সখরিয় 11:6 - Chakma Bible

⁶ দেজ মানুচ্চুনো উগুরে মুই আর দোয়্যে ন-গুরিম; মুই পত্তিজনরে তার পাড়াল্যে আর রাজা আঢত্ তুলি দিম। তারা দেজ্‌‌চানরে ভস্ত গুরিবাক্ আর তারা আঢত্তুন্ মুই কাররে উদ্ধোর্ ন-গুরিম।”

সখরিয় 11:6 Iomraidhean Croise

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিশাইয় 3:5

মানুচ্ মান্‌জ্যরে, পাড়াল্যে পাড়াল্যেরে অত্যেচার গুরিবাক্; চিগোনুনে বুড়োগুনো বিরুদ্ধে উদিবাক্, আর নাঢা মানুচ্চুনে সর্মান পেইয়্যে মানুচ্চুনো বিরুদ্ধে উদিবাক্।

যিরমিয় 13:14

আংগুর-রস পিলে ধোক্ক্যেন গুরি মুই একজন উগুরে আর একজনরে আছাড়্ মারিনে চুরমার গুরিম; বাপ্ ওক্ বা পুয়ো ওক্ বেক্কুনোরে চুরমার গুরিম। মুই কনঅ কোচ্‌‌পানা বা দোয়্যে বা মেয়্যে ন-গুরিম; তারারে ভস্ত গুরিম্‌‌‍‍বে গুরিম।’ ”

আবিলেচ্ 2:21

পুয়ো আর বুড়োগুনে ধূল্যে ভিদিরে পধে পধে পড়ি আগন্; মর্ গাবুজ্যে-গাবুরিগুনে তলোয়ার ইধু পড়ি যেয়োন। তর্ রাগ দিনোত্ তুই তারারে মারে ফেল্যস্; তুই তারারে কাবি ফেল্যস্, মেয়্যে ন-গরচ্।

আবিলেচ্ 5:8

চাগরুনে আমারে শাজন্ গত্তন্; তারা আঢত্তুন্ আমারে উদ্ধোর্ গুরিবার্ কনজন নেই।

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

যিহিষ্কেল 9:10

সেনত্তে মুই তারারে মেয়্যেলী চোগেদিয়ো ন-চেম্, রেহাইঅ ন-দিম; তারা যিয়েনি গোজ্যন্ সিয়েনর ফল মুই তারা উগুরে ঢালি দিম্।”

হোশেয় 1:6

পরেদি গোমরে আরঅ পিদিলী অলঅ সেক্কে তার এক্কো ঝি অলঅ। সেক্কে লগেপ্রভু হোশেয়রে কলঅ, “তুই ঝিবোর্ নাঙান্ লো-রুহামা রাগা (যিয়্যেনর ভেদ্‌তান্ ‘দোয়্যে ন-পেইয়্যে’), কিত্যে ইস্রায়েল মানুচ্চুনোরে আর মুই দোয়্যে ন-গুরিম, কনঅ বাবদে তারারে খেমা ন-গুরিম।

হোশেয় 2:10

মুই ইক্কিনে তা লাঙেগুনো চোগো মুজুঙোত্ তার্ লাজেবার কামানি ফগদাং গুরিম; মঅ আঢত্তুন্ কনজনে তারে উদ্ধোর্ ন-গুরিবাক্।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

মীখা 6:14

তুমি হেলে ঈল্ ন-অবঅ; তমা পেদত্ পেট্ পরা থেবঅ। তুমি পযাপিরানি এক জাগাত্তুন্ অন্য জাগাত্ নেযেবা মাত্তর্ কিচ্ছু রোক্ষ্যে গুরি ন-পারিবা, কিত্যেই তুমি যুনি বা কিজু রোক্ষ্যে গরঅ সালে সিয়েনি মুই যুদ্ধো আনিনে ভস্ত গুরিম।

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।

সখরিয় 11:14

পরেদি মুই একযদা নাঙে সেই দ্বিলম্বর লুদিক্কো ভাঙিনে যিহূদা আর ইস্রায়েল ভিদিরে ভেইয়োর যে কুদুম্মোগান্ এলঅ সিয়েন বর্‌‌‌বাত্ গুরিলুং।

সখরিয় 11:5

যিগুনে তারারে কিনি নেযান্ তারা তারারে কাবন্ মাত্তর্ নিজোরে দুষি মনে ন-গরন। যিগুনে তারারে বেজন্ তারা কন্, ‘লগেপ্রভুর বাঈনী ওক্, মুই তাগোয়্যে ওইয়োং।’ তারার্ গরগ্‌‌কুনে তারা উগুরে দোয়্যে ন-গরন।

সখরিয় 11:9

মুই কলুং, “মুই তমার গরগ্ ন-ওম্। যিবের্ মুরিবার কধা আঘে তে মোরোক্ আর যিবের্ দূর্ ওই যেবার কধা আঘে তে দূর্ ওই যোক্। বাদবাগীগুনে একজনে আর একজনর য়েরা খোক্।”

সখরিয় 14:13

সেদিন্যে লগেপ্রভু অমকদ দর্ লাগেনে সেই মানুচ্চুনোরে আঘাত্ গুরিবো। তারা বেক্কুনে একজন আরেকজনরে ধুরিনে আক্রমন গুরিবাক্।

সখরিয় 8:10

সেই কামান্ আরাম্ভ গুরিবার আগে কনজনে মান্‌‌জ্যর বেতন বা য়েমান ভাড়া দি ন-পারিদাক্, কিত্যে মুয়ই পত্তি জনরে তার পাড়াল্যেগুনো বিরুদ্ধে উচ্চোমি দুয়োং।‌‌

মালাখি 4:6

তে বাব্‌‌পুনোর মনানি তারার্ ঝি-পুয়োগুনো ইন্দি আর ঝি-পুয়োগুনোর মনানি তারার্ বাব্‌‌পুনো ইন্দি ফিরেব, যেন মুই এইনে অভিশাব্ দিইনে দেজ্‌‌চানরে ভস্ত ন-গরং।”

মথি লেখ্যে গম্ হবর্ 10:21

ভেই ভেইয়োরে আর বাবে পুয়োরে মারে ফেলেবাত্তে ধুরি দিবো। পুয়ো-ছাগুনে মা-বাব বিরুদ্ধে থিয়্যেইনে তারারে খুন্ গোরেবাক্।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

মথি লেখ্যে গম্ হবর্ 24:10

সে অক্তত্ ভালোক্‌জনে পিজেদি যেবাক্ আর একজন আর একজনরে ধুরি দিবাক্ আর ঘিনেবাক্।

যোহন 19:15

সেক্কে তারা রঅ ছাড়িনে কলাক্, “দূর্ গর্, দূর্ গর্; তারে ত্রুুশোত্ দুয়ো।” পীলাতে তারারে কলঅ, “তমা রাজাবোরে কি মুই ত্রুুশোত্ দিম্?” আজল্ ধর্মগুরুগুনে জোব্ দিলাক্, “সম্রাট কৈসর বাদে আমার আর কনঅ রাজা নেই।”

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।