সখরিয় 1:8 - Chakma Bible

⁸ রেদোত্ মুই সখরিয় এক্কান দর্শন পেলুং। মুই দেগিলুং, মান্‌জ্য ধোক্ক্যেন রিনি চাদে এক্কো স্বর্গদূত রাঙা ঘোড়া উগুরে চড়িনে এজের্। ঘোড়াবো গাদ ভিদিরে গুলমেঁদি গাজ্‌‌চুনো সংমোধ্যে থিয়্যেই আঘে। মানুচ্চো পিজেদি আগেদে রাঙা, মাদি রঙর্ আর ধুব্ রংয়র কয়েক্কো ঘোড়া।

সখরিয় 1:8 Iomraidhean Croise

পত্থম 20:3

মাত্তর্‌ রেদোত্‌ গোজেনে অবীমেলকরে স্ববনত্‌ দেগা দিইনে কলঅ, “যে মিলেবোরে তুই আন্ন্যস্‌, তার নেক্‌ আঘে। তারে আনানার্ কারনে তুই মরণান ডাগি আন্ন্যচ্‌।”

পত্থম 46:2

গোজেনে রেদোত্‌ ইস্রায়েলরে দর্শন দিইনে তা সমারে কধা কলঅ। তে ডাগিলো “যাকোব, যাকোব।” যাকোবে জোব্ দিলো, “এইয়্যে দঅ মুই।”

১ রাজাবলী 3:5

গিবিয়োনত্‌ রেদোলক্কে লগেপ্রভু স্ববনর্‌ ভিদিরেন্দি শলোমনর্ ইদু আজিল্ অলঅ। গোজেনে তারে কলঅ, “তুই মইদু যিয়েনি চেবে মুই সিয়েনিই তরে দিম্‌।”

নহিমিয় 8:15

আর তারার্‌ আদামানিত্‌ আর যিরূশালেমত্‌ তারা এ কধাগান্‌ ফগদাঙ্‌ আর প্রচার্‌ গুরিবাক্‌, “যেধোক্কেন্‌ লেগা আঘে সেধোক্কেন্‌ তুমি মুড়োমুড়ি চাগালাত্‌ যেইনে নাদা মান্‌জ্যর-ঘর্‌ বানেবাত্তে জলপাই আর ঝার্‌বো জলপাই গাজ ডেলা আর গুলমেঁদি, খাজোর্‌ আর পাদালোই-ভোজ্যে গাজঅ ডেলা আনিবা।”

ইয়োব 4:13

রেদোত্‌ মান্‌জ্যে যেক্কেনে অঘোর্‌ গুরিনে ঘুমোন্‌ সেক্কেনে স্ববন্‌ দেগিনে মুই সিলিবিলি অলুং;

পরমগীত 2:16

মঅ পরাণ্যে মত্তে আর মুই তার্; তে লিলি ফুলোর্ ঝারত্ বেড়ায়।

পরমগীত 6:2

মর্ পরাণ্যে তা বাগানত্ যেইয়্যে তুম্বাজ্ মজলার্ বিজিতলাত্; হেই হেই বেড়েবাত্তে যেইয়্যে আর লিলি ফুল তুলিবাত্তে।

যিশাইয় 41:19

মুই ধূল্যেচর চাগালাত্ এরস, বাব্‌লা, গুলমেদি আর ঝার্‌‌‌‌‌‌বো জলপাই গাজ্ লাগেম আর ধূল্যেচরত্ লাগেম বেরস, ঝাউ আর তাশূর গাজ,‌‌‌‌‌‌‌‌

যিশাইয় 55:13

কাদাঝুবোর্ বদলে বেরস আর কাদাগাজর বদলে গুলমেঁদি জোর্মেব। লগেপ্রভুর সুনাঙত্তে এক্কান উমরর্ চিহ্নো ইজেবে ইয়েনি অবঅ। সেই চিহ্নোগান কনদিন্অ ভস্ত ন-অবঅ।”

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

দানিয়েল 2:19

রেদোত্ এক্কান দর্শনর্ মাধ্যমে সেই হবর্ ন-পেইয়্যে বেপারান্ দানিয়েল ইধু ফগদাং অলঅ। সেক্কে দানিয়েলে স্বর্গর গোজেনরে ভালেদি জানেল।

দানিয়েল 7:13

রেদোত্ মর্ সেই স্ববনত্ মুই রিনি চেইনে মান্‌‌‌‌‌‌‌জ্যপুয়ো ধোক্ক্যেন একজনরে আগাজ মেঘ ভিদিরে এত্তে দেগিলুং। তে সেই বুড়ো মানুচ্চো ইধু উজেই গেলে পরেদি তারে তা মুজুঙোত্ নেযা অলঅ।

সখরিয় 1:10

যিবে গুলমেঁদি গাজ্‌‌‌চুনো সংমোধ্যে থিয়্যেই এলঅ তে মরে কোইয়্যেদে, “গোদা পিত্‌থিমীগান ঘুরিনে রিনি চেবাত্তে লগেপ্রভু ইগুনোরে পাদেয়্যে‌‌‌।”

সখরিয় 1:11

লগেপ্রভুর যে দূদ্‌তো গুলমেঁদি গাজ্‌চুনোর সংমোধ্যে থিয়্যেই এলঅ তারে ঘোড়াবলাগুনে কলাক্, “আমি গোদা পিত্‌‌‌থীগান গুরিনে চেলং যে, পুরো দুনিয়েগান ন-দোরেয়্যেগুরি আর গমেডালে আঘে।”

সখরিয় 1:7

দারিয়াবসর রাজাগিরির দ্বিবজরর্ এগার মাজত্, অত্তাৎ শবাট মাসর চোব্বিশ দিনোত্ বেরিখিয়র পুয়ো ভাববাদী সখরিয় ইধু লগেপ্রভুর কধা ফগদাং অলঅ।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

যিহোশূয় 5:13

যিরীহোর কায়কুরে যানার পরেন্দি যিহোশূয় খুলো তলোয়ার আদত্‌ এক্কো মান্‌জ্যরে তা মুজুঙোত্‌ থিয়্যেই থাদে দেগিলো। যিহোশূয় তাইদু যেইনে পুযোর্‌ গুরিলো, “তুই কা তপ্পের্‌ মানুচ্‌-আমার্‌, না আমা শত্রুগুনোর?”

ফগদাং পেইয়্যে 2:1

ইফিষ শঅরর্ মন্ডলী দূত্‌তো ইধু এ কধাগান লেগ- যিবে তার ডেন্ আঢেদি সাত্‌টো তারা ধুরিনে সনার সাত্‌টো চেরাগ সংমধ্যে ঘুরি বেড়ায় তে এ কধাগান কর্:

ফগদাং পেইয়্যে 6:2

যিবে তা উগুরে বৈ এলঅ তা আঢত্ এক্কান ধনু এলঅ। তারে এক্কো মুকুট দিয়া অলঅ আর তে জিত্যেদে ধোক্ক্যেন নিগিলিনে জয় গত্তে গত্তে গেলঅ।

ফগদাং পেইয়্যে 6:4

সেক্কে আগুনো ধোক্ক্যেন রাঙা অন্য এক্কো ঘোড়া নিগিলি এলঅ। যিবে সেই ঘোড়াবো উগুরে বৈ এলঅ তারে পিত্‌থিমীত্তুন্ শান্তিগান তুলি লবার খেমতা দিয়্যে অলঅ, যেনে মান্‌জ্যে একজন আরেকজনরে মারে ফেলায়। তারে এক্কান দাঙর্ তরবারিয়ো দিয়্যে অলঅ।