সখরিয় 11:11

সেদিন্যে সিবে বাতিল অলঅ, সেনত্তে পালর্ দুঘ্ পেইয়্যেগুনে যিগুনে মরে খিয়েল্ গোজ্যন্ তারা হবর্ পেলাক্, ইয়েনির মাধ্যমে লগেপ্রভু কধা কোইয়্যে।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

লূকে লেখ্যে গম্ হবর্ 10:21

সেক্কে যীশু পবিত্র আত্মার্ দিয়্যে হুজিয়ে হুজি ওইনে কলঅ, ও বাবা, তুই স্বর্গ আর পিত্‌থিমীর প্রভু। মুই তর্ বাঈনি গরং, কিয়া তুই ইয়েনি বেক্ বিষয়ানি জ্ঞানী আর বুদ্ধিবলাগুনোত্তুন্ লুগেই রাগেয়োচ্ মাত্তর্ চিগোন্ গুড়ো ধোক্ক্যেন্ মানুচ্চুনো ইধু ফগদাং গোজ্যস্। অয় বাবা, তর্ আওজ্ মজিম্ ইয়েনি ওইয়্যে।

রোমীয় 3:27

ইয়েনর্ পরেদি মান্‌জ্যর দেমাগ্ গুরিবার আর কি আঘে? কিচ্চু নেই। মাত্তর্ কিত্ত্যে নেই? মান্‌জ্যে রীদি-সুদোম পালন গরন্ বিলিনে কি তার্ দেমাগ্ গুরিবার কিচ্চু নেই? সিয়েন নয়। আজল্ কধাগান অলঅ, বিশ্বেজ্ ভিদিরে দেমাগর্ জাগা নেই,

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”