সখরিয় 10:5 - Chakma Bible

⁵ সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

সখরিয় 10:5 Iomraidhean Croise

২ শমূয়েল 22:43

পিত্তিমীর্ ধূল্যে ধোক্ক্যেন্ তারারে গুড়ি গোজ্যং; পধর্ মাদি-ফুদো ধোক্ক্যেন্‌ টেঙগোই মাড়িনে মুই তারারে নিগুজ্ গোজ্যং।

২ শমূয়েল 22:8

সেক্কে পিত্তিমীগানে গির্‌গিরে উদিলো আর লরা ধোজ্যে, গির্‌গিরে উদিলো আগাজর্‌ গোড়াগান; তা রাগে সিয়েনি গির্‌গিরা ধুরিলো।

২ রাজাবলী 9:33

যেহূ কলঅ, “তারে তলেন্দি ফেলেই দুয়ো।” সেক্কে তারা ঈষেবলরে তলেন্দি ফেলেই দিলাক্‌ আর যেহূর রথ্‌তান ঘোড়াগুনে তারে টেঙন্দি উরিলাক্‌। সেক্কে তা লো-গান্‌ ছিদি পুরিনে দেবালত্‌ আর ঘোড়াগুনো ইদু বাঁজিলো।

গীতসংহিতা 18:42

বোইয়্যেরে উড়ে নেযেয়্যে ধূল্যা ধোক্ক্যেন্ মুই তারারে নিগুজ্ গোজ্যং, পদ পেক্কো-মাদি ধোক্ক্যেন্ তারারে ফেলেই দুয়োং।

গীতসংহিতা 20:7

কয়েকজনে তারার্ রথ্‌তানিলোই বাড়্ গরন, কয়েকজনে গরন্ তারার্ ঘোড়ালোই, মাত্তর্ আমি গুরিই আমা গোজেন লগেপ্রভুর।

গীতসংহিতা 33:16

দাঙর্ সৈন্যদল থেলেয়ো কনঅ রাজা সিয়েনিলোই রোক্ষ্যে ন-পায়; দাঙর্ বল্লোই অলেয়ো কনঅ বীর যোদ্ধাই রোক্ষ্যে ন-পায়।

গীতসংহিতা 44:5

আমা শত্রুগুনোরে আমি তর্ বল্লোই পিজেন্দি ওদেবং; যিগুনে আমা বিরুদ্ধে উদিবাক্ তর্ জোরে তারারে টেঙোই মারিবোং।

গীতসংহিতা 45:3

ও বীর, তঅ কমরত্ লাম্বা ছুড়িগান বানি নেযা; বাঈনী আর মহিমার সাজে তুই সাজি নেযা।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 41:12

তঅ শত্রুগুনোরে তোগেলেয়ো তুই তারারে ন-পেবে। যিগুনে তঅ বিরুদ্ধে যুদ্ধো গুরিবাক্ তারার আর্ কনঅ চিহ্নো ন-থেবঅ,

যিশাইয় 41:25

“পূগেদি এক্কো মান্‌জ্যে মঅ নাঙান্ ফগদাং গুরিবো; তারে মুই উত্তোরেদিত্তুন্ এবাত্তে উত্তেজিত গোজ্যং, আর তে এচ্চ্যে। যেবাবোত্যেগুরি চিবিদি আর পানি মিজে অয় আর কুমোরুনে মাদি মলন্ সেধোক্ক্যেন গুরি তে শাজন্‌ গুরিয়্যেগুনোর টেঙোই দুলিবো।

যিশাইয় 8:9

“ও জাদ্‌তুন্, তুমি এগত্তর্ অ, মাত্তর্ তুমি ভস্ত অবা; ও দূরোর্ দেজ্‌‌ছানি, শুনো, তুমি যুদ্ধোত্তে যুক্কোল্ অ, মাত্তর্ তুমি ভস্ত অবা; অয়, যুদ্ধোত্তে যুক্কোল অ, মাত্তর্ তুমি ভস্ত ন-অবা।

যিহিষ্কেল 38:15

উত্তোরেদি শেজ্ দুযিত্ তঅ জাগানত্তুন্ তুই আর তঅ লগে ভালোক্ জাদর্ মানুচ্ ঘোড়াত্ চড়িনে এক্কো দাঙর্ দল, এক্কো খেমতাবলা সৈন্যদল ওইনে এবে।

আমোষ 2:15

ধনুবলাগুনে উজুগুরিনে থিয়্যেই ন-পারিবাক্, যাদিমাদি দাবা যেইয়্যে মানুচ্চুনে ধেই ন-পারিবাক্; এমন কি, ঘোড়া চালেয়্যেবোয়ো নিজো পরাণান রোক্ষ্যে গুরি ন-পারিবো।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।

সখরিয় 12:4

সেদিন্যে মুই পত্তি ঘোড়ারে দর্‌বুক্ লাগেম্ আর ঘোড়াচালেয়্যেগুনোরে পাগল বানেম। যিহূদার মানুচ্চুনো উগুরে মুই উজিয়ার গুরি নজর্ রাগেম্, মাত্তর্ অন্য জাদ্‌‌‌‌‌‌তুনোর বেক ঘোড়াগুনোরে চোগ্‌কান্ গুরি দিম।‌‌‌

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 14:13

সেদিন্যে লগেপ্রভু অমকদ দর্ লাগেনে সেই মানুচ্চুনোরে আঘাত্ গুরিবো। তারা বেক্কুনে একজন আরেকজনরে ধুরিনে আক্রমন গুরিবাক্।

সখরিয় 14:3

সে পরেদি লগেপ্রভু নিগিলিবো আর যুদ্ধোত্ যেবাবোত্যে গরে সেবাবোত্যেগুরি তে জাদ্‌তুনো বিরুদ্ধে যুদ্ধো গুরিবো।

সখরিয় 9:13

মুই যিহূদারে ধনু ধোক্ক্যেন্ আর ইফ্রয়িমরে সেল ধোক্ক্যেন বেবহার গুরিম। ও সিয়োন, মুই তঅ পুয়োগুনোরে গ্রীস দেজর্ পুয়োগুনো বিরুদ্ধে উত্তেজিত গুরিম আর তরে যুদ্ধোর্ লাম্বাছুরি ধোক্ক্যেন গুরিম।”

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

মথি লেখ্যে গম্ হবর্ 4:3

সেক্কে শদানে এইনে তারে কলঅ, “তুই যুনি গোজেনর পুয়ো অচ্ সালে এই পাত্তরুনোরে রুটি অবাত্তে কঅ।”

লূকে লেখ্যে গম্ হবর্ 24:19

যীশু তারারে কলঅ, “কি কি ঘোট্যে?” তারা কলাক্, “নাসরত্ আদামর্ যীশুরে নিইনে যিয়েনি যিয়েনি ঘোট্যে। তে ভাববাদী এলঅ। তে কামে আর কধায় গোজেনর্ আর বেক্‌ মানুচ্চুনো চোগোত্ খেমতাবলা এলঅ।

প্রেরিত্‌ 18:24

এ ভিদিরে আপল্লো নাঙে এক্কো যিহূদী ইফিষত্ লুমিলো। আলেক্‌জান্দ্রিয়া শঅরত্ তার্ ঘর এলঅ। তে এক্কো গম্ কধা কোইয়্যে এলঅ আর পবিত্র বোইবো গমেডালে জানিদো।

প্রেরিত্‌ 7:22

মোশি মিসরীয়গুনোর বেক্‌ শিক্ষ্যেলোই শিক্ষিত অলঅ, আর তে কধালোই আর কামে খেমতাবলা এলঅ।

২ করিন্হীয় 10:4

সাধা-সিধে মান্‌জ্যে যেদক্কানি আত্যের্‌লোই যুদ্ধো গরন্ আমি সিয়েনিলোই যুদ্ধো ন-গুরির্, মাত্তর্ গোজেনর্ খেমতালোই আমার্ দরমর দেবাল ঘিজ্যে আত্যেরানি ভাঙি ফেলেই পারে।

দ্বি’লম্বর বিররণ 20:1

যুদ্ধো গুরিবাত্তে যেইনে শত্রুগুনোর্ পক্ষে তমাত্তুন্‌ ঘোড়া, রথ আর সৈন্যদল বেশ্ দেগিনে তুমি ন দোরেবা, কিত্যে তমার গোজেন লগেপ্রভু, যিবে মিসর দেজত্তুন তমারে নিগিলেই আন্যে তে তমা সমারে থেবঅ।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।

যিহোশূয় 10:14

এ আগেদি বা পরেন্দি এধোক্ক্যেন দিন আর কনদিনঅ‌ ন-এজে যেক্কেনে লগেপ্রভু এধোক্ক্যেনগুরি মান্‌জ্যর্‌ কধানি রাগেয়্যে। সেদিন্যে লগেপ্রভু ইস্রায়েলীয়গুনোর ওইনে যুদ্ধো গোজ্যে।

যিহোশূয় 10:42

এধোক্ক্যেনগুরি একবার যুদ্ধো গুরিবাত্তে নিগিলিলে যিহোশূয় এ বেক্‌ রাজাগুনোরে আর তারার দেজ্‌চানি জিদি নিলো, কিত্যে ইস্রায়েলীয়গুনোর গোজেন লগেপ্রভু তারার্‌ ওইনে যুদ্ধো গোজ্যে।

ফগদাং পেইয়্যে 19:17

যেরেদি মুই এক্কো স্বর্গদূতোরে বেলান ভিদিরে থিয়্যেই থাগদে দেগিলুং। যিদুক্কুন পেগে আগাজত্ উত্ত্যন্ তে তারারে বেক্কুনোরে জোরে রঅ ছাড়িনে কলঅ, “এজঅ, গোজেনর্ দাঙর্ হানাগান হেবাত্যে এক সমারে এগত্তর্ অ,

১ শমূয়েল 16:18

তার কাম্‌গুরিয়্যেগুনো ভিদিরেত্তুন্‌ একজনে কলঅ, “মুই বৈৎলেহমত্‌ যিশয়র এক্কো পূঅরে দেক্কোং। তে গমেদালে বীণা বাজেই জানে। তে এক্কো সাহসী আর যোদ্ধা। তে দোল্‌ গুরিনে কধা কোই জানে আর তে চাদেয়ো দোল্‌, আর লগেপ্রভুয়ো তা সমারে আঘে।”