সখরিয় 11:5 - Chakma Bible

⁵ যিগুনে তারারে কিনি নেযান্ তারা তারারে কাবন্ মাত্তর্ নিজোরে দুষি মনে ন-গরন। যিগুনে তারারে বেজন্ তারা কন্, ‘লগেপ্রভুর বাঈনী ওক্, মুই তাগোয়্যে ওইয়োং।’ তারার্ গরগ্‌‌কুনে তারা উগুরে দোয়্যে ন-গরন।

সখরিয় 11:5 Iomraidhean Croise

২ রাজাবলী 4:1

শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

নহিমিয় 5:8

মুই কলুঙ্‌, “অযিহূদীগুনোর্‌ ইদু আমার্‌ যিদুক্কুন্‌ ভেই বেজা যেইয়োন্‌ যিদ্দুর্‌ সম্ভব্‌ তারারে আমি ছাড়িনে আন্যেই। আর ইক্কিনে তুমি তমা ভেইয়ূনোরে বিজিবাত্তে বাধ্য গোজ্য, যিয়েনর কারনে আমাত্তুন্‌ আরঅ তারারে কিনি নেযা পুরিবো।” এ কধাগান শুনিনে তারা জুরো গুরিনে থেলাক্‌, কিত্যে জোব্‌ দেদে ধোক্কেন্‌ তারা কনকিজু তোগেইনে ন-পেলাক্‌।

যিরমিয় 2:3

ইস্রায়েল লগেপ্রভুর নাঙে যুদো গোজ্যে জাদ্; তারা তার্ খেদর্ পত্তম্ আক্‌‍‍ফল। যিগুনে ইস্রায়েলরে গজক্ গোজ্যন তারা বেক্কুনে দুষি ওইয়োন, তারা উগুরে দজা ঘোট্যে। মুই লগেপ্রভু এ কধাগান কঙর্।”

যিরমিয় 50:7

যিগুনে তারারে পেইয়োন তারা তারারে আক্রমণ গোজ্যন্; তারার শত্রুগুনে কোইয়োন, আমি দুষি নয়, কিত্যে লগেপ্রভুর বিরুদ্ধে, তারার ঘেচ্চ্যেক্‌গুরি চোড়েয়্যে ভূইয়ানর বিরুদ্ধে, তারার পূরোণি মানুচ্চুনোর আজা সেই লগেপ্রভুর বিরুদ্ধে তারা পাপ গোজ্যন্।

যিহিষ্কেল 34:10

মুই প্রভু লগেপ্রভু কঙর্, মুই গরগ্‌‌কুনোর বিপক্ষে; মুই তারার্ আঢত্তুন্ মর্ ভেড়াগুনোরে আদায় গুরি নেযেম। মর্ পাল চরানার্ কামত্তুন্ মুই তারারে সোরেই দিম যেনে তারা আর নিজে লাভবান ওই ন-পারন্। তারা মুয়োত্তুন্ মুই মঅ পালুন্ রোক্ষ্যে গুরিম আর ভেড়াগুন আর্ তারার হানা ন-অবাক্।

যিহিষ্কেল 34:21

বেক্ বল্‌‌‌পোজ্যে ভেড়াগুনোরে ধাবেই ন-দেনা সং তুমি কিয়্যে আর কানাগানিলোই তারারে ঠেলর্ আর শিঙোই গুদোর্।

যিহিষ্কেল 34:6

মর্ ভেড়াগুন বেক মুড়ো-মুড়িগুনোত্ ঘুরি বেড়াদন্। তারা পুরো পিথ্‌তিমীগানত্ ছিদি পোজ্যন; কনজনে তারারে ন-তগান্।

হোশেয় 12:8

তে কয়, ‘মুই অমকদ তাগোয়্যে ওইয়োং, ভালোক্কানি ধন-সোম্বোত্তি থুবেয়োং। মর্ বেক কামানি ভিদিরে মান্‌‌‌জ্যে মর্ কনঅ দুষ বা পাপ তোগেইনে ন-পেবাক্।’

হোশেয় 12:9

মাত্তর্ ও ইফ্রয়িম, মুয়ই তর্ গোজেন লগেপ্রভু; মুই মিসর দেজত্তুন্ তরে নিগিলেই আন্যং। তর্ ঠিগ্ গোজ্যে পরব সময়ো ধোক্ক্যেন গুরি মুই আরঅ তরে তাম্বুলোত্ বজত্তি গোরেম।

আমোষ 2:6

লগেপ্রভু কত্তে, ইস্রায়েলর তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম। তা মানুচ্চুনে টেঙা-পোজেত্যে গম্ মানুচ্চুনোরে আর টেঙর্ এক জড়া জদাত্তে নাঢাগুনোরে বেজন্।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

যোহন 10:1

“মুই তমারে ঘেচ্চ্যেক্‌গুরি কঙর্, যে কেঅ ভেড়া-ঘর দুয়োরানদি ন-সুমিনে অন্য কিত্ত্যেদি সমায় তে চুর্ আর ডাগেত্।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

ফগদাং পেইয়্যে 18:13

দারচিনি, এলাচ, আগর্‌বাট্টি, আতর আর তুম্বাজ্ রস; আংগুর-রস, জলপাইয়র্ তেল, মোয়দ্যে আর গম; গরু আর ভেড়া, ঘোড়া আর গাড়ী আর কিন্যে চাগর্।

ফগদাং পেইয়্যে 3:17

তুই কত্তে, মুই থাগোইয়্যে; মুই দাঙর্ মানুচ্‌ ওইয়োং, সেনত্যে মর্ কনঅ কিজুর্ অভাব নেই। ভারী গম, মাত্তর্ তুই দঅ হবর্ ন-পাজ্, তুই দুখ্যে, দোয়্যের্ মানুচ্, নাঢা, কানা আর লাংদা।