সখরিয় 11:16 - Chakma Bible

¹⁶ দেজ উগুরে মুই এমন এক্কো গরগরে তুলিম যে দজাত্ পোজ্যে মানুচ্চুনোরে দেগাশুনো ন-গুরিবো, যিগুনে ছিদি পোজ্যন্ তারারে ন-তোগেব, যিগুনে আঘাত্ পেইয়োন তারারে গম্ ন-গুরিবো, পক্তামক্তাগুনোরে ন-খাবেব; মাত্তর্ তে বেঈ লোইয়্যে ভেড়াগুনোর য়েরানি হেবঅ আর তারার্ খুরত্তুন্‌অ য়েরানি ছিনি ছিনি হেবঅ।

সখরিয় 11:16 Iomraidhean Croise

পত্থম 31:38

মুই এ কুড়ি বজর্‌ তর্‌ লগে কাদেয়োং। এ ভিদিরে তর্‌ কনঅ পাদিভেড়া বা পাদি ছাগলর্‌ পেট বর্‌‌‌‌‌‌বাদ ন-অয়, বা তর্‌ পালর্‌ কনঅ ভেড়াছাগল মুই মারি ন খাং।

পত্থম 33:13

যাকোবে তারে কলঅ, “মাত্তর্‌ প্রভু, তুই দঅ হবর্‌ পাজ্‌, এ বেক্‌ পুয়ো-ঝিগুনোর বয়জ বেজ্ ন-অয়। সিয়েনবাদে যিদুক্কুন গোরু আর ভেড়া তারা ছঅগুনোরে দুধ দেদন্‌ তারা কধায়ো মত্তুন্‌ ভাবা পুড়িবো। যুদি একদিনঅ ইগুনোরে তড়াতাঙজ্যা গুরি নেযা অয়্‌ সালে বেক্কুনে মুরি যেবাক্‌।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিরমিয় 23:2

সেনত্তে যে পালক্‌‍‌কুনে মঅ মানুচ্চুনোরে চড়ান সেই পালক্‌কুনো বিরুদ্ধে ইস্রায়েলর গোজেন লগেপ্রভু কোইয়্যেদে, “তুমি মর্ পালর্ ভেড়াগুনোরে ছিদি ফেল্য আর তারারে ধাবেই দুয়ো, তারারে কনঅ যত্তন্ ন-গরঅ; সেনত্তে তমা অন্যেয়ত্তে মুই তমারে সাজা দিম।‍‌

যিরমিয় 23:22

মাত্তর্ তারা যুনি মঅ মুজুঙোত্ থিয়্যেদাক, সালে মঅ মানুচ্চুনো ইধু তারা মঅ কধানি ফগদাং গুরিদাক্ আর ভান্ন্যেই পথ আর ভান্ন্যেই কামত্তুন্ তারারে ফিরেদাক্।”

যিহিষ্কেল 34:10

মুই প্রভু লগেপ্রভু কঙর্, মুই গরগ্‌‌কুনোর বিপক্ষে; মুই তারার্ আঢত্তুন্ মর্ ভেড়াগুনোরে আদায় গুরি নেযেম। মর্ পাল চরানার্ কামত্তুন্ মুই তারারে সোরেই দিম যেনে তারা আর নিজে লাভবান ওই ন-পারন্। তারা মুয়োত্তুন্ মুই মঅ পালুন্ রোক্ষ্যে গুরিম আর ভেড়াগুন আর্ তারার হানা ন-অবাক্।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

যিহিষ্কেল 34:21

বেক্ বল্‌‌‌পোজ্যে ভেড়াগুনোরে ধাবেই ন-দেনা সং তুমি কিয়্যে আর কানাগানিলোই তারারে ঠেলর্ আর শিঙোই গুদোর্।

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

যোহন 10:1

“মুই তমারে ঘেচ্চ্যেক্‌গুরি কঙর্, যে কেঅ ভেড়া-ঘর দুয়োরানদি ন-সুমিনে অন্য কিত্ত্যেদি সমায় তে চুর্ আর ডাগেত্।