সখরিয় 11:7 - Chakma Bible

⁷ কাবিবাত্তে যে ভেড়া পাল্লো ঠিগ্ ওই আঘে, বিশেজ্ গুরিনে সেই পালর দুঘ্ পেইয়্যেগুনোরে মুই চরা ধুরিলুং। সে পরেদি মুই দ্বিবে লুদিক্ নিলুং আর সিগুনোর এক্কোর্ নাঙ্ দিলুং দোয়্যে আর অন্যবোর্ নাঙান্ দিলুং মিজেনা; আর মুই সেই ভেড়া পাল্লো চরা ধুরিলুং।

সখরিয় 11:7 Iomraidhean Croise

গীতসংহিতা 23:4

ঘুর্‌‌গুজ্যে আন্ধারে ঢাক্যে কলগ্‌কানি পার্ ওয়া পুড়িলেয়ো মুই দজা এলে ন-দোরেম, কিত্যে তুয়ই মঅ সমারে আগচ্; তর্ মুগোর্ আর লুদিক্কুনে দযার্ দর্‌গরেদেগানি দূর্ গুরি দুয়োন।

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গীতসংহিতা 90:17

আমা প্রভু গোজেনর দোয়্যে আমা উগুরে থোক্; আমা বেক্ কামানি তুই ফোলেই দে, অয়, আমা বেক্ কামানিত্ তুই ভালেদি দান গর্।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিরমিয় 39:10

মাত্তর্ চুগিদারুনোর সেনাপতি নবূষরদনে জাগাজোমি নেইয়্যে কিজু নাঢা মান্‌জ্যরে যিহূদা দেজত্ থোই গেলঅ; সে অক্তত্ তে তারার আংগুর খেত্তান আর ভূইয়ানি দি গেলঅ।

লেবীয় 27:32

পত্তি য়েমানপালর্‌ দশ ভাগর এক ভাগ, অত্তাৎ গোরু চোড়েয়্যে লুদিক্কোর্‌ তলেন্দি যেইয়্যে পত্তি দশ লম্বর য়েমান্নো অবঅ লগেপ্রভুর নাঙে যুদো গুরি রাগেয়্যে।

মীখা 7:14

ও লগেপ্রভু, তুই মুগোর্ আঢত্ গুরিনে তঅ মানুচ্চুনোর গরগ্‌‌‌কুনোরে চরাচ্। তারা দঅ তর্ নিজোর্ পাল। তারা চেরোকিত্তে বোল্‌‌‌বোল্যে চড়াইদ্যে ভূই থেলেয়ো তারা গায় গায় ধূল্যেচর চাগালাত্ বজত্তি গরদন্। ভালোক্ দিন আগে যেবাবোত্যেগুরি চড়িদাক্ সেবাবোত্যেগুরি তারা যেন বাশন আর গিলিয়দত্ চড়িনে বেড়েই পারন।

সফনিয় 3:12

যিগুনে লগেপ্রভু উগুরে বিশ্বেজ্ গুরিনে সেবাবোত্যে নত আর নম্র মানুচ্চুনোরে মুই তইদু বাগি রাগেম্।

সখরিয় 11:14

পরেদি মুই একযদা নাঙে সেই দ্বিলম্বর লুদিক্কো ভাঙিনে যিহূদা আর ইস্রায়েল ভিদিরে ভেইয়োর যে কুদুম্মোগান্ এলঅ সিয়েন বর্‌‌‌বাত্ গুরিলুং।

সখরিয় 11:4

মর্ গোজেন লগেপ্রভু কত্তে, “ঢালি দিবাত্তে যে ভেড়াপাল্লো ঠিগ্ ওই আঘে তুই সেই পাল্লোরে চরা।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মার্ক 12:37

দায়ূদে নিজে দঅ তারে প্রভু বিলি ডাক্যে, সালে কেধোক্ক্যেন গুরি মশীহ তা বংশধর ওই পারে?” ভালোক্কুন্ মান্‌‍জ্যে হুজি মনে যীশুর কধা শুনোদন্।

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

১ শমূয়েল 17:40

সে পরেন্দি তা লুদিক্কো তে আঢত্‌ নেযেল আর চিগোন্‌ মুড়োমুড়ি ছড়াত্তুন্‌ পাঁচশুয়ো পাত্তর সীল্‌ বেঈ নেযেইনে তার চামর্‌ থৈল্যেবো ভিদিরে রাগেল। এধোক্ক্যেন গুরি থৈল্যে য়েমানচোড়েইয়্যেগুনে বেবহার গুরিদাক্। সে পরেন্দি তার ফিংগাবো লোইনে তে সেই পলেষ্টীয়গুনোর ইন্দি উজেই যাহ্ ধুরিলো,

১ শমূয়েল 17:43

গলিয়াৎ দায়ূদরে কলঅ, “মুই কি কুগুরো ধোক্ক্যেন, তুই লুদিক্কোই মইন্দি এজর্‌?” তে তার দেব-দেবেদাগুনোর নাঙানি গিনিনে দায়ূদরে অভিশাব দিয়্যে ধুরিলো।