সখরিয় 10:3 - Chakma Bible

³ লগেপ্রভু কত্তে, গরক্কুনো বিরুদ্ধে মঅ রাগ্‌‌কান জুলি উদের্, সেনত্তে মুই নেতাগুনোরে সাজা দিম। মুই বেগত্তুন্ খেমতাবলা লগেপ্রভু নিজো পালর্, অত্তাৎ যিহূদার মানুচ্চুনোরে দেগাশুনো গুরিম আর যুদ্ধোর্ বোলী ঘোড়া ধোক্ক্যেন গুরি তুলিম।

সখরিয় 10:3 Iomraidhean Croise

ইয়োব 39:25

তূরীর রঅবোর্ সমারে সমারে তে নাগেদি রঅ গরে; তে দূরোত্তুন্ যুদ্ধোর বাজ্ পায় আর সেনাপতিগুনোর রঅ ছাড়ানা আহ্ যুদ্ধোর রঅ শুনে।

যাত্রা 4:31

সেক্কে মানুচ্চুনে বিশ্বেজ্ গুরিলাক্। তারা যেক্কে শুনিলাক্, লগেপ্রভু ইস্রায়েলীয়গুনোর্‌ দুখ্‌কানি দেক্ক্যে আর তারা কধানি চিদে গোজ্যে সেক্কে তারা মাদিত্‌ মাঢা নিগিরিনে লগেপ্রভুরে তারার্‌ মনর্ ভোক্তি জানেলাক্।

গম্ উপদেজ্ 21:31

যুদ্ধোর্ দিনুনোত্তে ঘোড়াগুন যুক্কোল্ রাগা অয়, মাত্তর্ জিদেনা লগেপ্রভু উগুরে নির্ভর গরে।

পরমগীত 1:9

ও মর্ পরাণি, ফরৌণ রথ্‌তানর এক্কো পাড়ি-ঘড়া সমারে মুই তরে তুলোনা গোজ্যং।

যিশাইয় 10:12

প্রভু সিয়োন মুড়ো আর যিরূশালেম বিরুদ্ধে তার্ বেক কামানি থুম্ গুরিনে কবদে, “আসিরিয়া রাজার অহংকারী মনর্ কামানি আর তার বাড়্‌‌বো চোগ্‌‌কুনোত্তে মুই তারে সাজা দিম্,

যিশাইয় 24:21

সেদিন্যে লগেপ্রভু আগাজ উগুরে বেগত্তুন্ খেমতাবলাগুনোরে সাজা দিবো, আর পিত্‌থিমীত্ রাজাগুনোরে সাজা দিবো।‌‌

যিরমিয় 10:21

গরগ্‌কুনে জ্ঞাননেইয়্যে, তারা লগেপ্রভুর আওজ্‌‍‍‍‍চান জানিবাত্তে ন-চান; সেনত্তে তারা ফোলেই ন-পারন আর তারার বেক্ য়েমান পালুন ছিদিনে ইন্দি-উন্দি যেয়োন।‍‍

যিরমিয় 11:22

মুই বেগত্তুন্ খেমতাবলা লগেপ্রভু কঙর্, মুই তারারে সাজা দিম। তারার গাবুজ্যেগুনে যুদ্ধোত্ আর তারার ঝি-পুয়োগুনে ভাদ রাদে মুরি যেবাক্।

যিরমিয় 25:12

মাত্তর্ সত্তুর বজর্ অলে পরেদি মুই বাবিলোর রাজা আর তা জাদ্‌তুনোরে তারার অন্যেয়ত্তে সাজা দিম আর বাবিলীয়গুনোর দেজ্‌‌‌চান উমরত্তে ভস্তর্ জাগা বানেম।

যিরমিয় 25:34

ও পালক্কুন, তুমি কানঅ, আবিলেচ্ গরঅ; ও পালর্ নেতাগুন, তুমি ধূল্যেত্ এগুড়্-উগুর্ কঅ, কিত্তে তমারে কাবি ফেলেবার সময় এচ্চ্যে; তুমি দোল্ এক্কো মাদি পিলে ধোক্ক্যেন কট্টা কট্টা ওই যেবা।

যিরমিয় 50:6

মঅ মানুচ্চুন আড়েয়্যে ভেড়া ধোক্ক্যেন্ ওইয়োন; তারার গরগ্‌‌কো তারারে ভান্ন্যেই পধেদি নেযেয়্যে। সে গরগ্‌‌কুনোর কারনে তারা মুড়ো-মুড়ি ঘুরি বেড়েয়োন আর নিজো জিরেবার জাগান কধা ভুলি যেইয়োন।

যিহিষ্কেল 34:11

মুই প্রভু লগেপ্রভু কঙর্, মুই নিজেই মর্ ভেড়াগুনোরে তোগেম্ আর তারার্ দেগাশুনো গুরিম।

যিহিষ্কেল 34:12

গরগে যেবাবোত্যেগুরি তার ছিদি পোজ্যে পালরে তগায় সেবাবোত্যেগুরি মুই মর্ ভেড়াগুনোরে তোগেম্। মেঘ আর আন্ধার দিনোত্ তারা যেদক্কানি জাগাত্ ছিদি পোজ্যন্ মুই সিয়েনিত্তুন্ তারারে উদ্ধোর্ গুরিম।

যিহিষ্কেল 34:2

ও মান্‌‌‌‌‌‌‌জ্যর পুয়োবো, ইস্রায়েলর পালক্কুনো বিরুদ্ধে তুই ভাববাদী ইজেবে এ কধাগান কঅ, প্রভু লগেপ্রভু কোইয়্যেদে, অভিশাব্ পোড়োক্, ইস্রায়েলর সেই পালক্কুনোর, যিগুনে বানা নিজোর্ দেগাশুনো গরন্! ভেড়াপালর দেগাশুনো গরানা কি পালক্কুনোর্ উজিত্ নয়?

দানিয়েল 11:32

যিগুনে পবিত্র সুদোম অমান্য গুরিবাক্ বাজে কধা কন্ তে তারারে ভান্ন্যেই পধেদি নেযেব, মাত্তর্ যে মানুচ্চুনে তারার্ গোজেনরে হবর্ পান তারা খুব দরমর গুরি তারে মানা গুরিবাক্।

সফনিয় 1:8

লগেপ্রভু কোইয়্যেদে, “মর্ সেই উৎসর্বর্ দিন্নোত্ মুই রাজার্ কামগুরিয়্যে গুনোরে, রাজার্ পুয়োগুনোরে আর বিদেশী কাবড় চুগোর্ উজ্যে বেক্ মানুচ্চুনোরে সাজা দিম।

সফনিয় 2:7

সেই চাগালাগান যিহূদা-বংশর বাঁজি থেইয়্যে মানুচ্চুনোর অধিকারত্ থেবঅ; সিয়েনত্ তারা পাল চোড়েবার জাগা পেবাক্; সাজোন্যে অক্তত্ তারা অস্কিলোনর ঘরত্ ঘুম্ যেবাক্; তারার্ গোজেন লগেপ্রভু তারারে দেগাশুনো গুরিবো, তে তারার্ অবস্থাগান ফিরেব।

সখরিয় 11:17

“অভিশাব্ পোড়োক্, সেই অপদাত্ত গরগ্‌‌কোর, যে সেই পাল্লো ছাড়িনে যায়! লাম্বা ছুরিগানে যেন তা আঢ্‌তানরে আর ডেন্ চোগ্‌‌‌‌কোরে আঘাত গরে। সেক্কে তা আঢ্‌‌‌তান এক্কুবারে শুগেই যেবঅ আর তা ডেন্ চোগ্‌‌‌কো এক্কুবারে কান্ ওই যেবঅ।”

লূকে লেখ্যে গম্ হবর্ 1:68

“ইস্রায়েলর প্রভু গোজেনরে নাঙ্ গিনে ওক্, কিয়া তে তার্ নিজো মানুচ্চুনো ইন্দি মনযোগ্ দিয়্যে আর তারারে উদ্ধোর্ গোজ্যে।

১ পিতর 2:12

কারন সিয়েনিয়ে তমার আত্মার বিরুদ্ধে যুদ্ধো গরে। গোজেনরে যিগুনে ন-জানন্ তারা ভিদিরে তুমি গমেডালে চলঅ যেনে অন্যেয়গুরিয়্যে বিলিনে তারা তমারে নিন্দে গুরিলেয়ো তমা গম কামানি খিয়েল্ গরন্ আর বিচেরর্ দিনোত্ তমার্ সেই কামানিত্যে গোজেনরে বাঈনী গরন্।

রূত 1:6

মোয়াব দেজত্‌ থাগদে নয়মী শুনিলোদে, লগেপ্রভু তা মানুচ্চুনোরে হানার যুক্কোল্‌ গুরিনে তারা ইন্দি মনান্‌ দিয়্যে। সেনত্তেই তে তার দ্বিবে পূদবোরে নেযেইনে মোয়াব দেজত্তুন ঘরত্‌ ফিরি যেবাত্তে যুক্কোল্‌ অলঅ‌।