সখরিয় 10:7 - Chakma Bible

⁷ ইফ্রয়িমীয়গুনে বোলী মান্‌‌‌‌জ্য ধোক্ক্যেন অবাক্, আংগুর-রস খাইদ্যে ধোক্ক্যেন তারার মনানি হুজি অবঅ। সিয়েনি দেগিনে তারার্ পুয়ো-ছাগুনে হুজি অবাক্; তারার্ মনানি মরে নিইনে ফুত্তি গুরিবাক্।

সখরিয় 10:7 Iomraidhean Croise

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

পত্থম 43:34

যোষেফে তার্‌ নিজো টেবিলোত্তুন্‌ কিজু হানা ভেইয়ুনোরে দিবার্‌ বেবস্থা গুরিলো। অন্য যে কনঅ ভেইয়োত্তুন্‌ বিন্যামীনোরে পাজ্‌গুন্‌ বেজ্ দিয়্যে অলঅ। এবাবোত্যেগুরি তারা যোষেফ লগে হানা-বীনে গুরিলাক্। বেজগুরি আংগুর্‌ রস্‌ হেইনে তারা হুজি অলাক্।

গীতসংহিতা 102:28

তঅ চাগরুনোর পুয়ো-ছাগুনে বাঁজি থেবাক্; তারার বংশধরুনে তঅ মুজুঙোত্ থির্ গুরি থেবাক্।”

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

গীতসংহিতা 13:5

মাত্তর্ মুই তর্ কোচপানা উগুরে বিশ্বেজ্ গোজ্যং; তুই মরে রোক্ষ্যে গুরিবে বিলিনে মঅ মনান্ হুজি।

গীতসংহিতা 28:7

লগেপ্রভু মর্ বল্ আর মর্ ঢাল ধোক্ক্যেন্; মর্ মনানে তা উগুরে বিশ্বেজ্ গরে, সেনত্তে মুই এজাল্ পেইয়োং; সেনত্তে মঅ মনান্ হুজিয়ে ভুরি উঠ্যে, আর মুই গান্‌দোই তারে ভালেদি জানেম।

গীতসংহিতা 33:21

অয়, তারে ঘিরি রোইয়্যেদে আমা মনর্ রঙ্গ-ফুত্তিগানিয়ে, কিত্যে আমি তার্ পবিত্রতাগান উগুরে বিশ্বেজ্ গুরিই।

গীতসংহিতা 90:16

তঅ চাগরুনো ইদু তর্ কামানি আর তারার পুঅ ছাগুনোর ইদু তর্ বাঈনী গরানাগান্ তুই ফগদাং গর্।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 38:19

বানা জেদাগুনে, জেদাগুনে তরে নাঙ্ গিনোন্ যেধোক্ক্যেন এচ্চ্যে মুই নাঙ্ গিনোঙর্; বাব্‌পো তা পুয়োগুনোরে তর্ এগেম কধা কোই থায়।‌

যিশাইয় 54:13

তর্ বেক পুয়োগুন্ লগেপ্রভুর শিচ্চ্য অবাক্ আর তঅ পুয়োগুনোর্ জদবদে ভালেদি অবঅ।

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

যিহিষ্কেল 37:25

যে দেজ্‌‌‌‌চান মুই মঅ চাগর্ যাকোবরে দুয়োং, যে দেজত্ তারার্ পুরোণি মানুচ্চুনে বজত্তি গুরি যেইয়োন সিয়েনত্ তারা বজত্তি গুরিবাক্। তারা, তারার্ পুয়ো-ছাগুনে আর নাদিন্ পুদিনুনে সিয়েনত্ জিংকানিবর্ বজত্তি গুরিবাক্ আর মর্ চাগর্ দায়ূদে উমরত্যে তারার্ রাজা অবঅ।

যোয়েল 2:23

ও সিয়োনর্ মানুচ্চুন, হুজি অ, তমা গোজেন লগেপ্রভুরে নিইনে ফুত্তি গরঅ, কিত্যে তার্ সততার্ কারনে তে তমারে শরৎকালর্ ঝড় দিয়্যে। তে তমারে বোউত্ ঝড় পাধেই দের্, আগ ধোক্ক্যেন শরৎ আর বসন্তকালর্ ঝড় দের্।

হবক্‌‌‌‌কূক 3:18

তো মুই লগেপ্রভুরে নিইনে ফুত্তি গুরিম, মর্ উদ্ধোর্ গুরিয়্যে গোজেনরে নিইনে হুজি ওম্।

সফনিয় 3:14

ও সিয়োন-ঝিবো, গান গাহ্; ও ইস্রায়েল, জয় ধুনি দুয়ো; ও যিরূশালেম-ঝিবো, তুই হুজি অ আর তর্ বেক মনান্ দিইনে ফুত্তি গর্।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 9:15

বেগত্তুন্ খেমতাবলা লগেপ্রভু তারারে রোক্ষ্যে গুরিবো। ইয়েন্দোই তারা শত্রুগুনোরে ভস্ত গুরিবাক্ আর তারার্ ফিংগার পাত্তরুন টেঙোই মাড়িবাক্। তারা আংগুর-রস হেবাক্ আর মাত্তলুনো ধোক্ক্যেন রঅ ছাড়িবাক্; ঢালিপূজোগুনোর কোণাগুনোত্ পিলেত্তুন্ লো ঢালেদে ধোক্ক্যেন গুরি তারা বজমান্ লো ঝোড়েবাক্।

সখরিয় 9:17

তারার্ চেঙারাগান কত্তমান গম্ অবঅ, কত্তমান দোল্ অবঅ! শোজ্য হেইনে গাবুজ্যেগুনে আর নুয়ো আংগুর-রস হেইনে গাবুজ্যে মিলেগুনে তাজা ওই উদিবাক্।

লূকে লেখ্যে গম্ হবর্ 1:47

মর্ উদ্ধোরগুরিয়্যে গোজেনরে নিইনে মঅ পরাণান্ হুজিয়ে ভুরি উঠ্যে,

যোহন 16:22

সেবাবোত্যেগুরি তুমিয়ো ইক্কিনে দুঘ্-কষ্ট পর্; মাত্তর্ আরঅ তমা লগে মর্ দেগা অবঅ, আর সেক্কে তমা মনানি হুজীয়ে ভুরি উদিবো আর সেই হুজীগান্ কেঅ তমাত্তুন্ কারি ন-লবাক্।

প্রেরিত্‌ 13:33

সিয়েনি তে তারার্ বংশগুনোত্তে, অত্তাৎ আমাত্যে যীশুরে মরণত্তুন্ জেদা গুরিনে পূরোণ গোজ্যে। এ পৌইদ্যেনে গীতসংহিতার দ্বিলম্বর গীদোত্ এ কধাগান লেগা আঘে: তুই মর্ পুয়ো, এচ্চ্যে মুই তর্ বাব্ অলুং।

প্রেরিত্‌ 2:26

ইয়েনত্যে মঅ মনান্ হুজিয়্যে ভরা, মঅ জিলানে হুজির্ কধা কয়, মঅ কিয়্যেগান্অ আজা নিইনে বাঁজিবো;

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

১ শমূয়েল 2:1

সে পরেন্দি হান্না তবনা গুরিনে কলঅ, “লগেপ্রভুরে নেযেইনে মুই হুজি গরং; লগেপ্রভুই মরে জিদেনাগান্ দান গোজ্যে। মর্‌ শত্রুগুনো মুজুঙোদোই মুই মুয়োন খুলিনে হুজির্-গীত্ গাঙর্‌; তুই মরে শত্রুগুনো আঢত্তুন উদ্ধোর গোজ্যচ্‌ বিলি মুই হুজি।