সখরিয় 12:1 - Chakma Bible

¹ ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

সখরিয় 12:1 Iomraidhean Croise

পত্থম 1:8

গোজেনে সে ফারক্ জাগায়ান নাঙান্‌ দিলোদে আগাজ্‌। এধোক্কেন গুরি সাজোন্যে গেলঅ বেন্যেমাদান্ এলঅ, আর সিয়েনি অলদে দ্বি-দিনোত্।

পত্থম 2:7

পরেদি লগেপ্রভু গোজেনে মাদিলোই এক্কো মরদ্‌ মানুচ্‌ বানেল আর তা নাগত্‌ ফুন্‌ দিইনে তা ভিদিরে পরাণান্‌ ভোরেই দিলো। সেক্কে সে মানুচ্চো এক্কো জেদা প্রাণি অলঅ।

ইয়োব 26:7

তে দেবাবো উত্তরেদি আগাজ্‌ছান ছিদি দিয়্যে; দেবাবো উগুরে পিত্‌থিমীগানরে টাঙেই রাগেয়্যে।

ইয়োব 37:18

ছাজিনে ঢাল্যে আনা ধোক্ক্যেন দরমর যে আগাজ্‌ছান সিয়েন কি তুই গোজেনর সমারে বিজেয়োজ্?

গীতসংহিতা 104:2

কাবড় ধোক্ক্যেন্ গুরি তুই নিজোরে পহর্ লোই ঢাক্যচ্; দেবাবোরে তুই ছাল ধোক্ক্যেন্ গুরি ছিদি দুয়োচ্।

গীতসংহিতা 134:3

আগাজ্ আর পিত্‌থিমীগান বানেয়্যে লগেপ্রভু সিয়োনানত্তুন্ তমারে বর্ দোক্।

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

যিশাইয় 40:12

কন্না তা আঢ কুলুঙোত্ পিথ্‌তিমীর বেক্ পানিগানরে মাপ্যে‌ বা তার্ বিঘত্‌‌তোই আগাজ দুযিগান্ মাপ্যে? কন্না পিত্‌‌থিমীর ধূল্যেগানি ঝলা ভিদিরে ভোরেয়্যে বা পাল্লালোই মুড়িমুড়িগুন্ মাপ্যে?

যিশাইয় 40:22

পিত্‌‌থিমীর গুল্ আগাজ উগুরে তেয়ই সিংহাসনত্ বুয়োই আঘে, পিত্‌থিমীর মানুচ্চুনে ফিরিঙো ধোক্ক্যেন্। চানান ধোক্ক্যেন গুরি তে আগাজ্‌‌চানরে বিজেই দিয়্যে, বজত্তি গুরিবার তাম্বুলো ধোক্ক্যেন্ গুরি সিয়েনি খাদেই দিয়্যে।

যিশাইয় 42:5

লগেপ্রভু গোজেনে আগাজ্‌ছান বানেইনে মিলি দিয়্যে; তে পিত্‌‌‍‌‍থিমী আর যিয়েনি জোর্মেয়্যে সিয়েনি বেক্কানি বিজেই দিয়্যে; তে সিদুগোর্ মানুচ্চুনোরে নিজেস্ দে আর সিদু আঢাউদো গুরিনে তারারে জিংকানি দে। তে কোইয়্যেদে,

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যিশাইয় 45:12

মুয়ই পিত্‌থিমীগানরে বানেইনে তা উগুরে মানুচ্চুনোরে বানেয়োং; মুই নিজো আঢে আগাজ্‌চানরে বিজেই দুয়োং আর আগাজর বেলান্, চানান্ আর তারাগুনোরে বোজেই দুয়োং। ‌‌‌‌‌‌‍‌‌‌‌‌‌

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিশাইয় 48:13

মুই নিজো আঢে পিত্‌‍থিমীর গড়াগান থিদেবর্ গোজ্যং আর ডেন্ আঢে আগাজ্‌‌ছানরে বিজেই দুয়োং; মুই ডাগিলে ইগুনে বেক্কুনে একসমারে থিয়্যেন্।

যিশাইয় 51:13

তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিশাইয় 57:16

মুই উমরত্তে মান্‌জ্যরে দুষি ন-গুরিম বা মঅ রাগ্‌কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।

যিরমিয় 10:12

লগেপ্রভু নিজোর খেমতালোই পিত্‌‌‍‌‍‍থিমীগান বানেয়্যে, তারা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌চান বিজেই দিয়্যে।‌‍‌‍‍

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 30:16

“মাত্তর্ যিগুনে তরে শেজ্ গুরি দেদন্ তারারে বেক্কুনোরে শেজ্ গুরি ফেলা অবঅ; তর্ বেক শত্রুগুনে বন্দীদজাত্ যেবাক্। যিগুনে তরে লুদেয়োন তারারেয়ো লুদো অবঅ; যিগুনে তঅ জিনিস্‌চানি কাড়ি নেযাদন্ মুই তারা জিনিস্‌‌‌‌‌চানিয়ো কাড়ি নিবাত্তে দিম। মান্‌‌‌‌‌জ্যে তরে কবাক্, ‘ইয়েন সেই দূর্ গুরি দিয়্যে সিয়োনান যিয়েনরে কনজনে ন-তগান্, ‌

যিরমিয় 38:16

সেক্কে রাজা সিদিকিয় ভিদিরে ভিদিরে যিরমিয় ইধু শমক্ হেইনে কলঅ, “যিবে আমারে নিজেস্ লবার্ বৈয়্যেরান দিয়্যে সেই জেদা লগেপ্রভুর নাঙে, মুই তরে মারেই ন-ফেলেম বা যিগুনে তরে মারেই ফেলেবাত্তে চাদন্ তারা আঢত্অ তরে ন-দিম।”

যিরমিয় 50:34

মাত্তর্ তারার উদ্ধোর্ গুরিয়্যেবো খেমতাবলা; তা নাঙান্ বেগত্তুন খেমতাবলা লগেপ্রভু। তে দরমরগুরি তারার তপ্পে ওকালতি গুরিবো যেনে তারার দেজত্ শান্তি আর বাবিল আদাম্মেগুনোত্তে অশান্তি আনি পারে।”

যিরমিয় 51:15

লগেপ্রভু নিজোর খেমতালোই পিত্‌‌‌‌‌‌থিমীগান বানেয়্যে, তা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌‌‌‌‌‌‌চান বিজেই দিয়্যে।

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

যোয়েল 3:19

মাত্তর্ মিসরান ভস্তর্ জাগা অবঅ আর ইদোমান ভস্ত ওই যেইয়্যে ধূল্যেচর-চাগালা অবঅ, কিত্যে যিহূদার মানুচ্চুনো উগুরে অত্যেচার গরা ওইয়্যে আর তারার্ দেজত্ নিদ্দুজির্ লো ঝরা ওইয়্যে।

সখরিয় 9:1

হদ্রক আর দামেস্ক বিরুদ্ধে লগেপ্রভু যে কধাগান ফগদাং গোজ্যে সিয়েন পূরোন অবঅ। ইস্রায়েল গুট্টিগুনোর আর অন্য বেক্ মানুচ্চুনোর চোগ্‌কুন লগেপ্রভু উগুরে আঘে।

মালাখি 1:1

মালাখিরে দিইনে ইস্রায়েল ইধু লগেপ্রভুর কধানি।

গণাণা 16:22

মাত্তর্‌ মোশি আর হারোণে মাদিত্‌ আদু পাড়ি পড়িনে কলাক্কে, “ও গোজেন, তুই বেক্‌ মানুচ্চুনোর পরাণর গিরোজ্‌। বানা এক্কো মান্‌জে পাপ গোজ্যে বিলি কি তুই গোদা ইস্রায়েলীয় সমাজ উগুরে তর্‌ রাক্কান্‌ দেগেবে?”

ইব্রীয় 12:9

ইয়েন বাদে আমি দেক্ক্যেই, আমা জগদ বাব্‌পুনে আমারে শাসন গুরিদাক্ আর আমি তারারে সর্মান গুরিদোং। সালে যিবে বেক্ আত্মাগুনোর্ বাপ্ তা অধিনোত্ থানা কি আমার্ আরঅ উজিত্ নয়, যেনে আমি জিংকানি পেই?