সখরিয় 11:4 - Chakma Bible

⁴ মর্ গোজেন লগেপ্রভু কত্তে, “ঢালি দিবাত্তে যে ভেড়াপাল্লো ঠিগ্ ওই আঘে তুই সেই পাল্লোরে চরা।

সখরিয় 11:4 Iomraidhean Croise

গীতসংহিতা 44:22

মাত্তর্ তো তত্তেই আমিঝে আমাত্তুন কেও কাররে মারে ফেলা অর্। ডালি দিয়্যে ভেড়া ধোক্ক্যেন মান্‌‌জ্যে আমারে মনে গরন্।

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

সখরিয় 11:7

কাবিবাত্তে যে ভেড়া পাল্লো ঠিগ্ ওই আঘে, বিশেজ্ গুরিনে সেই পালর দুঘ্ পেইয়্যেগুনোরে মুই চরা ধুরিলুং। সে পরেদি মুই দ্বিবে লুদিক্ নিলুং আর সিগুনোর এক্কোর্ নাঙ্ দিলুং দোয়্যে আর অন্যবোর্ নাঙান্ দিলুং মিজেনা; আর মুই সেই ভেড়া পাল্লো চরা ধুরিলুং।

সখরিয় 14:5

তুমি মুড়োবোর্ সেই কলগদি ধেই যেবা, কিত্যে সেই কলগ্‌কান আৎসল সং লুমিবো। যিহূদার রাজা উষিয়োর রাজাগিরির্ সময়োত্ ভূজোলত্ যেবাবোত্যেগুরি তুমি ধেই যেইয়ো সেবাবোত্যেগুরি ধেই যেবা। সে পরেদি মর্ গোজেন লগেপ্রভু তার্ বেক সুদ্ধো-সাংগ মানুচ্চুনোরে সমারে নিইনে এবঅ।

মথি লেখ্যে গম্ হবর্ 15:24

জোবত্ যীশু কলঅ, “মরে বানা ইস্রায়েল-গুট্টির আরেয়্যে ভেড়াগুনো ইধু পাধা ওইয়্যে।”

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

যোহন 20:17

যীশু মরিয়মরে কলঅ, “মরে ধুরি ন-রাগেচ্, কিয়া মুই এজঅ উগুরে বাবা ইধু ন-যাং। তুই বরং ভেইয়ুনো ইধু যেইনে কঅ, যিবে মর্ আর তমার্ বাপ্, যিবে মর্ আর তমার্ গোজেন, মুই উগুরে তা ইধু যাঙর্।”

রোমীয় 15:8

ইদোত্ রাগেচ্, গোজেন কধাগান যে সত্য সিয়েন ফগদাং গুরিবাত্তে খ্রীষ্ট যিহূদীগুনোর্ সেবাগুরিয়্যে ওইয়্যে। ইয়েনর্ উদ্দেশ্যগান্ এলঅ, পূরোণি মানুচ্চুনো ইধু গোজেনে যেদক্কানি এগেম্ গোজ্জ্যে সিয়েন যেন পুরোয় আর তার্ দোয়্যে-মেয়্যের্ কারনে অযিহূদীগুনে তারে বাঈনী গরন্। এ পৌইদ্যেনে পবিত্র বোইবোত্ লেগা আঘে, ইয়েনত্যে অন্য জাদ্‌তুনো ইধু মুই তর্ বাঈনী গুরিম আর তরে নাঙ্ গিনিম্।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।